ناهده ولا ليلى

[بنت التوخذه]

:bbbiu:هاي بنات شلونكم
اتا اراجع عند ليلى اشكناني بس يقولولي ناهده احسن منها وانا محتاره
انا ولادتي الاولى كانت عند ليلى امي وخالتي يقوولون مااعجبتهم بوقت الولاده يوم ولدت بنتي صار فيها خلع بيدها فمحتاره بليز الي جربت وحده منهم تقووولي

 

[هذا مزاجي]

ماجربتهم الثنتين
ان شاءالله البنات يفيدونج

 

[Dark SouL]

اصلا ليلى ماديا تفكر بالفلس اكثر من الروح

رفيجتي المفروض تولد طبيعي بس يوم شافت عندها ولادة ثانية فتحتها قيصري وقالت ان البنت تعبت لي درجة ان خيطوا راس البيبي لانه كان حييييييييل نازلة تبي تطلع طبيعي وتقول رفيجتي التخطيط والضغط والاجهزة كلها طبيعيه شلون تحكم علي ان اولد قيصري

بس صج ناهده تنطرج وهادية وتقرا عليج ووقت الولادة وانا راجعت عندها حق حمالي اللي طاف بس قدر الله ماشاء فعل سقطته

 

[أريد حلا]

ناهده العلي انسانه محترمه وملتزمه ماشاءالله والكل يشكر فيها وشوفي الموضوع اللي شكرتها فيه العضوه من جم يوم

ماشاءالله ولدتها طبيعي مع انها كانت والده قبل قيصري دوري الرابط واستفسري من العضوه الله يقومج بالسلامه يارب

لا تنسين تدعين لنا بالخير اثناء ولادتج الدعاء مستجاب

 

[لولو.87]

انا ولدتني ناهدة قبل شهرين الصراحة خوش دكتورة و اول ما دقو عليها يت علي طول بس هم و ارد اقول ان التساهيل من الله و الله يسهل عليج انشالله

 

[بنت التوخذه]

مششكورين بنات على الردود
والله يسهل علي الكل انشالله

 

[مس لوتس]

اب اب انا نفس حالتج محتاره تكفووون بنات فيدوناااا

للي تكلمت عن دكنوره ليلي اعرف ثنتين ولدنهم طبيعي بعد قيصري صبرت عليهم حيييل

 

[ام عفاف الكويت]

ناهده وبس دكتورتي من 3 سنين

 

[حرم_طيار]

والله انا جربت الاثنين يهبلون
شهاتي فيهم مجروحه
والسهاله من رب العالمين

 

[@ام يوسف@]

ااب

 

[ارتيكازا]

انا ولدتني ناهدة المره الاولى مع ان تخيلي ما اتعرفني بس رحت اخر شهر قلت حق السكرتاريه ان ابيها تولدني و كنت فاقدة الامل انها تييني بس الحمد لله يتني و ولدتني و كانت تقرا علي و روحها حلوه , و الحين انا حامل مرا ثانية و اراجع عندها لانها اكسبتني عشان جذي رديتلها , فاقولج ناهدة , اما ليلي فالصراحة ما جربتها و ما سمعت عنها

 

[توته كيوته]

انا جربت ليلى و كلشششششششششش ما عجبني حزة الولاده و لا عجبت امي بااااااااااارده و مت تعرف تتصرف و خياطها لج عليه ..

 

[H&M love]

ليلى اشكناني حدها زينه
اختي كانت بجر و متعسرة بالولادة
الحمدلله ولدتها و طبيعي و خياطتها و تقول خياطها حدة عجيب
و ما سمعت احد يذمها كل اهلنا عندها و كللهم طبيعي

اما ناهده ويي وييي لعبت بأمي لعب
اخر شي حولوها الصباح

و حمات اختي بولاداتها الثنتين الاول شقت راسه بالمشرط
و الثاني طلع مخنوق
لي درجة هدتها و خلت الياهل مصكر عليه و طلعت تصرخ تبي دكتور يساعدها

و واااايد عليها سوالف انا اخاف منها الصراحة *

 

[الرباب]

السلام عليكم

جربت ناهدة بكل ولاداتي
وكل أهل عندها
تهبل وصبورة وما تقصر وما تفكر بالفلوس كلش
وعارفة شغلها عدل

انصحج بناهدة العلي