مين تبي معدل عالي وشطارة معاي ؟؟؟

[قنوت]

صبحكم/ مساااكم الله بالنوور


مين ماتحلم بالشطارة والاي بلس والمعدل العاااالي ؟؟؟!!!


انااا اول وحدة ودي بهااا


لكن للاسف تااايهه ومو عارفة شلووون ؟!!!

لدرجة اني فصلت من الجاااامعه بسبب معدلي اللي يقص الويه

وناوية ارد السنة الياية بشكل قوووي وانساااانة شااااطرة

بس السؤال شلوووووون ؟؟؟!!


يلا بنات كل وحدة شاطرة تقولنا شنو سرها ؟؟ وشنو طريقتها في المذاكرة ؟؟ وشلووون ترتب وقتها ؟؟!!

وكل بنت مهملة نفسي تقول شنو السبب وشنو اللي مأثر على مستواها الدراسي ؟؟!!

يلا خل نستفاد :eh_s(22):


انااا ببدي

النت ثم النت ثم النت من ايام الثنوية ضيع وقتييي

موقادرة ارتب وضعي واتركه :eh_s(16)::eh_s(16):

والتسووووويف اجهز جدول شزينة واقول ببدي مذاكرة وارتب وقتي وفي لنهاية ولاشي :eh_s(14):

 

[ياقلب وشفيك !]

كلنا بالهوى سوى
ماندرس ولا شي
وندرس ليله الامتحان والدراسه " الله بالخييييييييييييييييييييييييييييييييير
والنت ماخذ نصيب الاسد من القعده مع انه مافيه شي جديد بس تعودنااااااااااا
الله المستعاان

 

[(رنين)]

أهم شي بالدراسه بالنسبه لي إني أقعد على رويحاتي و أقرا الدرس عدل مدل و أفهم كل كلمه فيه يعني كأني قاعده أقرا روايه لوووووووول
هذا أحس إهوا اللي يخليني أفهم عدل
و الله يوفقنا إن شاء الله

 

[قنوت]

كلنا بالهوى سوى
ماندرس ولا شي
وندرس ليله الامتحان والدراسه " الله بالخييييييييييييييييييييييييييييييييير
والنت ماخذ نصيب الاسد من القعده مع انه مافيه شي جديد بس تعودنااااااااااا
الله المستعاان

ايه والله

وليت حد قادر يقتل هالاسد :eh_s(11):

أهم شي بالدراسه بالنسبه لي إني أقعد على رويحاتي و أقرا الدرس عدل مدل و أفهم كل كلمه فيه يعني كأني قاعده أقرا روايه لوووووووول
هذا أحس إهوا اللي يخليني أفهم عدل
و الله يوفقنا إن شاء الله

وهالشي يكون يوميا والا شنو ؟؟
يعني رقم واحد القراااااية

كملي حبي كملي :eh_s(15):

 

[يالبيه 17]

احضر عند الدكتور وما اغيب لان الغياب لان الحضور بالنسبه لي شي مهم اذا شافج الدكتوره مهتمه وحاضره بيقدرج
وادرس بالامتحااااااااااان وبالميدتيرمات دراسه سنعه
واسوي البرزنتيشين الي يطلبه الدكتور
واسوي الواجبات اول بأول
واذا غبت اجيب طبيات


بس هذي طريقتي عشان اجيب معدل زين

واهم شي بعد الامتحانات ادرسي لها دراسه سنعه مو اي كلام

والله يوفقج يارب

 

[Smra^_^Cool]

صراحه انا اللي خلاني اسقط العام اني ما ادرس واكود الدروس ولما ادرس في ليلة الامتحان ما افهم واسقط واغلب الوقت اذا مالي خلق اكشت بالمحاضره ماكنت اداوم وايد ويبت دور ثاني بالتمهيدي بس الحمدلله نجحت فييه وما تبت همن نفس الحركه سويتها بالكورس الثاني بس سقطت ووقفت قيدي لان التخصص صعب وبرجع الكورس اللي وراه بتخصص ثاني بس امي استمرضت وبتسافر فوقفت قيدي بعد كورس والحين انا بامريكا لوووولقلت قصة حيااتي


بس ناووويه ارجع بقوووووه واشد حيلي الكورس الياي بدرس اول باول وماراح اكشت بالمحاضرات ان شاء الله لان اللي يرفع المعدل الحضور والامتحانات واكييد اذا داومت ودرست راح افهم وراح اشاارك وكله هذا عليه درجاات وان شاء الله اتخرررررررج وافتك من الدرااااسه:eh_s(16)::eh_s(11)::eh_s(11)::eh_s(11):

 

[خشف العذارى]

الله يوفقنا ان شاء الله
ااااااااااااامين

 

[قنوت]

مشكورين بنات

عفية كملوا خن نستفاد

up

 

[(رنين)]

[/QUOTE]
وهالشي يكون يوميا والا شنو ؟؟
يعني رقم واحد القراااااية

كملي حبي كملي :eh_s(15):[/QUOTE]

