ميشيل جان ريف دكتور فرنسي زائر شوفوا النصب

[أم وهابي]

السلام عليكم ورحمه الله وبركاته


السالفه


انا واختي مسوين فلرز لخدودنا دائم التهب الماده وشلناها
بس للحين فى بقايا

ويبيلنا تعديلات عقب عمليه السحب

وكل ما نروح عند دكتور يقول مالكم الا دكتور دارس فى فرنسا

احسن ناس للبشره والتجميل هم الفرنسيين

رحنا حق هالدكتور النصاب
دفعنا استشاره 50

دشينا عليه اختى ما رضى يكلمها الا لما فتحت ملف ودفعت 50

المهم يتكلم بغرور مبالغ فيه ويقول لا تتكلمون عن شغل الكويت انا شغلى غير
انا بروفسور استشارى وشغلي كله بتقنيات فرنسيه حديثه

الزبده عمليتي عنده تكلف 2350
واختى نفس الشي

اخر شي عطانا ورقه اشعه مختومه باسمه ومكتوب عليها اخصائي تجميل

كلمت السكرتيره قلت لها احنا جاين على اساس ان هو استشارى بروفسور وليس اخصائي

كنسلوا كل شي ورجعوا فلوسي احسن


حولونى على كذا دكتور داخل مستشفى العرف

قلت عندك خيارين
ترجع فلوسي

او

سي فى حق الدكتور

تقييم الدكتور على حسب كلامهم طلع عند وزارة الصحه اخصائي

شوفوا الغش لي وين وصل

يحطون اعلانات بالهبل
واخر شي الحبيب اخصائي

 

[mareea]

الله يسامحهم

 

[Diana *]

نصب عيني عينك !
بس زين انكم تكلمتوا لهم ،لازم يرجعوا لكم فلوسكم كلها
بس وين وزارة الصحه عنهم​

 

[freethinker]

شنو الفرق بين الاخصائي والاستشاري @@ فيديني ولي يعافيج

 

[نورالدنيا***]

حسبي الله ونعم الوكيل ربج راح يفضحهم كلهم الغش والجذب حبله قصير

 

[تعبت من الرجيم]

والله عفيه عليج زين صدتيه

 

[ام عفاف الكويت]

ميشيل لي ريف
ماراح امدحه لاني مسويه عنده
يابوه البابطين حكومه طبعا 5 ايام
استشاري توقيعه كان وماشاء الله الدكاتره الكبار واقفين يتعلمون منه
من امثال عماد النجاده وعهدي البدر ونيسرين مادري شيرين معروفه بعد
وسوه حالات مستصعبه تجميليه جدامي
حتي الحروق الصعبه تتعالج
وعيادته بباريس تري ماشاء الله توب
انا مامدحه لكن كتجربه مني لج اقولج بيرفكت
دكتور صججج توب

 

[عزف الياسمين]

يسلمووووووو

 

[ام عفاف الكويت]

وبالنسبه لحالتج شفت وحده راحت لعماد النجاده بالبابطين وعنده عياده خاصه
كان تقريبا التهب خدها ومسكينه طالع لها يمكن خطوط او ملتهب نفس الجرح
وكان عليها النقاب ورتني مسكينه ماتوقعت جذي الاثار كان خدود وشفايف
وقال يسويه لها بس بالخاص طبعا بس جم والله مادري
راجعي حبيبتي وشوفي
ميشيل اقولج كان مو مغرور كلش هالحجي 2009 قبل مايروح العرف طبعا
جابوه البابطين حكومه وعمليات بتقنيات فرنسيه وكان عدد المرضي اللى اجري لهم العمليات 10 تقريبا وحالات صعبه
مابين حروق وتشوهات وامراض
الظاهر شاف فلوس تغير فمادري
لكن كخبره اخذيها مني شاطر لكن اخذي فلوسج ان مو مرتاحه وراجعي اكثر من دكتور
تري لاتهملين نفسج وانا شفت نفس حالتج عند عماد النجاده لكن بعد العمليه مادري عنها

 

[يا كويتنا]

