مو متزوجة عزباء ليش تدشين هالأقسام ؟؟؟؟؟؟؟؟؟؟

[رنة جرس]

السلام عليكم
















موضوع للمناقشة بنات

اذا كنتي عزباء مو متزوجة هل تدشين ركن الحياة الزوجية والنساء والولادة وغيرها ؟؟ واذا كانت الاجابة بنعم فليش تدشين هالاقسام ؟؟؟

فضول

وإلا زيادة ثقافة حق المستقبل إذا تزوجتي إن شاءالله ؟؟

وإلا في أسباب ثانية ؟؟

خلونا نتناقش

بالنسبة لي ما ادشها إلا نادرا بعض المرات من باب التطمش لا أكثر

وانتوا شرايكم ؟؟

 

[قليبي ماركه]

من باب الثقافه اقرا عن واجبات الزوجه وحقوقها وهالامور والخلافات باول سنه زواج وهالامور
...لكن مو سوووالف ولاده وحمل وحياه زوجيه .. لا مااحب ولا افكر .. لاني على يقين انها ليست المصدر الصحيح للثقافه
واحيانا افتح قسم الحياه الاسريه والامومه والتربيه والعلاقات الاجتماعيه وهالمواضيع

لكن الامور الخاصه..ماافكر

 

[ياعشيري جعلك السلال]

رد : مو متزوجة عزباء ليش تدشين هالأقسام ؟؟؟؟؟؟؟؟؟؟

عادي اشوووف شنو فيه واتطمش

 

[Ga6waah83]

رد : مو متزوجة عزباء ليش تدشين هالأقسام ؟؟؟؟؟؟؟؟؟؟

والله انا ادش اتطمش
انا مو صغيره اللي بعمري عندهم 2 و 3
ساعات اقول خل اشوف يمكن اكتسب خبره للايام اليايه اذا الله كتب لي نصيب مع اني شايله هافكره من بالي حاليا وشكلي ما راح افكر فيها بعد
وساعات ادش ابي اشوف مشاكل الناس عشان الواحد مهما شاف مشاكل غيره تهون عليه مشاكله
ومن ادش كل مره 95 % اتضايق من مشاكل البنات مع الزواج ورياييلهم وخيانه واوامر ويتحكم ومادري شنو

و 5 % ساعات يحطون مواقف حلوه وطريفه اضحك واستانس معاهم ومع قصصهم

وسلامتج

 

[Freakya]

أدشهم عشــان أتشوق حق الزواج هههههههههههههههه

بصراحة الأقسام هذي تييب المغثة !!

كلــه مشاكـل

بس في جم موضوع يضحك

لما يذكرون مواقف حلوة و جذي

 

[الحــــياة]

لا والله ما ادشهاا كلش الا اذا كان عآآم..

ويعطيـــج العافيه..

 

[$الـــحـــلاوه$]

رد : مو متزوجة عزباء ليش تدشين هالأقسام ؟؟؟؟؟؟؟؟؟؟

انا ادشهم
ثقافه وفضول وطماشه هع

 

[zqertya]

بنت الروضان صح كلامج اتضايق اكثر من اني استفيد لما قلت خلاص مابي اتزوج اعيش جذي احسن مرتاحه ومستانسه كله خيااانه ومشاااااااكل والله لاعت جبدي من شي اسمه زواج

انا ادش على مواضيع الاشياء اللي شروها وطرق ترتيب اغراضهم ومواضيع المواقف المضحكه بينهم بس مادش مواضيع الحمل والولاده ولا اشياء 2
يسلموووووووووووووووووووووووووو

 

[رنة جرس]

يعطيكم العافية بنات ردودكم تهببببل اشوه يعني مو بس انا اللي ادش وانغث انتوا بعد

 

[الأميرة جوري]

انا متزوجه بس بصراحه انصحج دشينا علي الاقل تصير عندج خلفيه بامور تكونين جاهله فيها <<انا انصحج لانى متحسفه ما كنت ادخل هالاقسام

 

[دلوعه دجــه]

متزوجه
وقلييييييييييييييييل امر على هالاقساااام
نادرا اكون موجوده فيهم
لان كل مشاكل وسوالف تعور القلب
ترا الدنيا بخير
بس الي يدخل هناك يلقى عكس هالكلام

 

[أستغفِرُ الله]

رد : مو متزوجة عزباء ليش تدشين هالأقسام ؟؟؟؟؟؟؟؟؟؟

أول ما أدخل عالمنتدى و أكون نازلة أدور لي على قسم أفرفر فيه

مرات يصدف على قسم الزوجية يكون عنوان الموضوع يشوق أو غريب و يحوشني فضول مو طبيعي إني بعرف شسالفة ههههه و أدخل

و بصراحة المواضيع اللي فيه مفيدة قليلة على حسب رايي

و موفقين يا رب يالعزابية و إن شاء الله ما تجي السنة الجاية إلا و كلنا تزوجنا قولي آمين

إدعووووا لي بنات إن الله يرزقني و إياكم الزوج الصالح

 

[شمندر]

رد : مو متزوجة عزباء ليش تدشين هالأقسام ؟؟؟؟؟؟؟؟؟؟

قليل ادخلها

لانها ما تهمني احب ادش اشياء تصلح لي
وتناسب مودي


تشكرات يا عسسسسسسسسسسسل

 

[am_kshaa]

لووووووووووووول عجبنى الموضوع
انا ادش لقااااااااااافه وطماشه وفضووول

 

[دمرت كياني]

احب هالقسم وااايد الحياة الزوجيه
عشان أتعلم اشوف شلون الحياة ماشيه أشوف شنو يحب الريل او يكره واشوف شنو غلطات السبع في الحريم :weight_lift:
وتأثر وااايد من مواضيعهم وتفاعل معهم وأشارك معاهم بعد بس قليل ويشاركون معاي في المشاكلات للي أطرحها
واهم لقافه وأهم طماشه..
وساعات العنوان يجذبني بشوف شنو في و ما في .. وساعات أبي أفضض شوي مالي غيركم أنتو بعد الله تعالى وأهلي ..

أما قسم النساء والولاده
ما قربت صوبه كلش خليني أتزوج أول :bbbiu: بعدين أفكر أدش في ...

أما الأقسام الثانيه أهم أحب أدشه :eh_s(7):

ثانكس يا عسل

 

[رايقة1980]

انا متزوجة ومادش الا قليل

فيه مواضيع ظريفة وتضحك تجذبي

 

[نوووور الشمس]

خوش موضوع
انا عن نفسي احب اقراء واكتسب معلومات جديده

 

[**fairytale**]

اهيا لقافة بس متسترة بروح الاطلاع و التثقف :d

 

[coralia]

رد : مو متزوجة عزباء ليش تدشين هالأقسام ؟؟؟؟؟؟؟؟؟؟

ادخلهم عشان استفيد من تجارب غيرى واتثقف

 

[G!RLooNa]

اي عادي ادش كل الاقسام ما خلي بخاطري شي

ادش العروس وانا لا مالجه ولا مخطوبه ولا شي :krkrkr:

ادش الحياه الزوجيه وعلى فكره اغلب البنات و رفيجاتي عرفتهم من هالقسم :hjy5jewf:

ادش نساء و ولاده xD

و عادي ادخل مو شرط بس تثقيف لاني الحمدالله اعتبر روحي مثقفه خخخخ بس يعني اقرا اشارك و اعطي رايي بعد تصدقين مو شرط مو متزوجه يعني ماعرف احكم الامور بالعكس وووو بعد وايد اكو مواضيع المواقف و جذي مواضيع فرفوشه تونس :tek:...