مو منتظمه بشكــــل مو طبيعـــي :(

[برشلونيه]

مسااااا الخير



مشكلتي انه الدوره عندي مو منتظمه كلللللش يعني :


لما اتييني على طول ارجع " عزكم الله "

وكل مره على هالحاله ودورتي تبط الجبد الحين مو منتظمه يعني تييني سبع ايام عقب تنقطع اسبوع

بعدين ترد تييني تقعد خمس ايام وتنقطع اسبوعين وهكـذا !

فـ مادري يمكن عشان قاعده امشي على ريجيم بس مو معقوله احس حدها مو منتظمه :<


ورحت حق طبيب غبي عطاني حبوب وماكو فايده

وخايفه برمضان تسوي هالحركات البايخه اقعد اقزرها كله فاطره مايصير :<

ياليت اللي عندها خبره تفيدني ​

الله يعافيكم ..!

 

[ii DareeN ii]

سوي تحليل هرمونات وروحي حق طبيب امراض نسا زين احسن لج من اي وصفه حجينا مراح يفيدج غير الطبيب المتخصص

 

[برشلونيه]

مشكووره ماقصرتي محد قالي سوي تحليل هرمونات

بس بسووي اشووف



شكراا ع المرور

 

[*دبدوووبه*]

هلا والله برشلونيه
حبيبتي يفصل تراجعين دكتوره امراض نساء و ولادة
او دكتوره متخصصه في الهرمونات

اتوقع يمكن يسوون سونار للمبايض والرحم
بعدها يطلبون منج تحليل دم
شامل للغده والهرمونات
علشان يشوفون الخربطه وين
بس على حسب علمي وخبرتي
ان تحليل الهرمونات
يكون ثاني يوم الدوره
او ثالث او رابع او خامس يوم
او 21 يوم من الدوره
الدكتور او الدكتوره بيشرحولج اكثر
والله يعافيج ان شاءالله

 

[برشلونيه]

اهاا


تسلمين ماقصرتي حبيبتي

 

[Japanese]

انا نفسج بعد .. مب منتظمه دورتي كلششش لكن عاد انا بعيد عنج :/ تنقطع عني شهر شهرين


ثلاث :/ !!!!!!!!! بعد ماجفت انه الوضع مب طبيعي رحت لدكتور نساء وولاده وسوالي تلفزيون يعني قعد

يطالع رحمي @@ بالتلفزيون وهو يحرك جهاز تحت بطني بشوي

وجاف ان عندي تكيس :/ بالمبايض >> بعيييييد عنكم كلكم وبعد يوم سويت كم تحليل طلع ان عندي

كم هرمون مرتفع .. فضبطلي الهرمونات بالحبوب ولالالالا مااشااء الله يابت فايده حبوبه

والدوره صارت منتظمه اللهم لك الحمد >> ترى هالكلام من سنه جذيه

واحين صرت اتعيييز اروح بس حمدلله احسن من قبل تيييني ماتقطع وايد

انا ماقول ان فيج كل هذا بس لازم تراجعين وتشوفين شسالفة الدوره :/

واسمحيلي عالطواله بس حبيت اقولج تجربتي ويا دورتي المب منتظمه

 

[برشلونيه]

ماقصرتي حبيبتي والله بشووف انا انشالله مو تكيس

الحمدالله ع سلامتج يامعوده

 

[++The DuchesS++]

انا نفس مشكلتج من قبل لا اتزوج
وانا الحين اخذ منظم وعندي خربطه بالهرمونات
يعني اذا ما خذيت المنظم تعتفس فوق تحت

 

[الجوري74]

انا نفس الشي