مو واثقة من ...!!

[Ms.romanceya]

بسم الله الرحمن الرحيم

السلام عليكم بناات

انا اول مرة اتكلم في موضوع خاص فيني او مشكله لي في المنتدى بس لاني جد مليت مالقيت حل قلت ماكو الا المنتدى حسبت خواتي يمكن يساعدوني ..


انا بنت ما اثق بشكلي ابداااا يعني مو واثقة ولا مرة حسيت بثقة من شكلي ! صج اسمع انه يقولون اني مملوحة و حلوة بس ولا مرة اقتنعت بهذا الشي والله حتى ما اصور نفسي <حمد لله والشكر

يمكن البعض الناس يشوفونه موضوع تافه بس انا اشوفه ماثر علي وايد

بس للعلم انا في سن المراهقة

​

 

[Tom ♥ Jerry]

,


لا آكيد مو موضوع تافهه آهم شي تقبل الشخص لشكله و طريقته !
لانه هاذا له علاقه بالشخصيه و الثقه بالنفس
اذا انتي مو متقبله نفسج آكيد ماراح يكون عندج ثقه بالنفس



لي بآك للموضوع :*

 

[عـيّــآره]

انزين ليش ماعندج ثقه بشكلج فيه شغله بويهج ماتعجبج !​

 

[Ms.romanceya]

,


لا آكيد مو موضوع تافهه آهم شي تقبل الشخص لشكله و طريقته !
لانه هاذا له علاقه بالشخصيه و الثقه بالنفس
اذا انتي مو متقبله نفسج آكيد ماراح يكون عندج ثقه بالنفس



لي بآك للموضوع :*

بانتظارج :**

 

[Ms.romanceya]

انزين ليش ماعندج ثقه بشكلج فيه شغله بويهج ماتعجبج !​

لا عادي ويهي بس يمكن حواجبي اشوي عراض احسهم ما خذين حته بويهي و الكل يسالني متى تحفينهم انا اتفشل و اسكت و هذا هم يقلل من ثقتي من نفسي اكثر

 

[عـيّــآره]

يمكن المعاير او تشبيهات بعض الناس لج بأشخاص مو حلوين وانتي صغيره تاثر ​

عليج وانتي كبيره​

وتقلل من ثقتج بنفسج بس ماعليج اهتمي بنفسج وسوي اللي بخاطرج وواكبي ​

الموضه ​

حتى لو فرضا بنقول انج عاديه مع الاهتمام بتصيرين واو وماعليج من اي كلمة ذم من ​

اي احد عيشي عمرج واستانسي ​

الحياه بتعيشينها مره وحده ليش حارمه نفسج من الاهتمام والجمال كل شي سهل ​

وبايدج ​

ابتدي من بكره غيري من شكلج وشعرج وستايلج وشوفي الثقه اشلون بتصير قوويه تلقائيا​

 

[MRS.coupe]

اول شي لازم تحبين نفسج وانتي تتقبلين نفسج وذاتج الشكل الخارجي مع الايام بيتغير
بس نفسيتج انتي لازم تغيرينها

سوي اشياء تفتخرين فيها تزيد من اهتمامج بنفسج
نمي هواياتج والاشياء الي تحبينها

 

[hend6363]

بسيطة سوي تشقير لحواجبك

 

[M!SS.LOBY]

تعوذي من ابليس

قولي ( الحمد لله على كل حال)

مافيج الا العافية ان شاءالله ضبطي عمرج وضبطي حواجبج واهتمس بعمرج وتكمل الثقة عند نفسج

 

[ريتال العسل]

حبيبتي

عنصر الثقة مهم جدا في الحياة

لان الثقة كنز الشخصية في التعامل في الظهور في الحوار


و دائما الواثق يلق نفسه متمكن من الكلام و الاخذ و العطاء

والثقة مكتسبة . عيوني لازم تتعلمين
​

 

[Ms.romanceya]

مشكوووورين بنات :*** ما تقصرون فديتكم​

 

[ضــمــاد]

دخلي دورات

اقري بالنت عن الثقه بالنفس والاهتمام بالنفس وحب الذات

دشي باليوتيوب على البروفيسور طارق الحبيب وسمعي كلامه واااااااااايد ينفع

اقري كتب , سمعي لأساتذه ودكاتره التنمية البشريه ,

كل هالاشياء بتخليج مو بس تثقين بنفسج , بتخليج فوق الثقه تحبييييييييييييييين نفسج من كل قلبج

