نادي فت الصحي

[الورده الناعمه]

السلام عليكم
ودي اعرف رايكم بنادي فت الي بالدسمه
الي سامع عنه
شلوونه وشنوو فيه
وابي اهم شي اعرف سعره بالشهر حق عطله الصيف ودي ادش ناادي ومحتاره ودي ادش

 

[Super Natural]

حتى أنا أبي أعرف
ان شاء الله البنات يفيدونا

 

[Lalo^~]

حلو وكبير 400 دينار بالسنه وبالشهر 120

 

[algadel]

120 بالشهر؟ عندهم حراري للجسم؟وجم عدد جلساته بالشهر

ممكن عنوانه

 

[HeR HiGHNeSs 90]

والله النادي انا مريته واايد حلوو شكله يعني نضيف وسعره زييين 120
عنوانه يم جمعية المعلمين
اناا بشترك فيه الاسبوع اليااي

بس بنات بليز الي يعرفونه ابي اسئل عن الصالون الي فوق شلونه وعن النادي برمضان شلوون؟؟؟

 

[ii DareeN ii]

حاليا عندهم عرض الشهر ونص 100 دينار وبصراحة حلو النادي ونظيف

 

[algadel]

ليه متى هالعرض؟ تعرفون شنو عندهم يعني سباحه او رياضه اوشنو

انا بغيت مساجات التنحيف او الحراري اهم شي عندهم اولا

 

[A.sweet]

ماعندي فكره
بس حبيت أرفع الموضوووع

 

[HeR HiGHNeSs 90]

بناااااااااااااااااااات انا اليوم اشتركت شهر ونص ب 100

انشاااله يارب جسمي يصير حلووو :"(

 

[Eng.shosha]

آنا توني مشتركه

النادي نظيف وزين .. مسوين عرض شهر ونص مع اسبوع فري بـ 100
الحلو فيه أن موووو زحمه يعني حدج تآخذين رااحتج ..

 

[قطوتي]

انا كنت مشتركه مره 3 شهور

ومره 6

حلو وشكله نظيف

ماابي اضيق خلقكم .. بس والله هذا اللي صار .. جم مره شفت صراصير هناك

ومره زهيوي بالمسبح لوووووووووول بعدها طلعت ومارديت دشيت والله

واللي بتتاكد تقدر تسالهم اكيد بيجذبون بس قولولهم كذا بنت شايفه ..

سوري على تخييب ضنكم بس هذا اللي صار

 

[tabooLA^_^]

هلا حبيبتي ...

انا كنت مشتركه فييه ... و بصراحه وايد حلو و مريييييح بعد وو نظيف لحد الحين ماشفت شي فيه ...

و اذا كنت ناويه استخدم الـ Pool استخدمه الصبح احسن و انظف بعد ... اما اهم شي الاجهزه حلوه و المكان شرح موو قمته ..

و ان شاء الله بشترك هالصيف ....

يعني اذا انتي شاكه انه مو نظيف ... بس دشي استخدمي الاجهزه ... مو ضروري تتسبحين اهناك ...

اما عن الصالوون اللي فوق ... مشالله حلو وكل شوي تشوفين وحده نازله مسويه تسريحه شكل .. اتوقع مالت الشعر عندهم زينه ...و بعد في مساجااات ... اما مع الاشتراك مجانا 3 مرات او الجلسه بـ 12 تكون ساعه او 10 جلسات بأميه .... و البدي كير والمني كيير حلوين انا مسويتهم عندهم ... احلى شي البدي كيير :> ....

و رمضاااااان انصحج انصحج تروحين مبجر شوي يعني على طول بعد التروايح .... لأنه يصير زحمه و يصكر برمضان 12 تقريبا .. ويفتح قبل الفطور بعد ....

وبس ... :> انشالله اكون افدتج ..

 

[HeR HiGHNeSs 90]

بنااااااات انا توني حاطه موضوع بليز والله عندي ظروف ماقدر اكمل بالنادي انا امس اشتركت فيه

بس اليوم ماقدرت اروح وماقدر اكنسله اقدر بس احوله حق احد منو تبي احولهاا اشتراكي ؟الي تبي ادزلي مسج بليز

 

[دانه(ام عبود)]

كلش ولا الزهيويه ويييييييييع وين اششترك عيل مس جامبينز 250 بالشهر واااايد يعني 8 دنانير باليوم واذا علي الدوره شلون

 

[ii DareeN ii]

انتهى الغرض من الموضوع