HmSaT-Q8
New member
- إنضم
- 30 مارس 2007
- المشاركات
- 98
- مستوى التفاعل
- 0
- النقاط
- 0
•
•
إذا غّرك هوى نفسك تصبّر وإنتظر .. وتشوف
من اللي ياصل العليا ومن اللي تقصـر يدينـه
وإذا قصدك تهددني .. تراك أسديت لي معروف
طريق ٍكنت ما أحبّه .. وقلت اليـوم يـا زينـه
دخيلك .. حل عن دربي ووفر لعبك المكشوف
ترى روحتك عن دربي .. وربي ماهي بشينـه
•
•
كل مشاويري بعمري , مشاويرك
.....كل ما اكبر معاك أحسّـني طايش !
تعطيني الذكرى ولا تاخذ أبــد .. !!
تحكيلي الذكرى ولا تسمــع أبد .. !!
وأنا عندي كلاااام ممنوع حتى عن الخاطر .. !
لاياخذه أمسـي ولا يقبله بعد باكـر .. !
اللـه ياذكرى ياااما فهمتيني خطأ .. !!
ياما قدم رجلي على جمرك وطــى
واليوم هيضني هواي أشكي ولا أدري وشبلاي
[ .. هو من شقاي اللي مضى ولا هناي .. ]
•
•
نم يا قمر دنياي .. تصبح على خير
خل النهار يحس بإنه بقى حي
كل يوم أحبك غير .. والبارحة غير
بديت أحس إن الخلايق ولا شي !
لا تسألي يا عصافير الفجر عنها !
خلي دريشة لقانا .. وإرحلي عني ..
هي في يدين الرياض اليوم .. لكنها
في داخلي .. وهذا هو اللي مجنني !
يطري علي أتركك وأروح بالحالي
درب ٍ جمعنا سوى .. بكره يفرقنا
ويطري علي الوجع .. ويروح عن بالي
جروح عمر ٍ مضى .. للحين تحرقنا
سنين كنها طفل مولود من تالي !
يدري بنا .. نب نموت .. وجا يعانقنا
•
•
يا صغر هالدنيا بعيني وأنا آصيح !
ويا كبر هالدنيا .. بعين الشماته
ما مر في بالي من سنين تجريح
كثر الطعون اللي طعنها بذاته
من بعد ماكنت أترك رضاي للريح !
هب الهبوب وطير أصغر فتاته
بالأمس كان عتاب الأحباب تلميح
واليوم كل ٍ مستريح بحياته !
•
•
أرجوك حطم بـ قبضة جرأتك خوفك
قلي : أحبك .. وأقول إنك هوى بالي
اسق الحنايا الضوامي غيمة كفوفك
واهطل غلا لين أخيلك واشربك تالي
ومعذور لو قصرت في حقك ظروفك
قد قصّرت فيّ قبلك و اهدمت حالي !!!
ودي عن أوجـآعك أطيير ..
لاتخليـني على الدنيـا " وحيـد " ..
لاتشـوفـك عيـن / ولاأذن تسمعـك ..
هي حـدا الثنتين مـاعنها تحيـد ..
يـاتقومـ " نطييييييير " ..
يـاخذني معـك !!
•
•
إنتي الزهر والعطر لولاك ما كـان
ولولاك ماظـل للفراشـات قيمـه
ولولاك ما يكمل على الأرض بستان
ولولاك ما طاب الربيـع ونسيمـه
عشانك أنتي صرت أنا احب الألوان
يا ملوّنه في كل خصلـه عظيمـه
لا أنتي أكبر من كذا قيمـه وشـان
والوصف في حضرة جنابك ظليمه
إن قلت: ما حبّك ترا زلّـة لسـان
قصدي أقول: إنك ترا أكبر غنيمـه
•
•
يوم الزمن جاء يصلح غلطته جابك
ويوم انت مثلي تحب الصعب رافقتك
تايب من الحب .. لكني من أسبابك
حطيت رجلي على دربه .. وسابقتك
الحب ماله خوي .. لو كثروا احبابك
شفني من اربع جهات الحب طوقتك
الليله العشق جايبني على بابك
ماكني البارحه شفتك .. وعانقتك
تعال مثل الوهم واتركني اشقابك
عشان اقول اني احلم بك وحققتك
للصمت والحلـم العتيـق وغيابـك
حزن ٍ ترامى في رحاب انكسـاري
لا تستر فـعذر الرحيـل ارتيابـك
الذنب !! يا وجه المسافات عـاري
دام الورود اللي هجرهـا سحابـك
ماتت تسولف عن يبـاس انتظـاري
تعبت أنا أغرس رغبتي في ترابـك
وأقطف من أغصان الظنون انهياري
تعبت! واللي هدّنـي فـي غيابـك؟
حزن ٍ ترامى في رحاب انكساري.
