ناويه اروح لتركيا و ابي اشتري بضاعه بس من وين ؟!

[سرقت النوم]

السلام عليكم ورحمة الله وبركاته بنات انا وريلي وولدي ( انا اخت سرقت النوم ) نوينا نروح لتركيا الخميس القادم 27\ 10
و راح نقعد اسبوع قبل العيد راح نرجع لأن زوجي ما عنده اجازه عالعيد ( قلت قصة حياتي)
المووووهم

ابي احسن مكان اشتري منه بضاعه و بسعر التكلفه
ابي خواتم و اساور غريبه و ابي صحون تركيا ملوت الاستكانات

اللي تعرف لاتبخل علي و ترا هاذي اول مره اروح فيها لتركيا و ياريت تقولون لي شنو اكثر شي يمشي
انا راح اعطيهم وحده تعرضهم لي بمحلها
لأن انا ادرس و ابي اطلع لي مدخول ثاني لين اتخرج
مشكورين و ماقصرتو

 

[law love]

من الجراند بازار بس حيلج بالمكاسر حيييل ينزلون

احلى مكان بتركيا الجراند بازار

 

[سرقت النوم]

قلبي والله ما قصرتي

انزين في اماكن معينه و لا بس اقول للتاكسي جراند بازار و بس !!!

 

[law love]

لا بس قولي الجراند بازار

و السبايس بازار او السوق المصري هم فيه جناط و بهارات

اريستا بازار فيه خامات تركيا المشهوره اللي هابين فيهم بالدراريع

حتى التاكسي قبل لا تركبين تتفقين على السعر و تكاسرينه بعد

كلهم يم بعض

 

[Om_Ksha]

في منطقه عندهم باسطنبول كلها مجمعات واسواق بالجمله ,, نسيت اسمها !!

 

[سرقت النوم]

ام كشه تكفين تذكري اسمها

لأن ابي بضاعه و ترا على قدي يعني باستثمر عسالله يرزقني من رزقه الحلال الطيب و يبعد عني الخبيث يارب

والله بتكونين ساعدتيني لأن معاي ولدي و ما عندي خدامه يعني عباله


حاولي تتذكرين

واللي تعرف لا تبخل علي بنوتات

 

[7rm_7bibi]

انا حاليا بتركيا سياحه واول مره ازورها
اليوم كنت بالبازار المصري بصراحه حييييييل غالي
كنت ابي هدايا اكسسوارات وشنط واستكانات
مبالغه موطبيعيه
طلعت منه لن ببالي وحده معانا بالمنتدى اسمها لاست مون
كانت حاطه لها تقرير بالصيف
وكان فيه بازار شاريه منه معقوله اسعاره
فتبرمجت عاشغلات اللي كانت حاطتها والاسعار
وبنفس الوقت منبهه ان البازار المصري غالي وبفرق كبير

تخيلو باخذ طقم استكانات هديه لامي وام زوجي
تخيلو بجم عطاانا الطقم ٣٥٠ ليره
يعني مايعادل ٥٠ دينار تقريبا

يعني بالكويت فيه شغلات احلى وارخص
بس غلى قولة زوجي من يشوفوني بالعباة يغلون بالسعر
احنا الخليجين مستهدفين

انصحج تشوفين تقرير الاخت لاست مون يمكن يفيدج
واذا حسيتي اني فدتج لو بشي بسيط لاتنسيني من دعائج
نرد ديرتنا سالمين يارب