ميته قهر .. كرهت بيروت ... تعالووو طمنوني ..

[حلمي اكون ام Q8]

السلام

بتاريخ 12/5/2011 زوجي راح بيروت مه رفيجه خميس يمعه سبت .. المهم قال السفر على
حساب رفيجه ومن زمان ماسافرت واحس اني مقموت من هالسوالف الين رضيت
ومن يا من بيروت كل يسولف عنها
الجو والتمشي والسوق والقعدات وشعبها حيييييل اعجبته ..

واليوم الفجر كان سهران مع رفيجه الثاني وقررو يروحون .. المهم يابنات ياني اليوم الصبح
وانا البس بروح الدوام وقال لي انا بروح بيروت .. قعدت اضحك مو مصدقه
قال لي والله بروح ..

زعلت وتضايقت قال انا عطيت الريال كلمه .. بروح اليوم وبرجع السبت ..
قالي اهو اللي حن علي واوعدج اخر مره اسافر بروحي انا بسافر وياج بالصيف خليني استانس
الحين قلت اوكي طبعا حدي متضايقه ...

قلت لاختي عن زوجي بيسافر ضحكت وقالت اكيد ماخذ لبنانيه :rgewrg: مت من القهر
قالت شعنده قلت يبي يستانس ....

بنات ميته ميته من القهر ابيكم تهدوني مو تخرعوووني وتطيرون قلبي صح عادي والا فيه شي ...

 

[Dancing^Queen]

اعلمج طريقه؟
قوليله روح بس ترا من ورا قلبي
وكيفك اذا الوحده من ورا قلبها الريال مايتوفق بالسفره وتذكرني هناك اوكي!

الرياييل يخافون من حوبه المره

طبعا الله يسهل عيله ويحفظه ويرده لج سااااااااااااااااالم غاااااااااااااااااااااااااانم
ومدامها يومين عديها
واللي بيخربط ترا عادي اهني بعد في خرابيط
بس التخريع لابد منه وخليه يوعدج اخر سفره شباب
وانتي لي سافرتي وياه خليه يستانس لاتحنين لاتناجرين لاتطلبين سوق وايد وخليه يستانس وياج اكثر من ربعه

 

[Pippa]

’

عااادي بس لا يكررها

وانتي بعاآاد اذا رحتااي ويااه ونسيه لا تنكدين عليه
الشباب يحبون الوناسه

الله يوفقج​

 

[سيلينا]

يعني لي قلتي لا ولا لي زعلتي وحرقتي دمج ماراح يروح!!

بيروح استودعيه الله وان شاء الله مافي الا العافيه والله رحت بيروت
ماشفت بناتهم حلوين تخافين من شنو لا تعورين قلبج استودعيه الله
وبيني له انج راضيه من ورى قلبج بس عشان اهو بخاطره وانه عطى الرجال كلمه
وترى الي يبي الخرابيط موجوده عندنا شالله حاده على المخاسير

 

[حلمي اكون ام Q8]

مشكورين على ردودكم صج ريحتوني


الله يجزاكم الف خير

 

[ام ناصر2]

الله اعينج

 

[رتو الكيوت]

خل يروووح شكله مستانس عليها بس !

ودام بيسفرج كيفه

بسس قولي هااااه مو تطيح بهالسالفه مااكو بروحك الا بعد فتره

 

[iLLuMinaTion]

الله يعينج حبيبتي

بس لا يكررها

 

[نداااوي]

ما أزنخهم هالرجال بعالداة الي طالعين فيها

كل واحد زهقان بيروح على تركيا بيروت شرم الشيخ

ونحنا آعدين وناطرينهم

الله يرجعلك اياه بالسلامة يارب

 

[سارووه الاموره]

صاجه اختي راحت بيروت مع ريلها تقول اختي كلهم كشش ونو ميك اب .. ولا ستريت والويه ثلاث ارباعه تجميل ويلوع الجبد

بس للو انا مكانج ماخليه يروح .. لوووول .. لازم اروح معاه .. اصلا توه راد ع طول يبي يروح !! لاتخلينه نصيحه وزعلي مع ان ادري بيعطيج طاف ويروح خخخخخخ

 

[mweegah]

مثل ما قالوا البنات
الخرابيط بكل مكان اللي بيخربط مو ناطر بيروت
و بعدين وايد سويتي زين انج ما ناجرتيه و قلتيله روح لان مو بيدج شي
يعني اذا قلتي لا تروح بيقعد, لا بيروح و ما راح يهمه علشان جذيه خليه يروح و انتي راضيه احسن

 

[حلمي اكون ام Q8]

لو ازعل شالفايده اهو الحين بالمطار ..

