ميزانية سفر .................. موضوع نقاش خاص بالكويتيات

[omneyaty]

مشاركة: ميزانية سفر .................. موضوع نقاش خاص بالكويتيات

هلا مومو انا أقولج تجربة جم وحده من صديقاتي وحده ردت من المانيا وفرنسا الي دبي


ولدها استانس من دبي قعدت بسيتي سنتر ويقولها مانبي الادبي


الثانيه والثالثه ما يروحون الا جميرا بيتش ويخلون عيالهم لعب ووناسه اسبوع ويردون


انا سألت عن التكلفه لقيتها غاليه وفكرت بقيمتها اروح مصر بس اشرايكم عقب انفلونزا الطيور


نقضب الديره وما نتسبب على عيالنا

 

[شهدQ]

مشاركة: ميزانية سفر .................. موضوع نقاش خاص بالكويتيات

وانا بعد وياك اضم صوتك لصوتي علمونا وين وديتو عيالكم بالامارات ؟؟؟ووين ستانسو ؟؟؟

 

[كيكة كاكاو]

مشاركة: ميزانية سفر .................. موضوع نقاش خاص بالكويتيات

السلام ....
بنات لحد يقول لي شرق اسيا انا سافرت واااااي في بيت ابوي ماكو على اوروبا و امريكا
بالنسبه للميزانيه مع ابوي ما ادري عن شي
مع زوجي مثلا رحنا فرنسا اسبوعين 2600 دينار سكن وتذاكر وسياحه واكل ومواصلات بس ما تسوقت وايد

 

[mooomooo]

مشاركة: ميزانية سفر .................. موضوع نقاش خاص بالكويتيات

امممممممم

يعني حتى دبي تكلف ... وين نولي وين نروووح ؟؟


انا سافرت ماليزيا حلوه حق اليهال ... بس انا ابي اشوف تايلند وخرابيط تايلند <-- قصدها السوق مو شي ثاني خخخخخخخ

انا قبل لا اتزوج رحت فرنسا بس ماشفت منها شي غير برج ايفيل وماكدونالدز اللي بالشانزليزيه ويورو ديزني فقط لا غير

اي اقولكم بالنسبة حق ماليزيا انا وزوجي اسبوعين تذاكرنا كانت 800 دك مع الرحلات الداخليه
بس بصراحة ماخذنا فلوس راهيه للصرف يمكن بس خذنا 500 دك واستخدمنا الفيزا بس بصراحه مع اليهال يبيلج مصرف على ما اعتقد ... وكانت رحلتنا ( كوالالمبور - جنتنغ - لانكاوي - بعد جزيرة نسيت اسمها بننق شي جذي (

 

[جكورة]

مشاركة: ميزانية سفر .................. موضوع نقاش خاص بالكويتيات

أنصح اللي تسافر دول أسيا لاتأخذ عيالها والله حرام أذيه ومصرف وإنتي بتأذين منهم ودوخه ولادروا عن هوا دارنا .....
أحسن شئ لليهال الدول الخليجيه أو العربيه...... الأمارات فاتحين ( مجمع الإمارات موول ) يهبل كله ثلوج وألعاب... وهم سيتي سنتر روعه للأطفال ......

 

[mooomooo]

مشاركة: ميزانية سفر .................. موضوع نقاش خاص بالكويتيات

يعطيكم الف عافيه والله ماقصرتوا

ان شاء الله مالنا الا دبي

اوديهم يستانسون بعدين نروح انا وابونا حق تايلند اشرايكم

 

[@ الرسامة @]

مشاركة: ميزانية سفر .................. موضوع نقاش خاص بالكويتيات

يعتمد على عدد الاشخاص

انا مع زوجي كل سفرة نحط ميزانية التذاكر مع الفنادق مع المصرف
والمصرف انحطه 500 دينار بدون اسوقة


لانه انا مجربه قبل كله اتسوق من بره بس والله الكويت فيها احلى وارخص علشان جذيه قمت لما اسافر اونس نفسي وما اشيل هم السوق يعني طبيعة ومطاعم وروحات وتمشي

عموما ماليزيا عجيبة ووايد حلوة قبل سنتين رحت لها واستانست حيل وودي اروح لها الحين بعد

 

[al7reyaa]

مشاركة: ميزانية سفر .................. موضوع نقاش خاص بالكويتيات

مشكلتي اني انا وريلي نحب السوق والتسوق

توه قايل لي هالسنه الكويت جوها حلو بتقعدين فيها ولا تحلمين بسفره

عاد انا قلت لو تايلند انا معاه جم تكلفني تقريبا ..

بموت ان ما رحت مكان

قلت له خلاص مدام ماكو سفر بحجز بمنتزه النخيل و بمنتجع هيلتون و من مكان لي مكان اغيير الصيف طويل واجازتي 60 يوم شسوي فيها

انا كنت متوقعه تايلند او ماليزيا مصرفي بيصير على الاقل 1000

الله كريم انا بنطر السفريات وبشوف وكل شي عقب بقوله نروح نغيير لو 10 ايام

 

[شهدQ]

مشاركة: ميزانية سفر .................. موضوع نقاش خاص بالكويتيات

شكرا حبيباتي ع التفاعل بس انا لي كم سؤال

جكوره انا رحت الستي سنتر بس ماشفت مكان للعب مال اليهال وين بالضبط وشنو نوع الالعاب ؟؟؟

وبالنسبه لمدينة الثلج حلوه ؟؟ تنصحيني فيها لليهال ولا مكان صغير ع الفاضي ؟؟

وما وديتيهم لمدينة الطفل يمدحونها ؟

وذا عندك شي يونس اليهال حطي


على فكره جكوره المصرف الي صرفته بالامارات يومين صرفته بماليزيا 10 ايام شفتي الفرق بس المشكله تذاكرها ناررر يعني عايله صعبه انسي


بنات الي عندها خبره بعد تقدمها خصوصا ان الصيف ع الابواب نبي مرجع



انا الامارات كلفتني مايلي

تذكرتي انا وريلي 90 للفرد

والسكن كان بالشارقه برديسون ساس ب20 دينار الليله

والسوووووق ماقضى علينا الا السووووق قطيت يمكن 500 دينارعلى شنو ماادري مافي زود عن الكويت يمكن الكويت احلى بعد

يوميتي انا وريلي بالمطاعم تقريبا 20 الى 30 دينار

والتاكسي مااقدر احكم لاني غلطت وسكنت الشارقه والعداد شغال وعليك الحساااب


يالله نبي تفاعل وبسأل عن سوق التنين احد راحله وشنو شفتو فيه ويستاهل العنوه ولا لا ؟؟

 

[جكورة]

مشاركة: ميزانية سفر .................. موضوع نقاش خاص بالكويتيات

هلا وغلا فيج أسفه على التأخير توني أشوف أسئلتـــج...

بالنسبـــــه لسيتي سنتر الحلو فيــــه إنه فيه مطاعم متنوعه للوجبات السريعه .... وهم فيه مطاعم تصلـــح للكبار.... وهم فيـــــه كارفور يبيع ألعاب سعرهم رخيص للأطفال...

عندج ( حديقـــة والت وادي أو وادي ديزني ) مثل الأكوابارك للأطفال والكبــــار.........

القريــــــه العالميـــــــه فيها ألعاب للأطفـــــــال ومطاعـــــــــم....