نبض جنيني مابين تعالوا عفيه

[زينة الهيلا]

السلام عليكم خواتي كويتيات شلونكم*
بدش بالموضوع علي طول*
انا حملت طفل انابيب بعد اكثر من محاوله*
والحين بالاسبوع سادس رحت اسوي سونار امس قالوا لي في جنين بس مابين نبض تعالي الاسبوع جاي نشوف اذا فيه اولا اذا في الحمد لله واذا مافي بنوقف مثبتات ويطيح الحمل والدكتور خرعني الله يهداه قالي في ناس خمسين بالميه يكمل معاهم الحمل وناس لا يابناااات انا خايفه ومن امس ابجي ماصدقت احمل وفرحت بحملي وربي مومصدقه*
في احد منكم مابين معاها نبض الا بعد سادس اسبوع طمنوني الله يطمن قلوبكم وادعولي يابنات الله يوفقكم دنيا واخره

 

[*ضيفة*]

الله يطمن قلبك وان شاء الله حمل سليم معافى

 

[موت وميلاد]

الله يرزقج ان شاءالله

 

[ام ناصر 2009]

عادي ياقلبي انا كنت حامل بنتي ورحت بالاسبوع السادس ومابين النبض ورحت بعد شهر يمكن وبين النبض الدكتور قالي اكثر شي يبين بالاسبوع الثامن انا حملت بنتي طبيعي وان شاءالله ربي يطمنج يارب لاتحاتين وتفائلي وكثري من الاستغفار ولاتوترين النفسيه تلعب وان شاءالله تشوفين ضناج بيدج يارب

 

[أمواج البحر]

تو الناس ، في ناس ما يبين النبض الا بالاسبوع الثامن

انتي لا تحاتين واللي الله كاتبه بيصير

الله يتمم عليج وتفرحين بشوفة البيبي

 

[غلا-زوجي]

عاااادي الوضع لاتحاتين ولاتجهدين نفسج ترى النفسيه لها تأثير كبير

 

[زين ودلال]

عادي حبيبتي لا تحاتين

واايد بنات مايبين النبض معاهم مبجر

ان شاء الله تروحين الاسبوع الياي ويبين النبض وتطمنين

 

[english muffin]

وي عادي لاتحاتين كلش
انا الاسبوع 9 بين النبض

 

[3aly mstway]

حبيبتي ماعليج منه ان شاء الله مافي الله كل خير نصيحه لاتاخذين بكلامه اختي لي الشهر الثاني ويقولون جيس بدون جنين لان الجهال مو مبين ولا نبضه مبين شهر كامل قعدت تاخذ مثبتات ومريحه ومشاء الله بالشهر الثالث بين البيبي وماعليها اهم شي ريحي نفسج والله يتمم لج

 

[Shop Girl]

انا مابين عندي النبض الا بالاسبوع السابع

 

[زينة الهيلا]

استغفر الله

 

[عيون شيخه]

فدييت قلبج لا تحاااتيين الغاااليه ان شاا الله خير ويكووون حملج سلييم ياا ربي
:eh_s(7)::eh_s(7):

 

[ABEER FLOWER]

حبيبتي ربي يتمم عليج

عادي النبض أحياناً يبيّن متأخر
​

 

[M!Ss Smart]

اختي اولا لاتزعلين نفسج وتبجين عادي النبض يبين بالاسبوع الثامن مرات شي طبيعي اهم شي الراحه لج استغفري وادعي ربج وخليج ريلاكس والله يسهل عليج وتفرحين فيه يارب

 

[اخت خالتهم]

انا ما بين الا بالاسبوع السابع و 4 ايـام
يعني تقريبا الثامن

لا تبجين ولا شي
روحي بعد عشر ايام وتطمني

حبيبتي النفسية مو زينه بداية الحمل دام مافيج للحين نساة استانسي و استمتعي بحملج
ليش البجي
اللي رزقج قادر على ان يتمم لج على خير
وانتي رايحه مبجر

 

[مناوووي]

الله يطمن قلبج ويفرحج
كثري استغفار وادعي وان شاءالله مافيه الا مل خير
هالدكاتره الله يهديهم بس تخرع فينا

 

[أأأميرة الورد]

الله يطمن قلبج ويفرحج بشوووفة البيبي بصحة وعافيه

 

[ملاك ^ الحب]

في ناس يبين معاهم النبض لمن يكملون شهرين

عادي انا منهم كملت شهرين وبين النبض

 

[رفرف]

تو الناس مبجر لا تحاتين

انا صارت فيني 6 اسابيع بين چيس خالي مافي بيبي
من الخرعه سويت سونار تفصيلي وهم سوولي سونار داخلي بين البيبي بس مافي نبض
رحت بعد اسبوعين يعني 8 اسابيع الحمدلله بين معاي النبض

 

[# غنوجة بيبي #]

الف مبروك


عاديے


ما يبين الا بالثامن