يروح ويرجع بالسلامه

 

[om MaRyooM]

اذا تبين رايي

لاتعطين لاي ريال امان

بعدين اهو ماسافر واستانس ليش يروح مرة ثانية

وشنو يعني عشان بيسافر معاج بالصيف بيساومج علي السفرة ! ويبي. يستانس مع رفيجه


الله يعينج صراحة بس نصيحة المرة الياية لاتخلينه يروح بروحه انتي سافري معاه
وقوليله من اليوم ريلي علي ريلك
وعذر المصروف وعزومة رفيجه له حق لبنان هذي خل يلعب غيرها صلرت حيلة قديمة علي فكرة



*

 

[ضماي هو وهناي]

راح .؟........ الله يحفظه .
شوفي هو راح يدور وناسه اكيد فاقدها بالكويت ... غيري جوه لي رد بالسلامه ...
لا تنكدين على نفسج صدقيني مو كل اللي يسافرون يدورون الوناسه يكون خاين ... او متزوج يبين عليه اصلا ...
لي رد بالسلامه ان شالله سئليه وين راح ووين الوناسه هناك و.. و...
اصلا لبنان كلها وناسه وخاصه اذا الواحد اول مره يروح لها بيحس بطعم وناسه غير جو وطبيعه ويوم مشغول بطوله وعرضه
وبعدين باقولج معلومه اي ديره تروحين لها اول مره واستانستي فيها يوم واحد راح تشتاقين لها مره ثانيه والمره الثانيه اذا رحتي بتملين منها بسرعه وخاصه الدول العربيه .......................
لا تخافين ولا تحاتين بس يرد بتعرفين وانت بتحسين اصلا فيه .......
بس انت غيري له الجو كلللللللللللله ...........

 

[انا لحبيبي .]

حبيبتي احسني الظن

انتي ليش خايفه؟ خايفه انه زوجك يخربط؟ مهو ياحبيبتي ازا بدو يخربط في هون بنات قد شعر راسه ، هو حكالك الجو والتمشي والسوق .

احسني الظن حبيبتي ولاتزعلي وهو مسافر بالعكس ودعيه واحكيلو تروح وترجع بالسلامه لاتنكدي على حالك ولا على زوجك صدقيني الدنيا فانيه ، عيشي حياتك وخليكي مبسوطه

شو بتسوا عليكي يروح ويرجع وانتي منكده؟ مين يلي رح يتأثر وينقهر غيرك؟ فاستهدي بالله ووسعي صدرك واحسني الظن حبيبتي

والله يهدي بالك يارب ويرجعلك زوجك بالسلامه

 

[حشمه]

يبي يغير جو ويستانس وكلها يومين

بس قولي له المره اليايه انا معاك

هم ودي استانس واغير جو والصراحه

مع ربعهم يغيرون جو انا ريلي راح دبي

واستانس يقول اسمها تغير جو يومين

شلون رايحين بيروت

خليه ميخالف هالمره حاولي تسايسينه

اخر مره وابي اروح معاك خل استانس

زعلتي ولا لا بروح لو بغه غصب عن الكل

فليش العناد معاه والزعل بروح بروح

والله يهديه ان شالله

 

[miss swan]

قوليله ماكو روحه يعني ماكو
شنو يعني عطيته كلمه بطقااااااااااااااااااق اللي يطقه
انا طوفتها هذيج المره
وسفرت الصيف موبس حقي ترى حتى انته بتسافر

وبعدين ملاحظه رياييلنا كل مايا يبي يرقعها قال عطيت رفيجه كلمه يعني اهو الريال اللي مايتنازل عن كلمته
بس يصيرون رياييل مع ربعهم ومع حريمه خرطي
او يتمنن على سفرة الصيف
​

 

[om.7madiiin]

حياتي عادي شنقوول بعد الربع عله نغمة قطيييعه انا يالي اول امس قالي بروح دبي
بشتري قطع حق سيارتي و انا عطيت رفييج يكلمة لابوو رفيييجك يا اخي
منووو اهم و عيالي فيهم عقنقز و لايعه جبدي معاهم بس في احساس ماكو
شتقووولين لو تنبطييين لي باجر ماكو فايدة قلتله روح بس وم راضية عليك
>>>>>>>>> اشووفة اليوم هون كاااك الظاهر خق

 

[الهما]

حبيبتي انا ما ابي اشيشج و اقولج صرخي و زعلي و روحي لهلج لا طبعا مو تصرف صحيح
بس اتوقع لازم تاخذين موقف جدي
لمن يرد لازم يعرف انج مو طوفة هبيطة حزة الحزة يقولج بسافر ووين بيرووت لو عمرة والا المدينة اي .... بس لااااازم تاخذين موقف

 

[كويتيه مذهله 87]

حبيبتي لا احد يقص عليج او يخلي فكره زواج اللبنانيه براسج
انتي شوفي وضعه هل يسمح ان يتزوج وحده ثانيه يصرف عليها وجذي!! تري الزواج موسهل
تري عادي كل الشباب يساافرون يوم يومين عادي خل يستانس هو قالج بروح استانس مع ربعي بعدين اسفرج
خو هالريااايييل مايحبون السفر معانا لووول سوق وحنه ورنه سفره الشباب اونس
انتي الحين اذا طلعتي من رفيجاتج حلوه طلعتهم عكس اذا طلعتي مع ريلج بروحكم


لا تفكرين بالسلبيات حبيبتي ولا تحطين فكره الزواج براسه اذا رد هو وعدج ان اخر سفره مع ربعه
اذا رد استقبيله بابتسامه ولا تنفسين عليه