نادي الأسطورة والجمال

[hedaya]

بنات منو جربت نادي بالمنطقة الرابعة بالفروانية أو خيطان؟
سمعت عن نادي الأسطورة والجمال والرشاقة سنتر
منو جربته بنات أو سمعت عنه؟
أبي تجاربكم ضرورى

 

[بطوطة @]

انــــا توني دقيت ع نادي الرشاقه وقالت لي شهرين ب٤٠ والشهر ٣٠ استأنست حلو
وسالتها عن المدربات سويدي قالت في وسرنا وبخار وجاكوزي كلامها عجبني قلت باجر بروح اشوف النادي واذا عجبني بسجل
فيه مكانه بخيطان شارع المطار يم عماره مطعم البطريق
واذا احد يعرف نادي حلو ورخيييص ويقول لنا لان ميزانيه محدوده

 

[hedaya]

والله حبيبتي محتارة بين الرشاقة سنتر والاسطورة والجمال بعد متقاربين في المكان وسعر الاشتراك
لكن مدري أيهم أنظف وأوسع وأفضل؟
ومدري عن جلسات المساج بعد موجودة بأيهم

 

[بطوطة @]

خناقولج تجاربي .... اسمالله علي ماكو نادي ماتدشيته بس الجسم يعاندني ههههه


نادي الهلال اللي بالصليبخات ع البحر
هو ثلاث ايام بالأسبوع للحيريم وثلاث ايام بالأسبوع للرجال .... 
فيه بخار وسونا وجاكوزي باري وجاكوزي حار وحمام سباحه كبير حيل للكبار وحمام سباحه كبير لليها وصالتين سويدي وصاله فوق اجهزه رياضيه

اممممم طبعا النادي إسلامي وفيه مدربات سباحه وسويدي والله فضيعين بالتدريب السويدي يعني انــــا اول مره لعبت سويدي بجيت من التعب جان اتقولي المدربه كملي بس ع الخفيف بس لا تطلعين من ألحصه حرام وكملت خفيف والله حيل حلو التدريب

والاجهزه راهيه ومو دايم زحمه بس بعطله الصيف فل ...
والحلو انه حمام البخار مفتوح والسونا مفتوح والجاكوزي ....
فيه مساج تخسيس وريلاكس بس عمري ماجربتهم بس دايم اشوف بنات يسون .....

طبعا صار لي سنتين ونص انــــا بهالنادي بس مو باستمرااااااااار 

 

[بطوطة @]

الحين اقولج عن نادي فندق سفير الرقعي ......
طبعا كل يوم وحريم وسعره ٣٠ بالشهر
مشكلتهم صغيرون والبخار مره وحده ادشين له بالشهر .....
عندهم حمام سباحه وحصه رقص شرقي او اجنبي بس حيل حلوه ألحصه تتمنين ماتخلص أغاني بصوت عالي ورقصي ع كيف كيفج تعرقين
لين تقولين بس فظظظظظظظظيع الرقص .....
اي صج ترا البنات بعضهم حيل مفصخاااااات ستيان وسروال بالسباحه.... يعني من إسلامي
بصراحه انــــا دخلت عندهم شهرين بس مو كل مره كنت اروح لانه مممل نوعا ما .....
حصه الرقص العصر يعني مره وحده باليوم 
والبخار مره بالشهر 

 

[بطوطة @]

والحين زهقت من هالناديين وبغير بروح هالشهرين بنادي الرشاقه وبعدها بروح فلكس الشعب حيييييل يمدحونه والحين عندهم عرض ٣ اشهر بـ ١٤٤
مع إشراف مدربه .....
ويارب أضعف عندي عرس بعد شهر وعرش بعد ثلاث اشهر الله بعيني 

 

[hedaya]

مشكورة حبيبتي بطوط
والله ما قصرتي

 

[بطوطة @]

وووووووويع رحت الرشاقه اليوم ووووووويع بلوع الجبد طبعا مافي مسافط كلش
ومن داخل والله كئيب وضيق وظلمه والاجهزه لزق يم بعض والجاكوزي خربان والحمام السباحه صغير
متر اربعه باربعه انــــا رحت الظهر وكانو فيه ٧ او ٩ بنات بس والله مو حلو وصغير حيل
انــــا اتوقع البطه لما تشترك بنادي الرشاقه يمكن اتصير دباااابه من الكئابه اللي عندهم لووووووووول

والحمدلله ماسجلت عندهم طلعت ....


