مو كافي تعب الولادة يعني ؟ شسوي بولدي ابو الاربع ايام

[عروسة داجه]

السلام بنات. والله كنت اعتقد ان راحتي بتكون اول ما اولد بالسلامة و ارتاح من ثقل الحمل و هم الولادة. بس اكتشفت اني كنت عايشة وهم كبير. و ان فترة النفاس اللي عبالي انها فترة دلع. طلعت اقسي و امر فترة مع ان ما صارلي فيها وقت طويل. المهم انا مشكلتي ان هذا اول مولود لي. و احس بالذنب و ان الولد بيروح مني بشرعة بسبب انه ممكن يشرق و يغص بالحليب او انه بيطيح. عموما مشككلتي حاليا ان الولد ما يشرب الحليب الا بعد 6 او 7 ساعات. يعني وقت طويل حيل. مع ان الللي اعرفه ان المواليد يشربون كل ساعتين او ثلاث. ابي استفيد من تجاربكم تكفوووووووون حابه استفيد. علموني هل ولدي طبيعي والا لا

 

[كويتيه مذهله 87]

الحمدالله علي سلامتج ومبروك مابتي

حبيبتي الحمل تعب والتربيه متعبه شلون عيل الجنه تحت أقدام الامهات كل ماكبر البيبي المسئوليه تكبر
هذي تربيه مو لعب

وولدج بعده عنونه انتي شربيه وعوديه كل ساعتين يشربها ويمكن تعطينه اكثر من رقم ويشبع
البيبي بعمر ولدج يشرب رقمين بس


واذا يشرب كل 7 ساعات وديه الطبيب يشوووف ليش جذي

 

[jawaa]

ودي الطبيب حبي يعلمج شتسوين وشلون تشربينه مع الكميه لاتحطين فبالج بترتاحين كل ماكبر كبر التعب والمحاتاة والمسؤوليه

 

[*ماي الورد*]

صادف واحد من عيالي جذيه
بغيت اموت
وديته الطبيب يقول ما نقدر نسويله شي يعني شهية الاطفال تختلف من واحد لي الثاني
كل ما كبر تتحسن شهيته

 

[صلو على رسول الله]

الله يحفظه و يخليه لك

هل ترضعينه طبيعي ؟ اللي اعرفة ان بسرعة ينهضم

لكن اذا صناعي ممكن يسوي امساك و نفخه في بطنه و لهالسبب ما يقدر يشرب

و اكيد احسن شيء تسالين الطبيب

 

[Daleela]

يمكن يشرب كميه كبيره وشبع بس لا ما اعتقد عمره صغير المفروض كل شوي يشرب خصوصا ان فكه يعوره لمن يمص الحليب

واي فديت اليهال والله

 

[um_yoyo]

من كلامج باديه فيج كأبة النفاس عادي فتره و تعدي ( بس صج النفاس ملييييييييييييييييييق)

انا بنتي كانت جذي و مازاد وزنها باول مراجعه دكتور قالي قعديها و شربيها يعني انت قومي كل 4 ساعات و شربيه لعبي باذنه فتحيه من المهاد بدلي حفاظته لما يصح صح شوي و يشرب ترى مسكين على باله لما الحين في بطنج


و الله يخليه لج

 

[NODA 2]

وييييييييييييييييييييييه يامالج مثل ماقالو البنات انتي قعديه كل 4 ساعات لا تودينه طبيب ولا شي ويتربي بعزج

 

[miss mama]

حبيبتي انا نفسح توني والده من أسبوعين و ولدي ما يشرب حليبه انا أقوم كل ساعتين اعطيه حليبه ويشرب من الرضاعة رقم واحد ومايكمل. عموما اهم جذي اول ماينولدون ومع الوقت يتحسنووون لا تفكرين افكار سلبيه انتي بنفاس لازم أتراعين نفسيتج تحملي ترا البيبي بسرعه يكبر وخلال سنه تشوفينه يركض ويتكلم ونومه متعدل. هانت حبيبتي الله يصبرج ويصبرني ههههههههههه

 

[AVE.NJ]

حبيبيتي لا تحاتين راح يشرب شوي شوي
والله يعينج
بس عوديه على صدرج بس انه مااسوي كل ساعتين انه مثل امهات قبل كل ما بجى طلعت صدري لين تعود عليه اصلا اول الايام صدرج يعورج لا تخلينه كثرت عدد المرات يخف العوار
وادعي دايما الله يصبرج والله يصلح الياهل ويهديه

 

[MissChoco]

