سلام عليكم خواتي الاعضاء شلونكم
هاذي قصة بنت خالتي :eh_s(6):
وهي توها بدت تكتب قصصص واتمنى انها تعجبكم
ناوي ترجع
**
بالطريج وانا رايحه الدوام طبعا كالعاده الشوارع زحمه يعني لازم اطلع قبل المحاضره بساعه الا ربع عشان اوصل ويمديني احضر وما اكون متأخره عن محاضرتي
طبعا وانا بالسياره وماسكه تليفوني وابي ادق على بنت خالتي والا يطيح مني ويوم بغيت اخذه ما انتبتهت على نفسي الا وانا داعمه اللي جدامي !!
طبعا حدي تنحت ومادري شسوي قاعده ارجف وخايفه ابي ابجي لاني اول مره ادعم
نزل من سيارته و وقف عن دريشتي نزلت الدريشه ومغطيه ويهي
اقوله : انا اسفه والله ماكنت اقصد كنت بيب تليفوني طاح مني والا ادعم امبي سوري والله اعطيك رقم ابوي دق عليه عشان التصليح انا اسفه
قالي : ماله داعي مافيها شي السياره حصل خير تقديرين تروحين
قتله : اذا سيارتك متعوره قولي اعطيك رقم ابوي عادي
قالي : مافيها شي والمره اليايه انتبهي توكلي على الله
قتله : مشكور وماقصرت
ورحت الكليه وانا حدي متضايقه موقف خايس وبشاره خير حق اول يوم دوام ://
اي صح نسيت اقولكم انا (( جوري )) طالبه سنه اولى في كليه العلوم الاجتماعيه
دقت علي بنت خالتي قالت لي : وينج ؟؟ - وقتلها كاني يايتلج
لاني مستجده وما ادل :$
وطبعا قتلها السالفه من طق طق لي سالم عليكم طبعا ماحسيت بنفسي الا وبلشت المحاضره قلت حق بنت خالتي بلشت بروح يالله باي
والا تناديني تقولي نسيتي جنطتج ://
من العيله طبعا وما مداني الف الا وانا داعمه احد يبووووي شالمواقف الخايسه اللي صارتلي بهاليوم كرهت هالكليه والله
وياليتني داعمه بنت دعمت صبي حداا احراااج !!
طبعا اغراضي طاحت على الارض والا يقولي انا اسف اختي ماكنت اقصد وخلي عنج الاغراض انا ايبهم لج
وما وعيت الا هالصبي نفسه اللي دعمه بالسياره امبي فشله :$
قتله : انا اسفه بس حدي متأخره عن المحاضره - قالي : حتى انا شكلج مستجده صح ؟
قتله : اي – قالي : اي اول مره اشوفج
بيني وبين نفسي نعم !! المهم استأذنت منه ورحت حق محاضرتي
والا الموقف الخايس الثالث على التوالي الدكتور مادخلني قالي انتي متأخره !!
طبعا حدي طلعت مبوزه ومالي خلق نفسي والا الحبيب اللي دعمته مرتين اليوم بويهي يقولي : ما دخلج ؟؟
اقول بيني وبين نفسي شيبي هذا ؟؟ شكو نعم !!
