نبض الجنين يحدد نوعه في الشهر الثاني هل هو صحيح ومجرب ..؟؟

[توته توته ..]

السلام عليكم ورحمه الله وبركاته

حياكن الله اخوااتي وجمعني بكن في اعالي الفردوس مع نبيه محمد عليه افضل الصلاة والسلام

ومع اصحابه الكرام اميين يااارب وكل عام وانتن بخير وبصحه وسلامه

حبيت اسئلكن عن موضوع شاغلني الا وهو نبض الجنين في الشهر الثاني

كم بيكون يعنى في الاسبوع 7 و 8 وهل صحيح ان معدل نبض البنت اسرع من الولد ..

البنت يكون اعلى من 140 ............................. والولد اقل 140 ..


ياليت اللي تعرف وسبق وكشفت تقول لنا

وبالنسبه لنبض جنين يكون 170 ما شاء الله تبارك الرحمن في الاسبوع السابع وش صادف معكن

انتظر الاجابه مع دعواتي القلبيه للجميع بصيام مقبول باذنه تعالى ​

 

[bto0olah]

مادري حبيبتي انا قريت هالشي في كذا منتدى انا ماسويت سونار عشان اشوف اذا صج ولا لا[ انشالله يساعدونج البنات
/b]

 

[hneen2]

لالا غلط وانا د. ليلي اشكناني قالتلي بالشهر الثاني من النبض احتمال ولد واخير شي طلع فيني بنت الحمد الله وفي دكتوره بدار الشفا لما قتلها عن سالفه النبض ضحكت علي تقول مالا شغل ...........

 

[*ماي الورد*]

اول مرة اقرا المعلومة

 

[توته توته ..]

وين الاخوااات الباقين

ومشكوراااات اللي ردوا على جزاهم ربي الجنه

 

[عاشقه الاسمرانى27]

حبيبتى والله سمعت فيها بس ما اعتقد صح والنبض يبين اكثر شىء من الاسبوع الثامن


لان اوقات يكون التبويض تاخر وتروحى تسوى سونار بالاسبوع السادس يقولج مابين للحين البنض فيبين اكثر شىء يالثامن

 

[بيبي فيس2008]

انا بعد سمعت اذا النبض فوق الـ140 بنت واذا اقل من 140 ولد مادري صج ولاخرابيط

 

[غلا عيوني]

رد : نبض الجنين يحدد نوعه في الشهر الثاني هل هو صحيح ومجرب ..؟؟

نعمه من الله سوء بنت ولا ولد............................

 

[آهات الليل]

غلط

شوفي تبين الشي اللي يبين جنس البيبي 99%
شوفي اول سونار لج سويتيه جيس البيبي اذا دائري او بيضاوي بنوته
واذا جيس البيبي هلالي بشكل واضح او على شكل موزه ولد
والله اعلم"
دعواتج لي بالولد الصالح يكون سند لخواته

 

[دمثة]

بنت ولد المهم الطفل الصاحي المعافي الذرية الصالحة

 

[توكلت على الله 22]

مو صحيييح

انا سامعه العكس

اذا اعلى من 140 ولد واذا اقل بنت

 

[randomy]

اهم شي الصحه والعافية يابنت الحلال

وترى سالفه النبض وشكل الكيس والاحلام ...........كلها خرابييط

موقاعده نمشي عليها كل حمل يختلف عن الثاني

والله يرزقج بكل خييير

 

[توته توته ..]

