مين سافرت بتركيا وحست بالندم لان خايفه اسافر

[ام يارا القمره]

السلام عليكم ورحمه الله وبركاته
طبعا من كثر اسمع عن تركيا قررت اني اقعد على راس زوجي وافق
بس دايماً اذا قررت اندم واخر شي يجي الشماته من زوجي اني انسانه متسرعه
وخايفه اسافر واندم
هل يستحق السفر
وهل هو مكلف
لان سمعت من الاخوات يذمون شعبهم انهم نفسيتهم شينه ونصب
اتمنى الرد *

 

[صحكة الايام]

بالعكس حلوه ورووعه

 

[ام يارا القمره]

طيب زرتي المنطقه وافضل اماكن هناك

 

[صحكة الايام]

اسطنبول وكثير اماكن مرره روعه

 

[جواهر روعة]

بالعكس روحي وان شاءالله ما تندمين .... البلد روعه و طبيعة و ناسهم حلوين ...انا كان معاي طفلة و ووين مااروح يساعدوني و يشيلون و يحطون معانا العربانة ,,,و سوقهم يونس ... و السوالف التاريخية ابداع ... انا وايد حبيتها و رحت لها مرتين و لول تصير لي فرصة اروح مره ثالثة احسن من دبي كلها مولات هذيج طبيعة و هواء نظيف و نفس تكاليف دبي

و اذا رحتي بورصة تصعدين جبلهم تشوفين الثلج و تعيشين اجواء عمرج ما تجربينها بالكويت

 

[صحكة الايام]

جواهر مررره روعه جيتها انا

 

[M!ss CoLoRz]

بالعكس حلوة واهلها خدومين وطيبين

طبعا في أي دولة سياحية تحصلين النصابين بس في تركيا اشكره يبين يعني عادي خلكم نبيهين وسووا اللي تبونه

التاكسي حاولوا قد ما تقدرون تركبون مع الكبار في السن ودايما قولوا لهم ميتر يعني عداد

في أماكن تقدرون تروحون فيها بالميترو ارخص بواااايد واسرع

اي شي في بالكم سألوا الفندق

لا تروحون مع القروبات السياحية ياخذون الشي اضعاف .. مثلا التذكرة حق جزيرة الأميرات سعرها 5 ليرات إذا بتروحين بروحج بس مع القروب 100 دولار
تخيلي الفرق!!!!!!!!!!!

القروبات اللي هناك فايدتهم الوحيدة حق اللي مييح في الانجليزي غير جذي خلكم بروحكم وعلى راحتكم

وبس هاي اهم الامور اللي تحطينها في بالج حق سفرة تركيا

واستانسي الديرة حلوة

 

[جواهر روعة]

صحكة الايام .. اي والله روعة تهبل هالديرة ,,, انا اموت عليها

كلام مس كلر كله صح

 

[SILVER ROSE]

تهبببل رحت لها بفبراير وودي اروح لها كل شتا

 

[{بسكوتهــ~}]

روحي بورصه و ازمير

رووووووووووووووعه

 

[أم وصايف]

أنا زرت تركيا صيف ٢٠١١ وبصراحة تحسفت وايد لانها كانت مكلفه بالحيل واسعارها ناااااااااار وكلش ما عجبتني والمبلغ الي قطيناه كان من الممكن انه يودينا ثلاث دول أوروبية ،،،،،،، هذا رأيي الشخصي،،،،وعلى فكره تقرا بالصيف جوها حار

 

[نـعـومـه]

زوريها بفتره البراد يعني لاتروحيلها 6 و7 و8 تكون حاره حلاتها بالبراد

 

[هواوي قلبي]

تركيا جميلة بالبرد ......................................

 

[<miss botamba>]

تركيا حلوه بس مو بالمواسم

يعني لا تروحين بالصيف

وعلي سالفه النصب النصب كل مكان لازم تكونين ذهينه


واحنا ولا خمس مرات نروح وكل مره نروح ونستانس وماكو الا العافيه


وعندي تقريرين ممكن تستفيدين منهم

واحنا دايما ناخذ سواق مع سياره ويفر فينا كل مكان

 

[قوس قزح]

سفرة موفقه

 

[TINA]

والله تركيا جنة الأرض و لما تروحينها مره تصير ادمان وفيها اماكن كثيرة و كل مكان بلد جديد و اذا رحتي اسطنبول في رحلات لبحيرة سابنجا رائعة و ابانت و يلوا و طرابزون و اوزنجول و انطاليا و مرمريس (هذه جزيره لا تصلح للمحافظين) بس جد بلد رائع

 

[ستيكس]

مع احترامي للاتراك الا ان طبيعتهم مثل الدول العربيه وامكن الدول العربيه احلا منهم مافيه شي يجذب واجوائهم بصيف حرر ورطووبه
مانصحكم لها عن تجربتي
سلام