نادي بيلايتس اند مور

[ام زين العابدين]

حبيباتي منو جربت راحت نادي بيلايتس اند مور اليفيه بالسالميه شارع بغداد بجانب لابجيت
ابي اعرف اشلون مكانهم وممنو مشتركه فيه يعني مستواهم اشلون
انا دقيت عليهم الاشتراك ب 120 ومدرب شخصي الساعه 25 غير الاشتراك طبعا وفي رقص وسباحه وكل شي بس ابي اعرف مستواهم اشلون ​

 

[ام زين العابدين]

اب اب

 

[Ms.N.]

انا اشتركت اللي بالمهبوله حدا راقي صراحه كل اجانب قليل تلاقين كويتيات
بس عيبه اللي بالمهبوله حمام السباحه مكشوف اما اللي بالساميه مغطى
اما عن الاشتراك والله ناسيه بجم بس اذكراول مرا اشترك دفعت 120
ثاني مره 80 وغير خذيتلي اسبوع مدربه

 

[شموخ آنثى]

ودي اشترك فيه بس مافيه احد يوديني ويجيبني ههههههههه

 

[daana]

اول مره اسمع فيه ممكن رقم النادي عشان اروح اشوفه لاني فاضيه الصبح هالايام

 

[ام زين العابدين]

رقمهم 25710582

 

[أوكسجين]

الي اعرفه عندهم اول مره فتح ملف جنه ب 40
120 اشتراك كامل مع جهاز تكسير السليوليت و80 بدون الجهاز
انشالله ماكون غلطانه

 

[Om Zayoona]

انا اشتراكي سنة بفرع المهبولة
بصراحة عجيب وهادي والمدربات فلبينيات واجسام مو مثل بعض النوادي المدربة ما تدش من الباب !! بالله شلون مدربة رياضة !!
الاشتراكات تختلف على حسب نوع الاشتراك ومدته ..
دقي عليهم وطلبي (شاهنده) خوش بنية وراح تفيدج ان شاء الله

 

[ام زين العابدين]

مشكوره حبيبتي قلت بشوفه بعدين بشترك

 

[daana]

انا رحت شفته المكان حلو مافي شي كنظافه وترتيب وعندهم اجهزه يديده بس انتي لازم تروحين كل شخص يختلف شنو ذوقه وشنو يبي من النادي
حوض السباحه صغير بس عندهم اجهزه يديده الي فهمته ان مو على كيفي مدربه واول الايام ماتلعبي بالاجهزه الابعد فتره
وعندهم انواع اشتراكات 120 160 حسب نوع الرياضه فهمي على قدي الي كلمتني فلبينيه افتر راسي على مافهمت
بس الي يشفع لهم انه مع مدربه
بس انا شايفته غالي كل شي بسعره يحطون سعر واحد للاشتراك وخلاص الي بتلعب تلعب يعني تقولي في اجهره مايصير تلعبين فيها الحين الا بعدين مقيده يعني
انا متعوده اشترك بفلكس او تشامبينز وحره العب كل شي
بس روحي شوفي لان عندهم اجهزه يديده تخسيس على قولتها

 

[daana]

يعني الزبده كل نوع اشتراك له سعر
انا اتمنى يثبتون سعر واحد لكل الاشتراكات

 

[شيهانه]

اوله كل شي بسعر ؟؟؟ ليش ؟؟؟ هو 120 دينار مو هينه بعد حراام ادفعهم وادفع فوقهم .. عيل 120 ملوت شنو بس دخله النادي ؟؟

 

[ام زين العابدين]

خل اروح واشوف وارجع لكم بالتفاصيل

 

[ام زين العابدين]

اب ما رحت طبعا لاني توني مسويه شد للبطن يالله شهرين عشان اقدر العب رياضه

 

[شوتايم]

ودي اشترك فيه بس مافيه احد يوديني ويجيبني ههههههههه

^
^
^
^
^

نفس الحاله اهئ اهئ

 

[_zahra]

السلام عليكم
شفت لهم اعلاه بمجلة اعتقد ,,وهم مارحت اشوفه بس مبين عليه غاالي ويمكن ساعات الغالي سعره فيه,,

 

[Shi6oOoNa]

السلام عليكم ..

شلوونكم حبايبي ؟؟؟

بنات شرايكم بالنادي بصراحه ودي اسجل فييه بس متردده .. واللي مشجعني ان قريب يم بيتي .. بس للأمانه تنصحوني فيه ولاا لااء ؟؟؟

وشلون كلاساتهم حلووه والمدربات يهتمون ولا لاء ؟؟؟

 

[lailosh]

والله انا رحت ببنادي وشفنه هو حلو ونظيف بس صغير يعني مايسوى 120 زيدي 30 ودشي فلكس ولا مس شامبينز اكبر وواحلو بوايد ولا فوق كل هذا اصدمتني لمن قالت فتح ملف ب40 شنو داشين مستوصف مادري احس ان النوادي قامو يمصخونها بقنت الاستقلال ومثل ماقالت الاخت فوق مو كل الاجهزه اقدر استعملهم ومدخل النادي من ورى ضيج صراحه خفت تسحك سيارتي فسحبت عليهم ونحشت مااحب الاستقلال والبوق اشكره شكو فتح كلف ب40

 

[Shi6oOoNa]

والله انا رحت ببنادي وشفنه هو حلو ونظيف بس صغير يعني مايسوى 120 زيدي 30 ودشي فلكس ولا مس شامبينز اكبر وواحلو بوايد ولا فوق كل هذا اصدمتني لمن قالت فتح ملف ب40 شنو داشين مستوصف مادري احس ان النوادي قامو يمصخونها بقنت الاستقلال ومثل ماقالت الاخت فوق مو كل الاجهزه اقدر استعملهم ومدخل النادي من ورى ضيج صراحه خفت تسحك سيارتي فسحبت عليهم ونحشت مااحب الاستقلال والبوق اشكره شكو فتح كلف ب40

عاد انا ماقالت لي عن سالفة فتح الملف ... اي والله صااجه وايد صايرين استغلاليين ..

بس انا ابي مكان قريب علي مالي خلق الطريج .. لاني كنت مسجله بلافام من قبل وصج كنت اعاني من الطريج لاني ادرس ولي رديت مالي خلق الطريج عرفتي شلون

بس شكلي بفكر في فلكس او لافام ...

 

[Um Saud]

خووووش نادي و مافيه زحمه