نادي اليرموك في مشرف

[جاردينيا_2000]

منو جربه منو اشترك فيه على جم ...في كلاسات ...في مسبح ..نظيف_03ba:ناطرتكم

 

[Lonly Girl]

أنا كنت دايما أشترك بفلكس وخلص إشتراكي المهم أبي نادي قريب يم بيتنا قلت خنه أرووح أشووفه .... رحت وياليتني مارحت بصراااحة ماعجبني كلشش وين اللي يقولون مجددينه ؟؟ لي الحين ماخلص التجديد الإشتراك شهر كل يوم 35 دينار بس لج الحمام السباحة من الساعة 12 إلى 3 فقط ،، ويوم وترك 30 دينار ,,, وفي اشتراك تعليم سباحة لج الحمام السباحة بأي وقت ،،، بسسسسسس الحمام السباحة صغيرر ويوم الخميس ماكوو سباحة يغسلوونة بس بصراااحة يوم ألغيت نظرة على النادي بصورة عااامة ماعجبني كلشششششششش مونظيف وغي وقالتلى اللي بالريسبشن لازم تسوين فحص دم + كوليسترووول ،، وصالة الأجهزة صغيرة والصاله كلها فيها تي في وااحد الكل يطالع ،،،، وااااااي ماقدرت أتحمله ماشتركت وطلعت ،،، قلت أرد على فلكس أبرك وهذا رايييي تقبلي مروووري عسوووولة
هذي وجهة نظري

 

[جاردينيا_2000]

اشكرج كلش ما شجعتيني ماكو الا فليكس متى القى نادي قريب من بيتنا

 

[بطة رشيقة]

مممممممم عاد انا مفكره اشترك فيه مممممم ابى شى جريب منى ما اقدر ابعد ..؟

 

[د.شريفة]

مريته ذاك اليوم والله مقبول بنات
اهم شي القرب
وانا شنو ابي بالتلفزيون ابي العب واطلع
طبعا مايتقارن بشابميونز ولا في فلكس ولا غيره
شي قديم بس يفي بالغرض

 

[~الأميره~]

مانصحج فيه وصخ وبعدين باقوا نظارتي وجوتيي ههههه

 

[بطة رشيقة]

النظاره بعد قلنا ميخالف بعد الجوتى شيبون فيه ههههههههههههههه

 

[om_zezo]

ماعجبني الا اذا تبين جهاز المشي بس اما المسبح صغير ومايشجع

 

[عيمية قمر]

انا اقدر افيدج

رفيجاتي اشتركوا فيه

وكان السعر 25 علشان تخفيضات او شي جذي


اهو سعره اكثر شوي يمكن 35 او45 مادري الصراحه شي من جذي


ما انصحج فيه


لانه ان دشيتي زحمه حيل وماراح تاخذين راحتج ....

 

[lolo_cat]

بنات انا مشتركه فيه الحين وشكلي بجدد بعد
اهو مايتقارن بفلكس او تشامبينز ولللللكن يفي بالغرض
انا مشكلتي اتعييز اذا النادي بعيد بس هذا الحلو الي فيه ان قريب على بيتنا
\بس الصراحه انا ما اطب حوض السباحه احسه وصخ بس استخدم جهاز المشي لان الجو بره لايطااااااااق

 

[كوكيز]

بصراحه انا اول اشتركت بفلكس صج حلو و مرتب و خصوصا بالتجديد اذا ميزانيتج تسمح روحي على طول
بس اذا ميزانيتج ما تسمح اليرموك ييفي بالغرض خصوصا اذا تدورين القرب صج صغير و اجهزته شويه ..
بس حق سعره زين

 

[yoyo7lwa]

تبون الصراحه ماكو على شامبيز جد جد احلى نادي بحياتي انا رياضيه من كنت بالابتدائي كنت بالمبرور بعدها رحت شامبيز بالدسمه بعدها بالجابريه صج ان زحمه حزت الصيف و قبل لا يبنون اليديد كانوا اليهال بالصيف زاعجينه بس تخيلو المسبح400متر يعني كبر بيوت مبارك الكبير وغير في مسبح ثاني رياضه مائيه و غير فوق قسم الرياضه و كلاسات و غير اجهزه الجري في مضمار للمشي للي ما تحب اجهزه المشي صج نادي ما اقدر اسويه بأي نادي ثاني

 

[لولوة المشاري]

السلام عليكم بنات ابي ادش نادي اليرموك بس مترددة اخاف من سوالف التصوير وانا و لا مرة دشيت نادي ,,اللي عندها خبرة تقولي

 

[يحبنى الله *]

شنو يعنى تصوير خرعتينى انا كم مرة رحت له

 

[برونزية رشيقة]

شخباري نادي اليرموك ههههههههههههههههه كنت أشترك فيه وأنا بالجامعة أجهزة أمكسرة وماكو ألا قواري اثنين ونكسر الخاطر ساطرين ننطر دور غير ماكو ألا مدربتين ... لا ويخيرونج تبين سباحة وألا سويدي ؟؟؟ تبين يوم وترك وألا كل يوم ؟؟؟ وزحمممممممممممممممممممممممة وأزعااااااااااااااااااااااج وطبعا ماكو اهتمام بالنظافة .. كنت أشترك بو 3 شهور أروح يومين وأقعد بالبيت .. تم الوضع جذي لمن تزوجت ههههههههههههههههه والضحك لمن أشترك يزيد وزني بزيادة أتوقع لأني أنصدم بالنادي فأرد نفسيتي تعبانة وأحط حرتي بالأكل ... شخباري اليرموك .. تجربة تستحق الذكر لوووووووووووووووول

 

[to0taa]

ما انصح فيه ابدا يقمت عالقلب صغير وفوضى و اجهزة كحيانه باختصار ويع

 

[زين الوصايا]

حتى لو بعيد المهم يم بيتنا واخوي يمدحه ماادري والله ولا عمري اشتركت بنادي

 

[om3abod]

ما انصح فيه انا كنت مشتركه فيه
يبوووووووي عليه
زحمه ورطوبه ولا يدرون عنج وكله بصوب والي تاخذ القياسات بصوب تعطيج ياها من اول شي تقولج انتي دبه لازم تسوين رجيم مايصير جذي
والاجهزة نصهم ما يشتغلون والكلاسات صغيره يا دوب تكفي 20 بنت وجمام السباحه مترووووس كلووور
ماكو اهتمام كلش ولا يعطونج جدول ولا شي

 

[لمسة فن انثى]

جم رقمهم نادي اليرموك ولبنانيه اللي كانت عندهم مالت المساج للحين موجوده

 

[موزة ام فارس]

جربته من زمان عادي جداااا بس أدي الغرض
عاد سبحان الله مفكره اني اسجل فيه بوقت الدراسة
ماحب زحمه الصيف والأهم عندي قربه يم بيتنا