هلا حبيباتي مشكورات اللي ردوا وياليت ماتتضايقون من موضوعي ولاتلوموني

انا وربي يشهد على مافرقت معاي لكن انا وسط ناس شرسين جدا ونظرتهم لي قاسيه

وانى ام البنات صحيح انى مو مقصره واواجهم بكل برود واهتم ببناتي لكن كلامهم سموم

ونظراتهم شماته وفرح حتى اخوااتي كل ماشافونى يابنت الحلال احملي وهاتى ولد

لبناتك كانه بيدي انا وكانهم ضامنين الولد بيجي على طول وبنتى الكبيره نفسيتها تعبانه

تقول كل زميلاتى عندهم اخوان وتحكى لي قصص زميلاتها معاهم وتقول نبي ولد

الحين يوم حملت تسالنى هو ولد ولا بنت قلت مدري احتمال بنت واحتمال ولد وكله بيد ربي

قالت لا الله يخليك كافي نبي اولاد كافي بنات واتغير وجهها وتركتنى المصيبه انها تفهم

وواعيه يعنى مهما كلمتها الا تبي اخ

غير كلام اخو زوجي ما انساها الين اموت وتصرفات اخواته يوم يخبون اولادهم عنى

خائفين انى احسدهم رغم انى واقسم بالله احبهم بجنون

انا ماطلبت الولد بكيفي او تميز وتفرقه عن البنت لا والله لكنى ابي اسد افواااه اللي حوالي

لاتلومونى وياليت تدعون لي بدعوه ان اللي في بطنى ولد ويفرحنى ويفرح خواته

مشكورااات ​

 

[meen_ana]

الله يرزق بالولد الصالح يارب

 

[ام كوشه منكووشه]

رد : نبض الجنين يحدد نوعه في الشهر الثاني هل هو صحيح ومجرب ..؟؟

اول مره اسمع عن هالشغله
انشالله يكون اللى بنطج ولد واذا حابه تتاكدين في جهاز فحص جنس البيبي تقدرين تستخدمينه هالفتره نفس اختبار فحص الحمل المنزلى بس يكون خاص لمعرفه جنس المولود
ويالله ياربي انشالله بحق هالشهر الفضيل يكون اللى ببطنج ولد

 

[fato0ot]

الله يفرح قلبج يارب ويكون ولد صالح وعلي كلام الناس ونضرتهم ما تخلصين وانتي جم بنت عندك الله يحفظهم

 

[آهات الليل]

مالومج ياقلبي معذوره عسى ربي يبرد قلبج ويكون ولد وتبشرينا وتقهرين الحساد والاعداء فديتج
لاتتظايقيين خلي ايمانج بالله قوي لاتكلموا قولي وانا شكووووووو مو انا اللي احدد زوجي اللي يحدد وضحكي لان صج بفضل الله الزوج من الحيوانات المنويه اهو اللي يحدد مو انتي دوم جي ردي عليهم عرفتي لاتسكتين واذا اخوانه قطوا حجي قولي شسوي سالو اخوكم واذا الحريم قولي انتوا ادرى موانا الريال عشان احدد وخلج عادي وترى هذا اختبار من رب العالمين يشوفج تصبرين ولالا
وانشالله ربي يرزقج ويرزقني بالولد الصالح قولي امييييييييييييييين

 

[توته توته ..]

اااااب

 

[bto0olah]

:eh_s(15):

السلام عليكم ورحمه الله وبركاته

حياكن الله اخوااتي وجمعني بكن في اعالي الفردوس مع نبيه محمد عليه افضل الصلاة والسلام

ومع اصحابه الكرام اميين يااارب وكل عام وانتن بخير وبصحه وسلامه

حبيت اسئلكن عن موضوع شاغلني الا وهو نبض الجنين في الشهر الثاني

كم بيكون يعنى في الاسبوع 7 و 8 وهل صحيح ان معدل نبض البنت اسرع من الولد ..

البنت يكون اعلى من 140 ............................. والولد اقل 140 ..


ياليت اللي تعرف وسبق وكشفت تقول لنا

وبالنسبه لنبض جنين يكون 170 ما شاء الله تبارك الرحمن في الاسبوع السابع وش صادف معكن

انتظر الاجابه مع دعواتي القلبيه للجميع بصيام مقبول باذنه تعالى ​

:eh_s(15):حبيبتي سويت سونار وطلع كله غلط النبض وشكل كيس الجنييييييين وموفقة

 

[توته توته ..]

ااااااااااااااااب