ميخـــــــالف تســـــــــاعدوني .. بجــــــــــدد شقتـــــــــــي

[بريق]

السلام عليكم ورحمة الله وبركاته


شلونكم بنات ...

انا نويت اجدد شقتي واخيرا .....

وواجهتني اشياء وايد حسيت اني توهقت فيها .. قلت ماكو الا اني انزل موضوع استشيركم فيه وادري ان شاء الله ماراح تقصرون فديتكم :33_1185028183:
وبخلي هالموضوع مرجع لي كل ماواجهتني مشكله سألتكم .. انا توني ما بلشت بشي بس السيراميك والحمام خلصناه

بداية .. بقول لكم شنو راح اجدد بالشقة .. )

1)غرفة نومي ( بشتري ماترس مع قاعدته ومو عارفة من وين + بفصل كبت وابي منجرة ومو عارفة )
2) غرفة بنتي 4 سنين وولدي سنتين مع بعض
3) الصاله
----------------------------------------------------------

ببلش بغرفة عيالي

انا شريت من تنزيلات ايكيا سريرين مع رف لونهم ابيض ونويت اكمل الكبت حق كل واحد والشوفنيرة
بس خواتي قالولي منجرة احسن واللون الابيض مو شي
شرايكم ؟؟ انا عن نفسي مقتنعه باللون الابيض احس يعطي شراحة ويمشي مع كل الالوان

بالنسبه للجدران شنو اسوي اصبغ ولا وول بيبر (انا عندي التكييف مو مركزي ) بنتي خاطرها بلون وردي قلت ماراح اخلي بخاطرها بصبغ طوفتها اللي عند سريرها وردي وشنو احط الطوف الباجي مقلم ولا شنو ياليت اللي عندها صور تنزلهم ابي الغرفة حق يونيسكس يعني اللي يشوفها تصلح لبنت وولد احط اصفر مثلا مادري محتارة :cxxxp:


ادري احس اسلوبي جنه كلمات متقاطعه بس والله احس ماكو وقت


عفية لا تردوني ابي خبرتكم :eh_s(8):

 

[بريق]

رد : ميخـــــــالف تســـــــــاعدوني .. بجــــــــــدد شقتـــــــــــي




ولا رد !

 

[أقسى جرح]

خلي غرفة عيالج أصفر والرسومات أخضر .. لان هاللونين يصلحون لبنت وولد يطلع واااو

 

[Creazy]

يا قلبي نفس المشكله


بالنسبه لليهال في مجمع مقابل مجمع البحر اسمع مجمع الشراع في محل يبيع كلله وول بيبر اطفال وكله شخصيات ديزني

وتقدرين تاخذين نفس الشخصيه في منها اباجوره وزوليه وستاره وشغله روووعه

 

[FJ style]

غرفة اليهال خليها وردي واخضر مثلا
طوفتين يم بعض لون وطوفتين يم بعض لون

او اصفر وبنفسجي فاتح بس خليه نص الغرفة من فوق لون والنص التحتي لون
او اخذي وول بيبر من ابيات عندهم تشكيلة حلوة حق اليهال وتقدرين تاخذين لون يناسب اليونيسكس

الاثاث الابيض روووووووووعة لهم وموضة الحين


البنفسجي اهني طالع حلو مع الابيض ويصلح للأثنين بس حرام اذا بنتج بخاطرها وردي

الاخضر اهني اتحسينه للبنت والولد وتحصلين هالسوالف بايكيا وتقدرين صوب فراش بنتج تحطين ورد صناعي او رسومات ورد

هم الاخضر اهني حلو وحركة الاستكرزات ملوت الطوف اللي على شكل ورد خلو الغرفة تصلح للاثنين

شوفي البنفسجي روعة مع الابيض ويصلح للاثنين

بالنسبة للماترس : عندج صفاة الغانم كان عندهم بالتنزيلات ماترس مع الظهر رووووووووووعة لونه ذهبي خيااال وفي الوان ثانية وكان السعر نايس بالتنزيلات بس الحين مادري
او روحي الضجيج في بالسطرة اللي فيها سيرز اكو كاليفورنيا مال الماترسس عنده الغالي والوسط والرخيص

ورق الجدران يبيلج تسئلين اللي يبيعونه اذا يصلح مع هالنوع من التكييف او لأ .. اهم اعلم
الكبتات مادري عن المناجر بس الجاهز تارس الديرة وبإيكيا تقدرين تفصلين بعد على حسب الحجم اللي تبينه

 

[FJ style]

كنت حاطة خوش صور بس ليش ما اطلعو

عموما دشي قوقل صوب الصور وكتبي kids room unisex- او kids bedroom unisex

وراح تعطيج افكار الدنيا

 

[ام الوردة]

لاتحطيييييييين صوووووور حق اليهال سواء صبغ اوغيره حرام موزين عليهم

 

[eman12]

تقدرين تطين الوان محايده عندج درجات البنفسجي تمشي للبنت والولد
وتقدرين تسوين طوفه وطوفه مربعات امثل الشطرنج درجتين و دوائر او مقلم
والول بيبر مانصحج للياهل يشقونه او يلون عليه ومايتنضف
خليج علي الصبغ