ميته خوف

[sweet78]

مرحبا بنات ..... اناالحمدالله حامل وبالشهر الثاني بس حدي مرعوبه من الاجهاض
لان حملي السابق كان شهرين وبعدين مات الجنين بدون سبب والحين ميته من الخوف
ومراجعتي مع الدكتوره بعد اسبوعين وحدي خايفه لين يجي وقت مراجعه واسمع نبضه
وارتاح والله العظيم حايشني رهاب قوي خايفه من الاجهاض شتنصحوني فيه ودي اتاكد
من حملي من غير ما اسوي سونار هل في طريقه الوحده تعرف نفسهامنها ان الجنين
بخير بدون مراجعه ساعدوني

 

[sweet78]

Up
Up
Up

 

[خالتها]

انا كنت نفسش بالضبط وكنت مجهضة ثلاث مرات وبحملي الرابع كان معاي نزيف حاد وكنت كل احاتي وكل أسبوع أروح للدكتورة علشان اسمع نبض البيبي واتطمن عليه من كثر ما كنت احاتي كنت أقول لامي ودي اشتري جهاز سونار علشان كل يوم اتطمن على البيبي
عاد أمي قالت لي توكلي على الله والله الحافظ انشاء الله وموزين الوسوسة
وعقبها قلت صح ربي اللي عطاني إياه وهو اللي قادر يحفظه ويثبته وما يحرمني شوفته
من بعدها توكلت على الله وصرت اقرأ الرقية الشرعية الفجر والمغرب وانفخ وامسح على بطني وأقول يالله يا ربي تحفظه وتثبته
والحمد لله هذي بنتي الحين جنبي وعمرها اربع شهور

 

[sweet78]

مشكوره ياقلبي والله يخليها لج
ريحتيني الله يريحج ليوم الدين
وشكرا على ردج

 

[رووو الروح وووح]

صح كلام الاخت توكلي على الله وارقي نفسج
واستودعيه الله واذا تبين في التحليل الهرموني
تسوينه وبعدها بيومين تسوينه بعد وتشوفين
النسبه اذا ارتفعت يعني الحمل ماشي واذا لا
يعني العكس صحيح والله يثبته لج

 

[sweet78]

امين يارب ماقصرتي حبيبتي

 

[&هند&]

اول شي توكلي على ربج الي كاتبه بصير انتي عوذي نفسج واقري اذكار الصباح والمساء وكثري استغفار واستودعيه الله حزة المغرب والفجر

وريحي جسمج دايم انسدحي واكلي اكل مفيد واحرصي ع المثبتات بوقتها


والله يثبت حملج يارب ،،،،،

 

[@سيدة نفسي@]

البنات كفوا ووفوا واذا حابة شي تستخدمينه بالبيت أكو جهاز سونار منزلي

ينباع بالصيدليات تقدرين تسمعين فيه نبض البيبي ..

 

[ام عبد العزيز م]

ا كتري الاستغفار والله سبحانه راح يحفضه لج

 

[مذهــلــه]

الله يثبته يارب

لاتخافين ترى الحاله النفسيه تلعب دور ديري بالج

 

[sweet78]

جزاكم الله الف خير ماقصرتوا يالغاليين

 

[((غلاي))]

توكلي على الله
و الله يتمم عليج يارب

 

[اخت خالتهم]

ربج الحافظ انا كنت نفسج عندي اجهاضات قبل
بهالحمل كل اسبوع كنت اروح اول شهرين

 

[f@rsaq8]

توكلي على الله

 

[أم معاذ الكندري]

الله يحفظه لج اللهم أمين
حبيبتي كلنا مرينا بهالشعور ما عليج غير انج اتوكلين ع الله
واذكار الصباح والمساء والرقيه الشرعية وسورة البقرة
والاستغفار الاستغفار والدعاء

 

[ابدا يالغالي مانساك]

لاتوسووسين ستودعيه الله
وربي يحفضه ان شالله ويثبت حمالكك
وتقومي بالسلامه

 

[sweet78]

امين يارب والله يوفق كل وحده ردت علي وريحتني ويرزقكم ولا يحرمكم يارب

 

[ديمة بنت غنيمة]

الاستغفار والبقرة سحر
داومي عليهم نصيحه

 

[أنفاسي دخون]

استودعيه رب العالمين والله يقر عينش بشوفة البيبي بصحة وسلامة

 

[sweet78]

امين يارب العالمين ماقصرتوا حبيباتي