بنات منو جرب عنده


الفلرز والبوتكس

 

[أم وهابي]

شنو الفرق بين الاخصائي والاستشاري @@ فيديني ولي يعافيج

الاستشارى اشطر وخبرته اكثر

الاخصائي خبرته بالطب 5- 10 سنوات بس

 

[أم وهابي]

وبالنسبه لحالتج شفت وحده راحت لعماد النجاده بالبابطين وعنده عياده خاصه
كان تقريبا التهب خدها ومسكينه طالع لها يمكن خطوط او ملتهب نفس الجرح
وكان عليها النقاب ورتني مسكينه ماتوقعت جذي الاثار كان خدود وشفايف
وقال يسويه لها بس بالخاص طبعا بس جم والله مادري
راجعي حبيبتي وشوفي
ميشيل اقولج كان مو مغرور كلش هالحجي 2009 قبل مايروح العرف طبعا
جابوه البابطين حكومه وعمليات بتقنيات فرنسيه وكان عدد المرضي اللى اجري لهم العمليات 10 تقريبا وحالات صعبه
مابين حروق وتشوهات وامراض
الظاهر شاف فلوس تغير فمادري
لكن كخبره اخذيها مني شاطر لكن اخذي فلوسج ان مو مرتاحه وراجعي اكثر من دكتور
تري لاتهملين نفسج وانا شفت نفس حالتج عند عماد النجاده لكن بعد العمليه مادري عنها

هلا يا قلبي

انا رايحه ورمرتاحه حيل
وكل كلمه نقولها قال تقنيه فرنسيه

بشوف عماد النجاده والله المستعان ومشكورة على النصيحه

 

[أم وهابي]

ميشيل لي ريف
ماراح امدحه لاني مسويه عنده
يابوه البابطين حكومه طبعا 5 ايام
استشاري توقيعه كان وماشاء الله الدكاتره الكبار واقفين يتعلمون منه
من امثال عماد النجاده وعهدي البدر ونيسرين مادري شيرين معروفه بعد
وسوه حالات مستصعبه تجميليه جدامي
حتي الحروق الصعبه تتعالج
وعيادته بباريس تري ماشاء الله توب
انا مامدحه لكن كتجربه مني لج اقولج بيرفكت
دكتور صججج توب

انا ما اقدر اذم فيه لانى ما شفت شغله

ورايحه ما بأذنى ماي

بس اللى لفت نظرى الختم لما ختم ورقه الاشعه بأنه اخصائى ولما سألت محد عطانى جواب والدليل انهم رجعوا فلوسي مع العلم انى دخلت عليه فصارت الشغله عندي نفسيا ما ارتحت

لانه فى فرق كبير بين البرفسور والاخصائى

وحتى لما عطانى كرته فى باريس ما كان مكتوب برفسور او استشارى

 

[درر2008]

عادي ياما برفيسور ويطلع جنه تلميذ
وياما في اخصائين احسن من الف دكتور انتي شوفي مرضاه الي بالعياده وساليهم عنه

 

[اوووفه]

بنات في احد جرب النظاره والفلر عنده تكفون قولولي وجهي حيل خاق ومصوفر

 

[قاهره عذالي]

توني داقه عليهم العرف

حجزت موعد عند هالطبيب

سمعت انه بيجيهم طبيب زائر

بس مدري منو ولما سالتهم قالوا جان ميشيل ريف قلت لهم انا دشيت الموقع لقيت اسمه عندكم قالوا ايه هذا يروح ويجي علينا

وحجزت عندهم عطيتهم اسمي ورقم تلفوني

هم قالوا 50دك الدخله عليه والاستشاره

وقالوا يجي تاريخ 22/6

راح يدقون علي ويحطون موعد

اول شي كلامج خرعني

وكلام ام عفاف طمني

حتى لو مو استشاري يمكن فعلا شغله حلوو

حتى بموقع مستشفى العرف

مو كاتبين انه استشاري حاطين اسمه ضمن اطباء التجميل

وكاتبين دكتوراة جراحة تجميل

plastic surgery