لا طبعا مو يوميا بالنسبه لي قبل الامتحان بفتره قصيره أكون قاعده و لي مزاج قرايه فا أقعد أقرا و أستوعب مو بس قرايه بدون فهم حتى لو ما حفظت و لا ركزت على أي شي و دشيت الامتحان بس و أنا قاريه و فاهمه راح تجيبين درجه حلوه مو شرط فل مارك عرفتي و أنا من اتبعت الطريقه هذي الحمدلله ما شاء الله درجاتي ارتفعت حيل
لأن مره خذيت مذكره ماده تاريخ و تعرفين التاريخ أحداث وار بعض فيها الاسئله المهمه و اللي راح تيي بالامتحان بس أنا ما عرفت أحفظها لأن سؤال و جواب بدون ذكر أحداث التاريخ و شلون صارت السالفه فا شنو سويت حذفت المذكره و فتحت الكتاب و قعدت أقرا و أستوعب الاحداث التاريخيه بتفاصيلها يعني كأني قاعده أشوف فيلم و أتخيل عرفتي و الحمدلله دشيت الامتحان و يبت فل مارك شرايج :eh_s(9):
يعني بالعربي ما أنصح بالملخصات و المذكرات فقط بس يمكن تفيد حق المراجعه مو الحفظ
و الله يوفقنا
بايات

 

[مس روبنز]

مع البنات خصوصا يالبيه 17

 

[بنت احلام]

امممممممم انا ابي ارفع معدلي 7
بس مقدر افيدكم بشي فاقد الشي لايعطيه

قاعده استفيد منجن

 

[قنوت]

up
بنات شدعوة ماكو شطار هههههه

 

[قنوت]

up
بنات شدعوة ماكو شطار هههههه

 

[Q8Buying]

ماكو قاعدة .. لكن أكو أشياء ممكن نسويها .. وتحقق لنا نجاح وتفوق ..

يعني تشوفين ناس تاخذهم الحظوظ .. وتنجح مادري شلون <--- إختي كانت تقول عني جذيه :d
مع إني أدرس بس إختي ما تدري عن طريقتي .. وعلى جذيه كل وحدة بأسلوبها ..

أكو فكرة قالوها بمسلسل أم البنات .. هذي بنيتهم الشاطرة! .. تقول:
كل واحد يدرس بطريقة .. أكو ناس تطول على صفحة أو معلومة غير مهمة ..
فما يكفيها الوقت عشان تدرس! .. وأكو ناس .. تركز فقط عالمعلومات المهمة ! فالوقت يتسع لها تدرس أشياء ثانية!

يعني آنا أقولكم (أدرس بذكاء لا بجهد)..
وطبعاً هالشعار مو من إبداعاتي! هذا اسم كتاب ينباع في مكتبة جرير .. اشتروه لي ! لول

وبالنسبة لي .. لي حبيت المادة وإلا مدرس/ مدرسة المادة .. شديت حيلي !
يعني حاولوا تحبون المادة .. حتى لو مو من اهتماماتكم.. شوفوا فيها شي حلو !
وحطوا هدف جدامكم ..
فكروا بطريقة: مابي أنقص ولا درجة .. الرقم هنيه صغير .. المهم إنج تحافظين على 1 درجة أو 2 درجة .... !
لا تفكرون بطريقة: أبي أيمع درجات! .. لأن المشوار طويل تيمعين 100 درجة مثلاً من 100 ! .. شتلملمين فيهن!

وأخيراً .. سوي أفكار للدراسة ..
مثلاً .. حطي أحد جدامج تدرسينه !
حطي ملخصاتج بالانترنت !

كتبي .. رسمي .. شخبطي .. اقري بصوت عالي.. اقري بصوت منخفض .. شاركي أمج شاركي خواتج فهميهم اللي تدرسينه ..
طبعاً الواحد إذا بيفهم أحد .. لازم يكون فاهم الموضوع عشان يفهم .......... فإنتي بهالطريقة راح تفهمين كل شي عشان توصلينه للناس!

الترتيب مهم .. لا تسوين شي عشوائي .. عشان تعرفين تركزين!
سوي مثلاً ورقة تكتبين فيها أشياء يجب إنجازها! .. عشان تسوين كل شي في يومه ..
وإخذي ورقة .. ورسمي فيها جدول .. حق 31 يوم ....... اللي هم عدد أيام الشهر ..
وحطي واجباتج .. ومواعيد امتحاناتج .. عشان يصير كل شي واضح وعندج أولوية تبدين شنو وتدرسين شنو ..

وسوي ملف .. قسميه على عدد موادج .. يفضل الملف يصير قابل لإضافة الاوراق فيه (أكياس نايلون) عشان لا تخربين الأوراق بالخرامه ..
هالملف حطي فيه شخصيتج ! رسمي على غلافه .. حطي فيه اوراق أو رسومات تحبينها .. والفواصل حطي اسماء المواد ورسمي وكتبي .. كلام ايحائي يشجعه عالنجاح مثل: أنا أقدر ...... أنا استاهل a ومن هالحجي عاد !
وآنا كنت مسوية هالطريقة .. وحاطه صورة الملف .. وحده من عيال العايله .. اللي أحبهم
فكنت استانس واعتز بالملف


قولوا لي رايكم بكلامي وأفكاري ! وشكررررررررراً ..

 

[قنوت]

ماكو قاعدة .. لكن أكو أشياء ممكن نسويها .. وتحقق لنا نجاح وتفوق ..


قولوا لي رايكم بكلامي وأفكاري ! وشكررررررررراً ..

الله عليج


حيل استفدت منج ولايهونون الباقين

بشووف الكتاب مال ادرس بذكاء يارب احصله


up

 

[Q8Buying]

مشكوورة من ذوقج ..

وعندي بعد نصيحة

المنافسة ....... نافسي البنات اللي أشطر منج ..
ترا تقدرين .. بإذن الله !

وحطي هدف جدامج .. وتحققينه ..
واجتهدي من بداية الكورس .. ولا تخور قواج على آخره .. يعني ابدي باجتهاد واستمري ..
وبدون احباط