 

[بنفسج ..~]

ههههههههههههههههههه
يمكن لأنج انتي مو ذوق نفسج
يعني انا الكل ينجن علي بس انا بيني وبين نفسي اكرهه شكلي !!
احب البنات اللي يكونن ناعمات بأجسامهن وشكلهن اما انا كل شيء عندي اوفر
عشان جذي انا مو ذوق نفسي . . وإذا انتي نفسي فـ شوفي الناس شيقولون عنج ؟
اللي يقولونه عنج هو الصح وهو اللي أقتنعي فيه هههههههههههههههههه

 

[اقماري]

توج بسن المراهقه هالشيء طبيعي جدا جدا جدا ..

لان الوحده تكون حساسه لكل شيء ..
وعموما هرموناتج اللحين في تغيير مستمر يعني نفسيتج مو مستقره ..

انا ماكنت احب نفسي بالمراهقه ابدا وكنت ابجي بعد خشمي عيوني خدودي حلجي؟؟

مره مشكلتي لوني مره مشكلتي شعري ومره ومره وايروح اليوم وانا افكر بشكلي ومجابله المرايه
وكنت اتمنى اسوي عملية تجميل بعد
واهملت نفسي حيل ماحط كريمات حمايه ولا ترطيب ولازيوت لشعري امي تعبت واهي تعلمني وانا عذري بيني وبين نفسي اني مو حلوه
ومستحيل هالأشياء اتحليني وزدت احباط وتعب وغباء بعد ههههههههههههههه

وهذا انا كبرت اللحين ومقتنعه بنفسي والحمدلله حيييييييييييييييييييل واحس اني وااااااااو ومحظوظه بنفسي وجمالي وماحب لا التجميل ولا اللي ايسوونه..

اللحين بنت خالي صغيره بعمر المراهقه انا اشوفها اتهببببببببببببل وربي واهي تحبط نفسها ومهمله نفسها حيل وكلا تلبس اسود بحجة انه اهو الوحيد اللي ايناسب لونها مع ان لونها حنطي حلووووووووو بس اهي اتشوف نفسها سمرررره..

موفقه حبيبتي ونرى كلام الناس اهو الصج مو كلام النفس..

 

[حرف المها]

حبيبتي من صجج ياما ناس جيااااااااااااااااااااااااااااااااااااااااااااكر بس من الثقه تحسسج انها حلوة
الثقه كل شي صدقيني و اذا في شي مو عاجبج حاولي تغيرينه بالحلال يعني لا تحفين بس شقري مثلا
و اذا احد اسالج قولي ماني حافه حواجبي حراااااااااااااااااااام و عاجبيني

 

[قابوسية وافتخر]

حبيبتي من صجج ياما ناس جيااااااااااااااااااااااااااااااااااااااااااااكر بس من الثقه تحسسج انها حلوة
الثقه كل شي صدقيني و اذا في شي مو عاجبج حاولي تغيرينه بالحلال يعني لا تحفين بس شقري مثلا
و اذا احد اسالج قولي ماني حافه حواجبي حراااااااااااااااااااام و عاجبيني

كلام صحيح مية في المية ​

 

[جوري الصالح]

الثقة بالنــــــــفس = النجاح بالتجارب الحياة

 

[جوري الصالح]

ضــــــروري تحتــــــــاجين معلومات عن الستايل و المـــــــــــــــــــــــــــــــــــــــوضة والـتجـــميل

 

[شــــــــــــــوقــــه]

انا كنت جذي بس لمن كبرت و تغير الجسم و الستايل و الشكل تغيرت ملامحي شوي قمت اشوف نفسي مزيونة مادري شلون

هم الناس يقولون عني حلوه

مع ان عندي مشاكل بشعري و جسمي ان شاء الله بحلهم عشان تكون الثقه توب

و لمن اشوف صوري قبل ظييييم ههههه صج ليلحين اشوف نفسي قبل مو حلوة

 

[فتوشه كويتيه]

حبيبتي حطي معلومه براسج
الله خق كل الناس حلوين حتى لو يسمعون انهم جياكر
كل مرأه جميله وفيها شي يميزها عن غيرهاا هذا خلق ربج
قولي لفنسج انا بنت حلوه ومافيني شي اقل من غيري وافتخري بنفسج