جان اروح نادي صالون لمسه فن امبيه امبيه امبيه امبيه ايننننننننننننننن
والمدربه ايرانيه نفسها عسل وطيبه وحبوبه فرت فيني النادي فرررر فرررر
والاجهزه يديده ونظيفه عندهم في بخار وسونا بس مافي حمام سباحه
والمكان شوي صغير بس والله يفتح النفس صبغ حلو وراحه حيل حيل وهدوء ونظيف
واهم شي في مسافط 
وسعره شهر ب٥٠ بصراحه ببلاش حيل حلو شكله والمدربه تهبل تهبل وفي مدربه مصريه بس ماشفتها


انــــا بعد شوي بروح اسجل فيه ويارب اضعف ادعيلي حبي مابي غير الدعاء



اي صج سالت وحده بالنادي قعدت يمي قلت لها حلو النادي شرايج فيه جان تقول والله ضعفت اربعه كيلو وبثلاث اسابيع بدون رجيم بس تخفيف اكل
استأنست وااايد وتشجعا منها 

 

[hedaya]

حبيبتي بطوط الله يتملك إلي تبيه على خير
ويارب نضعف انا وإياك
أنا رحت أمس الرشاقة فعلا لقيته نفس ما قلتي وحمام السباحة الماي فيه مونظيفة صراحة ما يشجع كلش
بعدها رحت فليكس , الأخت رحالة ها الايام !!! معهد كبييير أربع ادوار نظيف حيل راقي وهادي جدا
المسؤولة هناك إسمها مدام ليلي فرجتنى المبني
كل الاجهزة موجودة وملعب اسكواش وحمامين سباحة مايهم نظيفة حيل وحجمهم كبيييير ما شاء الله
وموجود غرفة واحدة بخار وواحد سونا وجاكوزي واحد
وقالتلي فيه خصم على الصالون 25 بالمية
واسعاره مو غالية حيل
في عرض شهرين على 148 على ماأظن
لكن والله عجبني حيل
لكن للاسففففففففف المكان بعيد عني واجد لانه بالشعب البحري مو قريب
يعني نص ساعة إذا مو زحمة الطريق

 

[hedaya]

بطوط تنصحيني الحين بنادي الهلال او لمسة فن؟
وكم الاشتراك بالهلال وهل مكانه قريب
وجوه مريح؟ وسيع وهادى ؟جم الإشتراك
اروحله ولا لمسة فن افضل؟

 

[كوينه]

وين مكانه لمسة فن

وفيه غير هالنوااادي ؟؟

 

[أم فيصل دبي]

مشكوره

 

[yam_yam]

هههههههههههههههههههههه بطوطة ضحكتيني

 

[حبر العيون]

حبايبي نادي الاسطوره والجمال قديم رحت لهم امس لقيتهم مجددين المكان كله وروعه صاير
واداره مغربيات وتونسيات مكان يشرح النفس ديكورات واجهزه كله جديد بجديد
وصار اسمه لافام لابيلا لايطوفكم وادعولي

 

[أم راشد المطيري]

بنات نادي لمسه فن وين صاير

 

[M!SS.LOBY]

رفع لأفااادة

 

[hedaya]

حبايبي نادي الاسطوره والجمال قديم رحت لهم امس لقيتهم مجددين المكان كله وروعه صاير
واداره مغربيات وتونسيات مكان يشرح النفس ديكورات واجهزه كله جديد بجديد
وصار اسمه لافام لابيلا لايطوفكم وادعولي

حبيبتي حبر العيون بغيت أسالك عن الأسطورة والجمال المكان واسع ولا لا

وفيه حمام سباحة ولا ما في؟ وهل صالون فقط ام نادي صحي وصالون؟ وهل فيه ساونا وجاكوزي ومساج؟

حبيبتي فيديني الله يخليج

 

[3sl:~]

انا بعد نفس صاحبه لي جم يوم افكر ادش نادي
رشاقه سنتر يلوع الجبد اذكر قبل ٣ سنين كنت داشته قبل عرسي علا اساس ابي لياقه ايام الضعف <<< وااااالحسرتااااه
اول يوم يهلون فيج ويرحبون وثاني يوم كل وحده نفسيه وهواش ودايم صراخ وفوق هذا المكان حده خايس وريحته كانت حيل قذاره ولما نتشكى يهاوشون وشنسوي ومدري شنو ويتعذرون وتخيلوا بنات كنت انطر السير ٣ ساعات ومرات اكثر؟ والله كنت من ١٢ ماارد الا ٥ لايعه جبدي ومو مستفيده شي كنت اقزرها سوالف مع رفيجتي وفوق هذا فيهم لقافه الي مشتركين فيه ونظام يحجزون الاجهزه لبعض؟؟
اخر شي قعدت اسبوعين وزهقت من الوضع واستمريت بالممشى وراح علي اشتراك شهرين
وتووووووووبه اي مكان اداره مصريه اعرفي انه مستوااه ولا شي
وباذن الله بروح اشوف لمسه فن اكثر من وحده سمعت تمدحه واذا عجبني بشترك فيه واعطيكم احلا التفاصيل
والنادي حلاته اول شي نظيف والاجهزه متوفره مو نروح نصف دور

​