اليوم طبقي على الغده كان ناشووووز بس قلت بسوي على طريقة تكسس فرايز
هذي المقادير الي تحتاجونها
بطاط ناشوز ( انا خذته من مركز سلطان خذت على ذرة مو جبن )
لحم مفروم خشن
بصل مفروم
بهاراتج ( كمون, اوريجانو , فلفل اسود , ملح , بابريكا , بهارات كزبرة)
كاتشب ماجي chilli
دقوس قراش
معجون طمام
جبن مبشور ( انا خذت من مركز سلطان ال4 cheeses مال الاكلات المكسيكية وايد احلى من الموزاريلا العادي)
تحمسين البصل و تضيفين له اللحم وبهاراتج وقفشتين من كاتشب ماجي و معجون الطمام والدقوس حسب الرغبة
تحطين نص كمية الناشوز في صينية وتحطين فوقها شوي جبن مبشور وانا حطيت دقوس قراش
تيبين الكمية الباجية و تحطينها وتحطين فوقها اللحم وانا حطيت فلفل الهالبينو و ترشين فوقها كمية من الجين تغطيها تقريبا
وتدخلينها الفرن لما يذوب الجبن
مو تنسون تقدمونها مع صلصة الranch على جنب
وهذا شكلها
بالعافيه :aha:
