ميزانية السفر

[tolay]

السلام عليكم ورحمه الله وبركاته





وايد اسئله تطرح بخصوص ميزانيه السفر فحبيت اطرح هالموضوع للنقاش وكل وحده تقول شكثر كلفتها الميزانيه عشان نستفيد من بعض ونختصر المواضيع اللي تسأل عن الميزانيه


كتبي الدوله وعدد الاشخاص وجم كلفكم التوتل مع ذكر عدد الايام

يعني مثلا انا عن نفسي لما رحت دبي اخر مره قعدنا 5 ايام شخصين كلفتنا 1400 من الى وتسوق خفيف



والحين ناطره تفاعلكم

 

[Alrem_q8]

مووضوع حلووو ليت الكل يشارك

رحنا دبي ٣ اشخاص كبار لمدة ثلاث ليال كلفتنا ٧٥٠ دينار تقريبا
ع الخطوط الكويتيه شهر خمسه درجه سياحيه ب ٦٠ دينار الشخص
وسكنا بفلورا كريك شقه تتكون من غرفه وصاله وومطبخ وحمامين ثلاث ايام الليله ب ٤٨ دينار مع الافطار


يعني اسعار التذاكر والسكن تقريبا ٣٣٠ دينار
والمصرف ٤٠٠ وشي لثلاث اشخاص ثلاث ايام بدبي ^_^

 

[موله الكويت]

يلا بنااااات شدوووا حيلكم نبي تجاربكم بالسفر الصيف قرب ونبي الكل يستفيد
انا سفراتي لدبي 4 ايام تقريبا تكلفني 500 دينار واحجز وقت العروض تكون التذكرة والفندق 90 دينار تقرييا

ماليزيا رحتلها 3 مرات ( 2009 - 2011 - 2012 )
اول مره ماكنت اعرف للديره واخذت معاي 1500 د.ك ماكفتني بشي لمده اسبوع والتذاكر والفندق 265 د.ك الشخص
ثاني مره انا وزوجي اسبوعين 2000 دينار ورحت لنكاوي بيننانج كوالالمبور وليله بجنتنج
ثالث مره من مكتب سفريات الشخص 500 وشوي لان رحنا لنكاوي وبورت ديكسون وصن واي لاقون وكوالالمبور
ونزلنا دبي عقب والميزانية اخذت معاي 3000 د.ك كفت وزياااااااده
وان شاء الله هالسنه لندن شهر 6 او اخر 5 اسبوع واسبوه دبي حاطين ميزانية 2000 بزيدهم ان شاء الله لان مورايحه الديره من قبل​

 

[موله الكويت]

اب
اب ​

 

[نـعـومـه]

ماليزيا سنه 2010 من الى 1700 10 ايام مادري 11



اموله

ماشاءالله حيل بلاش عرض دبي اول مره هذا اي موقع عطيني ياه

 

[tolay]

170 واللي ردو 3 بس !!!!

جزاكم الله خير للي ردو

 

[موله الكويت]

ماليزيا سنه 2010 من الى 1700 10 ايام مادري 11



اموله

ماشاءالله حيل بلاش عرض دبي اول مره هذا اي موقع عطيني ياه

هلا حبي
شوفي 90 دينار حدا بلاش هالعرض من مكتب سفريات النور بحولي فوق بياع الورد 3 ايام بدبي وفندق 4 نجوم روعه اسمه كاسيلز البرشاءكان وقت السفره شهر 10 بس مادري اذا طمرت الاسعار او لا روحي المكتب وشوفي سألي​

 

[موله الكويت]

170 واللي ردو 3 بس !!!!

جزاكم الله خير للي ردو

ماعليه حبيتي الناس مدارس ودوامات والبنات لاهين وبعدين المنتدى مو مثل قبل الانستجرام والتويتر وغيره اشغلوا الناس فيهم ​

 

[سيكولوجية]

ماليزيا السنه اللي طافت
لشخصين

الميزانيه كلها 2500
وكفتنا الحمدالله وتسوقنا
رحنا ( بيننج + لنكاوي + صن وااي لاجون + كوالامبور) مدة اسبوعين


بلغاريا
1500
مدة اسبوع
وكفتنا لشخصين

 

[مشتطـه]

لندن 9 ايام شخصين تسوق خفيف 2000

الفندق كان ب 250 بكل هالايام عرض كان
والتذاكر الواحد 315
يعني 1100 الصرف تقريبآ اكل وشرب واماكن سياحية وتسوق عالخفيف
:


اورلاندو من غير تذاكر طيران
يعني فندق وسياحة بس
7 ايام
من غير تسوووووق نهائيآ

أكل وشرب وتذاكر الاماكن السياحية
900 دينار

شخصين

 

[tolay]

موله الكويت


اي والله الانستغرام اشغل الناس :/

مشكوره على الرد





سيكولوجيه

مشتطه

مشكووورين حبايبي على الرد

 

