نبض البيبي ساعدوني

[اخت الدكتور]

السلام عليكم ورحمة الله وبركاته
شلونكم بنات انا رحت للدكتوره اليوم تسوي لي سونار عشان تتأكد من نبض البيبي وانا حامل ب 6 أسابيع ويومين علئ كلامها وقالت لي مافي
نبض ومتوقف من 10 ايام والحين انا النفسيه عندي زفت شنو تنصحوني اراجع عقب اسبوعين مثلا واتاكد قبل لااسوي تنظيفات نصحوني
خوااتي محتاجه لكم والحمدلله علئ كل حال

 

[glby7sas]

روحي دكتوره ثانيه وتأكدي من كلامها

 

[أأأميرة الورد]

روحي لكذا دكتوره وتاكدي احسن

والله يكتب لج اللي فيه الخيييييير

 

[مسـك]

حملت قبل جم شهر وصار فيني نفسج بالضبط ٦ اسابيع ونزل دم رحت لطوارء رويال قالوا واقف النبض من اسبوع وقعدت يومين رحت طواريء الهادي نفس الكلان مافيه نبض

قال لج اسبوعين اشربي اي شي ينزله اذا مانزل تعالي نسويلج تنظيفات وشربت اعشاب ونزل الحمدلله والشكر

لاتستعجلين ع التنظيفات

 

[fofo90]

لا تستعجليين صبري
لي اسبوعين وسوي سونار
من جديد احسن عشان
تطمنين اكثر

 

[fofowa_q8]

6 اسابيع تو الناس عالنبض! انتي سمعتيه من قبل ولا هذي اول مرة؟

انا اقول صبري انا ماسمعت النبض الا بالاسبوع الثامن مادري التاسع

وتيد حوامل يصير عندهم التبويض متاخر

اذا الله كاتب بتسمعينه.. واذا استمر الوضع مافيه نبض حرام

تسوين تنظيفات توه صغير مع الاشياء الدافيه

ينزل مثل الدورة واذا خلصتي تسوين سونار

تتاكدين مابقى شي برحمج..الله يكتب لج اللي فيه الخير

 

[New_bride]

انا ماسمعت النبض الا فالاسبوع السابع لكن وقف النبض فالاسبوع ال ١٦ الحمدلله على كل حال

توكلي على رب العالمين وانتظري اسبوع لان فالاسبوع السادس مبجر وايد مايبين الا اذا انتي سامعه النبض من قبل هذا شي ثاني

 

[$قطوه$]

انا بان النبض 7 اسابيع الحمد لله


صبري وتوكلي علة الله

 

[بنت الاحلام]

اصبري لا تستعجلين

 

[اخت الدكتور]

حبيت أضيف كم شغله خواتي قبل كنت احس بنغزات في الرحم والحين مااحس فيها
والوحام فجأة أختفئ سبحان الله أبي ردود أكثر بنات يعني 129 مشاهده
و8 ردود بس الله يسامحكم

 

[baa6aa]

لا تستعيلين .. يا انج تنطرين جم يوم وتروحين مكان ثاني ..

او من الحين تشوفين لج دكتور ثاني يقولج

ويفضل انج تروحين حق استشاري متخصص بالسونار عشان يكون اضبط لج و عندج اشرف بالسلام شاطر و اهوة استشاري سونار

 

[زينب 12]

انا اللي اعرفه ان مايبين بالاسبوع السادس
وان مبجر
انا بالاسبوع السادس وحاولو بالمستشفى يشوفون بالسونار ومابين قالو لي مره مبجر
وان شالله مافيه الا كل الخير يارب وربي يطمن قلبج انا اقول روحي لدكتوره ثانيه

 

[مذهلة2013]

حبيبتي تو الناس على مابين

هالدكتورة ماتفهم شيء

ربي يطمنج عليه

 

[اخت الدكتور]

أبي ردود أكثر الله يرحم والدينكم

 

[«ღ»Pure Soul«ღ»]

انا بالاسبوع السابع سويت سونار مابين الجيس والدوره خافت واصرت لازم داخلي وبين الجيس والنبض
نطري اسبوع او روحي لدكتوره غيرها

شلون عرفت النبض متوقف من 10 ايام ؟؟

وكلي امرج للرحمن لو ربي كاتب له يثبت بتشوفينه واذا ربي ماكتب بيعوضج لا تشيلين هم ورب العالمين معاج خلي ايمانج كبيير وتوكلي عليه وتاكدي اللي مكتوب لج خيره

 

[عاشقة هواك]

هالدكتورة شفيها مخرعتج توه الناس على النبض في بعضهم النبض يبين عندهم متأخر

 

[مسـك]

يبين من نمو الكيس يكون نموه مناسب للاسبوع اللي هو فيه

 

[sweetpink1990]

نبض يبين ب9اسابيع

 

[كوكيز بالكريمة]

اخيتي الغاليه 6 اسابيع مبجر على نبض الجنين غير جذي شنو متوقف من 10 ايام يعني لج 4 اسابيع حمل مستحيييل هذي شتخربط عليج...صبري للاسبوع الثامن يعني بعد اسبوعين سوي سونار و تأكدي و إن شاءالله خير...ادعي وكثري استغفار وتفائلي خير...ربي يتمم لج واﻻمر خيره بيد رب االعالمين اذ طفل سليم بيثبته إن شاءالله..وكلي امرج رب العالمين...رفيجتي جذي صرقعوها وباﻻخير الحمل متأخر و مابان اﻻ بعد فتره..صبري

 

[# غنوجة بيبي #]

شلون قالت متوقف من 10 ايام

يعني كنتي بالاسبوع 4 ونص

و اساسا النبض ما يبتدي الا بالاسبوع السادس او السابع او الثامن

انا سمعته بالاسبوع السابع

و في بنات يسوون ماكو نبض و يعيدونه بالاسبوع الثامن او التاسع يكون موجود

لا تستعيلين و صدقيني دكتورتج ماتفهم

مايصير متوقف صارله 10 ايام و اهو يبتدي من الاسبوع السادس

مادري والله استخيري