الحمدالله عالسلامه

حبيبتي لا توسوسين عاااااادي!! انا بنوتي عمرها الحين 5 شهور,, وكانت اخس من ولدج مرات 12 ساعه ماتشرب امي تقولي قرصيها خليها تقوم وانا لا قرصتها ولا سويت لها شي لانها طبيعيه سمالله عليها مافيها شي اذا تبي حليب بجت ونعطيها الحليب تشربه وتسكت يعني ليش الوسواس!!
وكانت بنتي تشرب رقم ورقم ونص بس وطلعت من النفاس والله وكيلج كل اليهال يشربون 4 ارقام وانا بنتي الرقمين ماتكمله وللامانه مرات تكلمه والحين عمرها 5 شهر مفروض 6 ارقام واكثر واهيا الحين تشب 4 ارقام تخيلي!!
يعني شي عاااادي اذا ماتبي حليب
اي ونسيت اقولج الحين بنتي كبرت مفروض كل ساعتين او ثلاث ساعات تبي حليب بس اهيا اتم 4 5 ساعات ماتبي حليب واسويلها ولا تشرب, ومرات ماتشرب 4 ارقام لا,, تشربلها رقمين رقم ونص
يعني هالشي عاااااااااادي لا تخافين ياما بتمر عليج ايام حتن الرقم مايكمله عاادي

 

[engnera]

عطيه وقعديه حتى لو رقم كل ساعتين

 

[عذوق]

عااادي انتي علا ما تعودينه

عطيه جرعات حليب صغيره باوقات متقاربه احسن من جرعه كبيره مره وحده

واهممم شي عشان لا تعانين معاناتي

لا تشييلييينه واااجد خليه بسريره دااايم

حتا اذا تبين ترضعينه ارفعي راسه بمخده صغيره ورضعيه وهو بمكانه

انا ولدي زهقققني ماكنت اعرف اول ما يبكي اشيله

والله يعينج هذي كابه النفاااس عادي نفسي كنت كله افكر ان ولدي بيغص ولا يشرق اسم الله عليه

وكنت افكر افكار واقعد ابكي

شوي شوي بتحسن نفسيتج بس اهم شي لا تقعدين بروحج

 

[*الغاليه*]

الحممممد لله على سلااامتج

وشي طبيعي اللي تمررين فيه من تعب نفسي بالنفاااس

داايم شغلي البقرره واستغفرري علشاان ترتااح نفسيتج

واذا على ولدج حالته طبيييعيه جداا واايد مروا على جذي مواليد ماايشرربون الحليب ولاااا يجووعون

انتي عليج كل ساعتين تعطينه رقم او نص رقم لين تتعود عضلات الفك عنده ع الرضاعه

وحااولي تخلين رضاعته طبيعيه لانها افضل من الصناعي

وربي يخليه لج وتشووفينه معرررس


​

 

[غلا-زوجي]

خليه على صدرج لاتشيلينة

 

[الباسمه]

الله يسهل أموووووورج
لي عوده للموضوع عشان أرد بالتفصيل الممل ههههه​

 

[Mednight Rain]

الحمدلله ع سلامتج
انا نفسج بجر ومريت بهالتجربة الم الولاده وكآبه النفاس وبيبي صغير ماعرف اتعامل معاه بس شوية شوية بتعرفين له
واقري سورة البقرة ولاتنسين المعوذات
والبيبي حاولي تفتحين مهاده وتقرصين اذونه وتبدلين البامبرز له بيصحصح بس حد اقصي 4ساعات ولازم تشربينه وخلي الحليبه دافية وتاكدي من الحلمة مالت الممية

 

[om MaRyooM]

اتوقع طبيعته جذي . .شهيته قليلة

بس الافضل بما انه توه نيوبوووورن وديه الطبيب لمجرد الاطمئنان



ومحد قال ان التربية حلوة ومريحة لووول .. اللي يقول جذي يجذب والجذب خيييبة

بس انشالله فترة وتعدي .. وتاخذين اجر كبير فيها

 

[أنا الثريا]

الله يعينج والله حاسه فيج>>>صار لها 5شهور والده
النفاس فترة صعبة بالذات للبجرية مثلنا...أحس انصدمت..والخوف شوي شوي يروح عنج انا كنت مرعوبة وافز من النوم اهز بنتي اتاكد اذا فيها شي ولا راح نفسها...اعوذ بالله وسواس..عليج بالقران ماكان يفارق لساني والصلاة على محمد وال محمد(ص)

بالنسبة حق الرضاعة كانت بنتي كل جم يوم تاخذلها يوم ماتشرب تنام خمس ساعات واحسها مواكتف يعني خامله
وديتها دكتور خاص..قال لي البيبي الطبيعي ينام 23 ساعة ويصحى ساعة وحده بس!!وهذا شي حلو معناته ولدج ان شاء الله سليم ,,بس زيادة بالاطمئنان روحي الطبيب

 

[q8 knosha]

لاحبيبتي اللي اعرفه ان كل ساعتيين
واذا مر اكثر من ساعتيين يبجي!
وديه الطبيب شوفي ليش مايشرب