•
•
ياصاحبي !!! والشعور أعمى
بيـن إحتضـاري/ وتأبينـي
ياكثـر ماللغيـاب / أسـمـا
تلغـي ملامـح عناويـنـي
ياصاحبي / والحنيـن أدمـى
صدر إحتمالي / بسكينـي !!!
أحيان أشوفك على مرمـى :
حجـر ظنونـي / وتخمينـي
وأحيان أشوف السراب / الما
أبعد من الحلم عـن عينـي
•
•
وش بك عليّه وانا قلبي كسـاه الصـدى
جفّت ينابيعـي العذبـه ومـات شجـري
وش بك عليّه وانا مديت نفسـي سـدى
وابيع روحي على روحـك ولا تشتـري
رح ياعسى عمر مخبولك لعمـرك فـدا
ما دام لامن جفى بعضي يمـوت اكثـري
هو فيه كـفٍ مثـل كفّـك يقطّـر نـدى
هو فيه حسنٍ مثل حسنك لحوح وجـري
اموت في طلّتك لو كـان دونـك مـدى
قلبك جسورٍ على الفرقى ووجهك بـري
ليتني يا صاحبـي طفـل ٍ صغيـر
كل ما ضاقت به الدنيـا .. بكـى
ما تطوله شرهـة ٍ تاطـا الكبيـر
ولا يهمّه لو حكى به مـن حكـى
الصغير إذا إشتكى .. يبغى اليسير
والكبيـر الله يعينـك إذا إشتكـى !
•
•
خذني معك .. من وين ما رحت .. وياك
خذني بقلبك .. دام قلبي .. رهينك
صعبه ترى لو شفت .. وشلون ابسلاك
لو طفت هالعالم .. تراني سجينك
عذبتني .. واشقيت روح ٍ تمناك
لو ( الهوى ) ينطق .. وربي يدينك
مات الغلا .. ينزف على درب ذكراك
رغم الجفا .. لا زال .. يرجي حنينك
•
•
محتاجك .. لو قلت أنا ما أبيك
وأبيك .. كثر ما قلت محتاجك
من غلاتك .. مدري وين أوديك
يا فاتني بالحب ( الزين تاجك )
علمتني أشتاق ودايـم أناجيـك
أسرتني يا حب داخل سياجـك
من غيرك احلم به واحبه وآحاتيـه
وآ عامله باللطـف هـو والحنانـي
تقولين لي لبيـه وآقـووول لبيـه
وآ سكّـنك فالقلـب بيـن المحانـي
•
•
ليت الهموم اللي في قلبي .. في قلبه
والله ما يرتاح .. في نومـه ثوانـي
ليته وقف لحظه .. ولا سار في دربه
درب الجفا اللي .. من أسبابه أعاني
•
•
تبي تجرح !؟
إجرح ..
منـك العـذاب .. ماهـو عـذاب ..
سكـّـر بكـاس روحي ..
حـلاّهـا وذاااب ..
تبي تجـرح !؟
إجرح ..
أنا قلبي وإحساسي حلالك ..
أنا من لي بدالـك ..
بالغـرام ..
يسـرح بوجـداني ويمـرح .. !
إجرح ..
•
•
( منقول )
•
•
