مو من حقي اتنرفز واعصب؟؟

[angel bysho]

السلام عليكم بدخل بالموضوع على طول
انا بنت عمري 18 سنة اتنرفز من اتفه شئ قبل ماكنت جذي بس هالوقت صايره اعصب واحترق بسرعه وبديت احس بعوار بطني وبراسي كلما عصبت
على سبيل المثال اختي الصغيره عمرها 5سنين بعهدتي الحين(حشى وديعه) اقولها اكلي تعاند ومابي ومابي:j013:
اهني انا يشتغل البركان في مخي وشوي واضربها اهي طاف تحرجني قدام الناس بألفاظها ومرات تسوي حركات الرسوم والله بالخير القنوات الي فيها رسوم صايره خيااااااااااااااااااااس
مو عارفه اتعامل وياه تعبت ومابي ماما ترد من الحج وماتلاقيها تاكل واو تشرب خايفه يصير فيها شئ
وغير جذي خواتي الي اصغر مني اعمارهم على 14 و12 مايسمعون كلامي مع ان والله كل كلمة اقولها لهم او نصيحه تصيب ماتخيب
على سبيل المثال لما اقولهم لاتقولون جذي حق ابوي راح يتنرفز يعاندون وصج يعصب عليهم اذا قلت لاختي دخلي شعرج لما نطلع الحجاب للستر وبسلوب حلو تقول وانتي شكو
الي عمرها 12 والله مرات ابجي منها تعاند تعااااااااااااااااااااااااااااااااااااااااااااااند اقولها لاتطلعين بالشارع لو احد يخطفج تقولي مالج شغل وتطلع مليييييييت ودي اسكب وخليهم يولون بس ما اقدر خواتي وامانه برقبتي عفيه ابي حل شلون اتعامل وياهم ماقدر اتحمل اغار لما اشوف خوات رفيجاتي يسمعون كلام خواتهم الكبار واحنا مالنا غير بعض :ioljnmlk:

 

[الصبر_وياك]

الصبر مفتاح الفرج

 

[حلوه و أموره]

رد : مو من حقي اتنرفز واعصب؟؟

يا بعد عمري

انا بعد جذي اخوي الصغير ..وااي دعله

تدرين شسويت ..

كودت عندي العاب و خاشتهم عندي


اقوله اذا سويت الشي الفلاني اعطيك هذا و اذا سمعت كلامي اسوي لك جذي


و كاهو واي شحلاته اسم الله عليه


اختج الصغيره سوي معاها جذي


اما الكبار ..
قعدي معاهم قعدت خوات و قولي لهم ابيكم بموضوع

و فهميهم ان انتي تبين مصلحتهم و ان اي شي تقولينه لهم ما يضرهم بالعكس ينفعهم و ان انتي تخافين عليهم و جذي و من هالحجي

و هم بعد اهم تنفع معاهم سوالف الهدايا و جذي


و ديري بالج تبينين لهم انج عصبي ..ترى راح يعاندونج ..بالعكس سوي عمرج تضايقتي و زعلي منهم ..و حقريهم اذا يبون شي...مو تحقرين وايد شوي بس

عشان يحسون بقيمتج

و ان شاء الله اكون افدتج

حياتي انتي الله يعينج و يرد امكم لكم بالسلاامه

 

[جروح خالده]

رد : مو من حقي اتنرفز واعصب؟؟

كلميها بالمسايس وشوفي الاشياء اللي يحبونها قوليلهم اللي يسوي جذي اجيبه او اعطيه هالشي

 

[برضيـكـ!!]

رد: رد : مو من حقي اتنرفز واعصب؟؟

كلميها بالمسايس وشوفي الاشياء اللي يحبونها قوليلهم اللي يسوي جذي اجيبه او اعطيه هالشي

i agree with you

 

[sweet dashttya]

رد : مو من حقي اتنرفز واعصب؟؟

انا بعد كنت نفسج حييل عصبيه جبريت لا يحوشج لووول بس الحمد الله تغيرت ما اقولج الحين كلش مو عصبيه امبلا بس اخف

حيل عن قبل لان في مواقف تصير يخليج غصبن عليج تطلعين عن طورج بس عودي نفسج من الحين اذا عصبتي بسرعة طلعي

من المكان الي انتي فيه عشان لا تقولين كلام يجرح الشخص الثاني وموفقه حبيبتي

 

[الصعيريه]

رد : مو من حقي اتنرفز واعصب؟؟

الله يعينج
صج مسئوليه
حآولي تفاهمين معاهم بهدوووووء

 

[وليدي حبي]

رد : مو من حقي اتنرفز واعصب؟؟

الللللللللللللللللللله يعينج

 

[brettey]

رد : مو من حقي اتنرفز واعصب؟؟

احنا شذابحنا غير العصبيه

 

[ToOja-_-]

ما عليه اختي صبري

هذي مسؤليه ما عليه الصبر مفتاح الفرج :d

 

[حكاية شهرزاد]

ولا لا تغارين .. وتذكري لايدخل الجنه من في قلبه ذرة حسد ...