قتله : لا – قالي : ولا انا دكتوري ما دخلني منو دكتورج ؟
قتله : فلان الفلاني – قالي صبري شوي
دش القاعه اللي فيها محاضرتي وطلع مع الدكتور واشر علي جان يناديني يقولي الدكتور : دخلي واخر مره وسألني شسمج يبا ؟
طبعا انا حدي تنحت وقتله : أأأ اسمي جوري وقلتله ان شاء الله وانا اسفه دكتور ودخلت واستوعبت في النهايه اني ماشكرت الولد وعليا مسوي فيني خير يحليله
المهم طلعت من المحاضره وكنت متأمله خير اشوفه عشان اشكره على وقفته معاي
والا يا محاسن الصدف شفته باللوبي المهم رحت صوبه وفشله كان مع ربعه يوم شافني يالي
قتله : مشكور اخوي وما قصرت على هالموقف واسفه ماشكرتك بوقتها اعذرني كنت مصدومه
قالي : العفو ولو ماسويت شي
واستأذنت منه ورحت حق بنت خالتي اللي مبققه عينها علي
تقولي : شعرفج فيه ؟؟؟ - قتلها : منو ؟؟
قالت : احمد !! – قتلها منو احمد ؟؟
تقولي اللي كنت تكملنيه تو مساع - جان اقولها السالفه كلها ://
جان تقولي انه هذا معذب قلوب العذارا بالكليه ومايعطي ويه ولا يكلم اي بنت وحدها تنحت يوم شافته يكلمني :/
وانا شعلي منه المهم عدا اليوم على خير من غير اي اصطدامات ثانيه :×
ومرت الايام وبما انه هالولد (( احمد )) معاي بالكليه فشي طبيعي راح اصادفه
والغريب بالموضوع انه كل ما يشوفني يبتسم انا بدوري كل ما التقت عيني بعنيه انزل عيني وامشي
تصدقون ما اخش عليكم الا اني مستانسه على هالوضع :$
واستمرينا على هالحال ...
وفي احد الايام وانا فاتحه لوكري والا اشوف ظرف مو مكتوب عليه شي ://
استغربت قلت من منو ؟؟؟
المهم فتحته والا مكتوب كالاتي :-
انا هني دارت الدنيا فيني حدا طلعت عيني .. انااا !!
والله دنيا غريبه .. اناا !!
المهم وانا لي الحين تحت وقع الصدمه خذيت كتبي ورحت سيارتي والا اشوف الصدمه الثانيه لقيت جوريه حمرا على سيارتي ويمها كرت مكتوب فيه الجوري للجوري ... احمد
لااا انا لي هني وخلاص ماقدر اتحمل من صجه !!
المهم رديت البيت وانا حديي مستاانسه وطايره طييير اخييه بس
احمد يحبني ويبيني وطول الوقت وانا افكر فيه خذا تفكيرني كله
وطول الوقت ماسكه الورده ورسالته والكرت واقراها مليون مره لاني بصراحه مو مصدقه
قررت انه ثاني يوم ما احضر ابي اغيب بصراحه حدي منحرجه ماقدر احط عيني بعينه :$
ويا محاسن الصدف صدفت صرت مريضه وطحت بالفراش 3 ايام تقريبا
طبعا حددي خذيت مرضيه لانه راح يوصلني انذار تالي ://
المهم بعدها صرت اوكي ورحت الكليه ويومي كان عادي
بس للاسف ما صادفت احمد
بصراحه بصراحه حدي تضايقت كنت ابي اشوفه :$
المهم خلص اليوم عادي محاضرات وقرقه لين خلاص بروح السياره برد البيت تعبانه حدييي
والا اشوفه واقف عند سيارتي @@
قربت صوب سيارتي
قالي : جوري شلونج ؟ وينج طول هالايام ؟
قعدت اطالعه ومستغربه انه نعم ؟؟
قتله : والله كنت مريضه
قالي : صج ماكنت ادري ماتشوفين شر ان شاء الله بس كنت خايف عليج عبالي صايرلج شي
وهم قعدت اطالعه ومو مصدقه
قتله : لا عادي ماكو شي كل خير ان شاء الله
قالي : فكرتي ؟؟ - قتله : بشنو ؟؟
قالي : بموضوعنا
طبعا حدي غبيه صرت
قتله : اي موضوع ؟؟؟
قالي : جوري انا ابيج على سنه الله ورسوله شقلتي ؟؟
طبعاااا حدا ويهي صار احمر واستحيت ونزلت راسي بعد فششله :$
قلتله : والله احمد انت صدمتني وانا وايد صغيره على الزواج واعتقد انت لي الحين ما كونت نفسك فيعني مادري شقولك
قالي : ادري وانا سنه ثالثه الحين وباقيلي سنه ان شاء الله واتخرج وابيج تكونين لي شقلتي ؟
قتله : والله مادري اللي الله كاتبه بيصير
قالي : ونعم بالله وابي اقولج شي بس حدي منحرج منج واصلا مادري شلون اقولج اياها
قتله : خير امر ؟؟
قالي : بغيت اعطيج رقمي عشان نتواصل ونكون علاقه ومنها اعرف اخبارج لاني ينيت بالايام الي طافت
قتله وانا مصدومه : احمد ماقدر اكلمك من ورا اهلي
قالي : ادري بس انا نيتي والله زواج وربي مو قاعد اللعب عليج وابيج وشاريج ومتمسك فيج انتي خلي رقمي عندج الحين ومتى ما حبيتي دقي واذا مستحيه دزي مسج بس ابي اتطمن عليج
وعطاني رقمه ومشى حتى ماسمع كلامي طاع هذا @@
طبعا رديت البيت وحدي متنحه ولا ادري عن هوا داري
الكل يكلمني وانا مطنشه وكله سرحانه ومادري شنو صاير
مصدومه امبي شسوي معقوله اكلمه يعني !!