[ياعيون مغليك]

سفراتي ،،دبي اول مره فندق السيتي سنتر 2009 على السيرلانكيه كلفتنا الرحله تقريب 500 لمدة خمس ايام
الثاني شقق فندقيه الرمال السبعه بالبرشا وكلفتنا 600 لمدة 6 ايام عالسيرلانكيه


الثالثه فندق القصر الجميرا واكثر من راااااائع حلم حلم ليلته ب160 سكناه ليله وبعدين رحنا لشقق فندقيه فلورا بارك كلفتنا 700 5 ايام


الرابعه فندق ارماني ليلته 210 فندق سخيف وميت وخساره فيه 100 دينار بصراحه كل شي بفلووووس حيل مااادي حيل حيل عكس القصر اللي حسيته افخم منه وكل مراافقه فن فن المووهيم كلفتنا الرحله 5 ايام 1700 بس تسوقت بضمييييير ،،


الخامسه فندق المنزل مقابل النافوره بنيان ذرب وكشخه وديكوووراته حيل راقيه خدمتهم حلوه واهم شي اول ماتوصلين يقدمون لج ذاك العصير الفرش الببببببارد وليلته ب70 كلفتنا الرحله ليلتين تقريبا 500




الخامسه سكنا بالكوبثرون شقق فندقيه وكلفتنا الرحله ليلتين تقريب 600 لان كان نازل خام جديد وموصيني حريم العايله كلهم فيه ،،


طبعا رحلاتي السابقه كلها مع زوجي




رحت مره دبي مع اهلي وبنتي معاي 4 ايام في فندق الجوهره قاردن حده نظيف وعائلي وكلفتني انا وبنتي 700 تعرفون جمعات البنات تسوق وكوفي مع حلو تسوق غدا تسوق حلو تسوق كوفي تسوق عشا غير المرافق السياحيه من سكي دبي للقريه العالميه للسفن للـجي بي ار كلها كلفت والله ،،


العمره مره مع اهلي كلفتني بس التذاكر انا وبنتي 135 للشخص ايام المنحه والسكن كانت بشقة امي هناك ،،


الثانيه مع زوجي كلفتنا 600 فندق دار الايمان لمدة 3 ايام




ماليزيا 8 ايام انا وزوجي ع القطريه في لنكاوي وكوالا فقط لنكاوي فندقنا برجايا رائع وفي كوالا كان الماريوت كلفتنا الرحله 1700 مع التحفظ اخر يوم ،،




والرحله الجايه اووروبا 15 يووم مخليتلها 5 الاف ،، وفاتحه لمت الفيزا ألفين ان شااء الله تكفي

 

[ام رينـاد]

سنة 2011 رحت ماليزيا وصراحة الاسعاار نااار
كنا 6 اشخاص وقطينا خمس الاف ..على كل شي تذاكر الطياارة وتذاكر الطيران الداخلي للجزر والفنادق والاكل والمصرف والتسوق
​

 

[q8helwa]

دبي لمدة اسبوع انا وزوجي

وتسوق خفيف ٧٥٠

 

[noo7a]

ماليزيا 2010
اسبوع من غير يوم الروحه ووالرده يعني 5 ايام انا وريلي كامل كل شي 1200
التذاكر ووالفندق كانت 700 وشي
والمصرف 500 يعني كل يوم 100
فرفرنا كل الاماكن السياحيه و تسوق خفيف

دبي 2012
حجزنا يومين باتلانس
واوبع ايام بفندق ثاني
انا وريلي و ولدي رضيع
كامل مع التذاكر و الفنادق و التسوق 1400 لي 1500 تقريبا

 

[موله الكويت]

اب
اب

 

[قوس قزح]

اب اب اب

 

[أم وصايف]

تركيا صيف 2011 شخصين كلفتها الرحلة 3000
مدة الرحلة 13يوم وشملت طيران داخلي لطرابزون وروحه لبورصة وإسطنبول طبعن من غير سوق التكلفة

 

[tolay]

مشكووووووريييييين بنات على ردود

 

[.:lady bug :.]

البوسنه شهر 7 الي فات
تذكرتي بروحي ب 400 عرض مع فندق 11 يوم
رحت مع زوجي
المصرف ماصرفنا وايد حدها رخيصه وشريت خرابيط وايد مع ان سوقها عادي
يعني بحدود 400 الى 500


تركيا شهر 5 السنه الي فاتت
قعدت اسبوع ببارك رويال كلفني 250
التذاكر كنت حاجزتها بالصيف ب 600 لي ولزوجي بس مارحت بااصيف رحت 5
المصرف بحدود 1500 لانها غاليه

دبي وماليزيا معروف اسعارهم رايحتلهم
قبل يمكن 3 او 4 سنين هههههههههههههههه