غيرج وايد وايد مرتاح ترى وخواته يسمعون كلامه براحه .. وبعد في غيرج متغربلين غربال ومهدودين بالشارع ولا حتى الاهل قادرين عليهم ..

عصبيتج .. عالجيها باول شرط لفك الشده والتمسك ,, وهو التوكل على الله .. تذكري لو شنو تسوي مابيمشي الا اللي الله كتبه عليج وعلى اهلج ..

مسئلة تربيتج لخواتج .. وووووايد حلوة فيج هالخصله .. والله لايفرقكم . هذا فخر .. ولازم يسمعون كلامج لانج صح ..

بالذات لما تخافين على شعر اختج .. غيرتج اهني بمحلها .. لانها اجود انواع الغيرة وهي الغيرة على العرض .. الله يبارك فيك ...

شوي شوي بس على نفسج . يعني ترى شفتي شيصيدج عوار بطن .. باجر يتطور .. لا يمه مو جذيه .. وجهي بس بدون شد .. لانه الله موجود وهو الحافظ ...

وعليج بشاي البابونج والزهورات لتهدئة الاعصاب خصوصا انه تقولين من العصبية بطنج .. هذا بيكون اوكي معاج ..

 

[Tom ♥ Jerry]

.


مآ عليه حياتي صبري !
و آن شاء آلله رآح يتعدلون ! خليهم حسبه عيالج و شوفي شلون تتعآملين معآهم

يعني الصغيره الي مآ تآكل .. تعاليلها بالطيب !
قوليلها حبيبتي شنو تبين اسويلج بيض كورنفليكس بوب كورن اي شي تبين قوليلي !؟
و الآثنين الكبار رآح يفهمون !
قعدي معآهم و حآجيهم قوليلهم آمي مسافره رآيحه الحج
و انا الحين صرت مكآنهآ آنتوآ لأزم تسمعون كلآمي و انا حسبه آمكمـ
و من هالكلآم !

آلله يوفقج

 

[انا خطر]

رد : مو من حقي اتنرفز واعصب؟؟

ياليهال بهالعمر ويييييييييع

صج التعامل معاهم صعب بس انتي اخذيهم بالمحايل و المسايس و مشي امووورج

لما يرجعون الاهل و تفتكين ههههههههه

 

["اسطورة العشق"]

انتي كل عمرج 18 سنه !!
انتي بكبرج يبيلج احد يدير باله عليج شكوو فيهم مناشبتهم



والله لو انا منهم ما اسمع كلامج و انتي شكوو فيهم عندهم ام و ابو لا تدخلين و لا تحطين روحج بموقع مسؤوليه محد طلب منج

و اذا اهما خواتج و تحبينهم صج عيل كسبيهم مو تسوين روحج مسؤوله عنهم و تنفرينهم منج

 

[معزوفة عشق&]

رد : مو من حقي اتنرفز واعصب؟؟

هاذ1 وانتي باقي مادخلتي الـ 20

هذ1 حال الدنيا عاد وماعندنا الا الصبر وكل شي باجره

ونصيحه لك من مجربه خلي النرفزة والعصبيه لما بعد ال 20 ههههههههههههههههه

اسال الله ان يفرجها عليك ويسعدك

 

[DốǾốDї]

وييييه شعليج من اخوانج كيفهم خلييهم على راحتهم


انا قبل مثلج والله اعصااااب وياهم ناااامووو اكلوووو لبسووو وهوااش وصراخ

بس خلصت من الثنويه شلت ايدي عنهم مااااااالي شغل

لو اشوفهم يتذابحوون جدامي ما اروحلهم لووول والله ذاك المره خواتي جدام عيني يتطاااققوون وكبااار اعمارهم على 13 و 16 وانا سااايلنت اطالعهم واضحك شلي بعوااار الراااس ما هموني
وقبل لااازم ازفهم عشان ينامون ساعه 9 وقت المدارس والحين الله وكيلج يقعدوون بالصاله لي ساعه 11 ومرات 12 وما اتحجى بطقااااق
لين ايي ابوي ويزفهم انا ريحت عمري منهم
شلي بعوار الراس والدوخه باجر لي تزوجتي ربي عيالج وطلعي عصبيتج عليهم بعدين
وكثره الاعصاب تشيييب الراااس ويكبرر الواحد

 

[bitter-sweetness]

حبيبتي هدي
ترا لما يكبرون يكرهونج

 

[متربيه عالدلع]

رد : مو من حقي اتنرفز واعصب؟؟

يعاندون لأنج تشدين وياهم وخاصه بهالسن صعبين حيل يركبون روسهم
هدي وسايسيهم وبالكلمه الحلوا يسمعون كلامج​

 

[*ريما*]

رد : مو من حقي اتنرفز واعصب؟؟

كلمي ابوك يكلمهم
والله يهديهم

 

[الحزن عنواني]

واااي ووااي الله يعينج صج

لو انا جان اكبر طااااااااف