اهوا صج مزيون وانسان ذرب ومحترم بس ...
و حنون ( بنت خالتي ) كله تمدحلي فيه وتقولي مايعطي ويه ومايكلم ومادري شنو
ياربي شسوي
المهم قررت كالاتي ماني مكلمته وكيفه
ثاني يوم رحت الكليه كالعاده توقعت اني راح اشوفه وانه بيقولي ليش مادقيتي ومادري شنو نفس سوالف الشباب :///
بس توقعاتي كلها طلعت خطأ ماشفته :///
معقوله مو مداوم يعني ؟؟
وطول الوقت وانا احاتيه وينه هذا ؟؟
صار باجر ونفس الحاله والي عقبه ويك اند هذا وينه !!
تبون الصراحه حدي خفت عليه وقررت اني ادز له مسج اسأل عنه
رحت دورت الورقه وخذيتها ودزيت المسج والي كان كالتالي :
وسويت ارسال وحدي خايفه وارجف
والا ما مداني الا وداق علي @@
شنو هذا ما صدق على الله !!
طاع هذا مابي !! جان اسده بويها كيفه مستحيل اكلمه !!
جان يدق مره ثانيه – جان اسده بعد
جان يدزلي مسج يقولي : شفيج ؟؟؟
قتله : ماراح ارد عليك خلك مسجات
قال : اوكي على امرج بس المهم تطمنيني عنج
قتله : قتله انا بخير انت وينك ؟؟ ليش مو مداوم
قال : بس جذي
قتله : @@ شنو بس جذي ؟؟ اكيد في سبب
قالي : امممم .. عشان تدقين علي
@@ اي شي صح ؟؟ امبي ماكو شغل صح ؟؟ يعني يبي ادق عليه وسوا هالحركه وانا جني ما صدقت على الله امبي ويع
قتله : دام مافيك الا العافيه اوكي خلاص تطمنت مشكور باي
قالي : تحبيني ؟؟
انا هني تنحت !! احبه شكو ؟؟؟
قتله : لا شكو
قالي : عيل ليش سألني عني دامج ماتحبيني ؟؟؟
قتله : امبي مادري ...
قالي : سألي نفسج هالسؤال ليش؟؟
قتله : مادري يمكن فضول امبي مادري مادري
قالي : على راحتج
وهدني بوسط حيرتي
معقوله انا احبه ؟؟ لا شكو احبه انا وين عرفته عشان احبه ؟؟؟
بس صح انا شكو اسأل عنه ؟؟
شكو قاعده احاتيه ؟؟
بالاساس ليش خذيت رقمه وخشيته ؟؟
وليش ؟؟ وليش؟؟ وليش ؟؟؟
قعدت طول الويك اند افكر واسأل نفسي
ليش؟؟؟
**
اتمنى ان تنال اعجابكم
انتظروني في الجزء القادم
شكرا لكم
