ميزانية لندن وباريس ل shopping ... ساعدوني ؟

[شقاوتي غير]

مرحبا صبايا :eh_s(8):

الي سافرت لندن او باريس لاتبخل علي :eh_s(17):

بخصوص التسوق في لندن جم احطلها ميزانية على اساس اشتري الي بخاطري بس مو ماركات غالية حيل لا يعني الماركات اسعارها مناسبه او البضائع العاديه ؟


وبخصوص باريس بعد جم احطلها ميزانية وهل هي اغلى من التسوق في لندن او لا ؟

واي احلى الشوبينق في لندن او باريس؟

على اساس مدة الرحلة اسبوعين


لاتبخلون على بنيتكم :eh_s(22):


بانتظاركم ...!​

 

[ام خوووخه]

شوفي لندن مدينة التسوق الاولى بالعالم باريس بالماركات احلا والمكياج والعطور يعني مومال تسوق لانها حيل حيل حيييييييييل غاااااليه
اذا ماتبين ماركات شغلات عاديه وماتبين تخلين بخاطرج شي ١٥٠٠ لي ٢٠٠٠ حلوين خلي باريس بس للعطور

 

[غلاي غير]

اممممممممممممممممممم السوق بالنسبه لي لندن واااااااااااااااااااااو يعني اذا حق نفسج غير اذا بتجيبين هدايا
يعني اذا لج وبدون ماركات او مع يعني جنطه سعرها حليو مو اقل من 2000 لان في شغلات غصب عنج بتشترين

وباريس غاااااااليه حيل لندن ارحم منها
فيها عطور بس لباريس على قولتهم وبعد مده لقيتهم بالكويت
يعني سوالف دزني تونس بس

 

[شقاوتي غير]

تسلموون ياقلبي ماقصرتوا

بس انا محتااااره ودي على ديزني في باريس وودي على اسوااق لندن شنو اختااار ؟؟

ودي على اسواق بااريس بس غااالية وهم اسوااق لندن حلوه على قولتكم من التقارير وسوالف البناات !!

 

[شقاوتي غير]

انزين حبايبي بغيت اسال اقدر اروح من لندن الي باريس بقطار ؟
وجم ساعه ؟؟

وابي محلات ديزني غالية ولا اسعارها زينه ؟؟

وابي محلات ام اند امز وهالسوالف غالية ولا عادي ؟؟

 

[دلوعة أبوهآ]

انا مآتسوقت من باريس ومآعجبني سوقهآ ابداً ..
لندن لآيُعلى عليها في الشوبينق هي وميونخ طبعاً ..

يعني بتحصلين في لندن كل شي عطور ميك آب ملابس شوزآت شنآط كل شي ..
والاسعار تتفاوت ..

حتى الاوت لت بعد حلو لايفوتك أهم شي

 

[شقاوتي غير]

دلوعة ابوها < تسلمين والظاهر اني بتسوق في لندن

بس عندي سوال للجميع اذا بتسوق من لندن كل الي هناك متوفر عندنا بالكويت ؟ ولا في اشياء مميزة في لندن موموجوده بالكويت ؟

 

[ام مهاوش]

باريس كلهااااااااااااااااااااا غاليه وسوقها كلا ماركات
اما لندن سوقها اكثر ومتنوع يعني موكله محصور على الماركات الغاليه مثل باريس
يعني تسوقي في لندن اكثر اما باريس اخذي التذكارات او اشتري من محلات ديزني انا عن نفسي ماقدر اقاوم محلاتهم واسعارهم نوعا ما غاليه

 

[ام نواف 5]

بالعكس باريس فيه محلا ت كثير اسعارها معقوله مو ضروري اتسوق من الشانز فيه اماكن لتسوق عاديه المحلات المعروفه بريشكا زارا سي اند ايه جنيفر الدو كارول فيه جالاري لافايت الدور الاخير يبيعون تذكارات اشياء رخيصه عاد انا تسوقت فيه وقت التخفيضات الشتويه وراح يكون في شهر سته التخفيضات الصيفيه

 

[غلاي غير]

روحي باريس ودزني لاند استانسي يعني ٣ ايام باريس ويوم دزني لاند واذا خلصتي روحي بالقطار لندن مو بعيده حيل

 

[sara_77]

فى اوت ليت بفرنسا يم ديزنى يقولون عنه وايد اسعاره زينه ورخيصه وانا سوق ميونخ ماعجبنى واللى صج سوقهم غير ميلان بلندن وايد محلات موجوده بالكويت اما ايطاليا لهم ماركاتهم اللى تاخذ القلب

 

[It'S Me]

لندن ميزتها انج تقدرين تاخذين التاكس فري عقب و على حسب جم تصرفين هناك يعني عادي تردين و معاج حووول ال 400 800 دينار طبعا على حسب انتي جم قطيتي .. باريس أغلى بوايد من لندن و سوق لندن نفس محلات الكويت بس الشي الحلو انه الكولكشن احلى بوايد من الكويت توب شوب غييير عندهم كلشي غير الكولكشن عجييب هناك ماكو مقارنه باللي اهني

 

[شقاوتي غير]

تسلمون كلكم وماقصرتوا

صج استفدت من خبراتكم الله لايحرمني منكم

خلاص قررت اروح باريس 3 ايام وبعدها بالقطار اروح لندن اقعد 11 يوم هناك

 

[جنوني نور عيوني]

سوق لندن = الافنينو باستثناء جم ماركة بسيلفريدج اما باريس تاخذ القلب وفيها محلات مو بالكويت واسعارها متفاوته الماركات غاليه بس بعض المحلات يسوون خصومات طول السنه مو بس بالصيف وفي محلات اسعارها معقوله بس شوبينق صح ماتقارن لابلندن ولاميونيخ...اما ميلان صج غاااااليه واسعارها نار---الميزانيه لباريس 2000

 

[ورده عنابيه]

ياحلات السوق في كل العالم