السلام عليكم
بنات انا متزوجه بيصيرلي سنتين وعندي بنت وحامل مشكلتي اني ما اقدر اكمل حياتي مع ريلي لانه مخلي حياتي سوده بمعنا الكلمه
انا انسانه ولله الحمد خلوقه ولا ااذي احد وخجوله وجامعيه ريلي كان يحبني متزوجين عن حب بس كله وهم طلع
ريلي من عمر عنده علاقات ببنات بالعايله وبره العايله ويقول هذا كله قبل الزواج ومن نويت اتزوجج قطعت كل شي
ريلي يابنات مايصلي كلش لا جدامي ولا من وراي بتقولين شدراج عقب الجماع مايغتسل ويطلع وتفوته كا الصلوات ولي رد يغتسل هم ويصلي الي فاته ولا اي صلاه بس قاعد على تلفونه وان سالته صليت يقولي اي
للاسف ريلي جذاب وفوق هذا يكلم ويواعد البنات ليلحين ولما اساله يقولي ماعندي شي وانا جاكته وادري بسوالفه وان حاجيته بهالشي يقول انتي نكديه انتي النكد كله
ريلي لسانه وصخ وياي حيل وعصبي ومايحشمني يسبني باقذر السبات وكله يتوعد فيني وانا ما ارد عليه والله يكسرني بكلامه وان رديت عليه قلت الله يسامحك وساعات يمد ايده والله كل مره اقول هذي اخر مره ولا بكمل وياه لكن ننام ونقعد الصبح وانسى الي صار واكمل يومي ويرد النكد والسب والاهانه وان راددته يمد ايده يبتله طاري الطلاق من قبل مارضى قال انا شلون باجر بمر اشوف بنتي جم ساعه واروح هذي حالتي انتي ماتفكرين ماعندج قلب وراضيني بجم كلمه تعوذت من ابليس وقلت ان شاء الله يصير احسن ، انا مستحيل اخلي بنتي والي ببطني بحضانته عيالي ابيهم اهوا ريال يتزوج واييب غيرهم انا ان تطلقت ابي عيالي ومابي اتزوج بربيهم ونشوف حياتنا الريال صار نكد الحين، واهوا كله على لسانه انه يبي يتزوج ثانيه لاني انا منكده عليه والله يابنات اني ما نكدت عليه لاني مطوله لساني ولا اتطلب حتى ساعات اشتهي شي بسيط اقوله ابي برد يقولي اوكي ويطنشني اقعد اسبوع احن ولا اييبلي هذا ابسط شي وكله شايف روحه مو مقصر والله البيت يصفر لا اكل ولا شي عايشين من خير اهله ساكنين وياهم اكلنا وشربنا ، وان قلت بخاطري شي يخليه يطلع من خاطري غصب يكرهني فيه وكل مايسال تبين شي قمت اقول سلامتك لانه ان قلت ولا ماقلت نفس الشي ماراح يصير ، مره قال لي اذا بخاطرج تطلعين مكان او شي قوليلي لا تسكتين وعقب هالحجي بجم يوم قلت له ودي نطلع قال اوكي طبعا اوكي بس عشان يسكتني وان قلت له ها البس يطلع الف عذر وانه اهوا كان بيوديني بس ماصارت ومو ذنبه، انا وياه مانطلع ويا بعض ولا يدري عني وان بغيت اطلع ويا امي لازم اطلب منه ويرضى والله اطر منه طراره ، ذيج المره قايلي بنروح الجمعيه ويا بعض العصر وصار العصر قلت له بتروح قال لا قلت خلاص بروح ويا بنتي عيل جان يقول لا والله بكيفج ماتعرفين تستاذنين مني تشوفيني ارضى ولا لا قلت له كاني قاعده اقولك مالبست وطلعت يقول عيل ماكو روحه. مايهمه هالشي لانه من يقعد لين ينام بره البيت ولا يدري اكلنا ولا شربنا، كل شي عنده لازم يطلع من عيني حتى الجمعيه اقعد اسبوع احن وان قلت له انت روح كله ماله خلق طبعا غير المناسبات مفشلني ويا اهلي واهله، مايرد على احد حتى امه تزعل عليه عادي اهم شي الي براسه يسويه ويحب يعاند
وان تناجرنا يقول انتي من زين ويهج ماينطل فيه كله منفسه ( يسبني ويطيح حظي ويبيني اضحك وابتسم)
يقول انتي ان بغيت اطلع وياج وتذكرتج انغمت اروح اطلع بروحي اطق فره بللفريج ولا اطلع وياج
والله نفس الشعور يابنات انا ماحب اطلع وياه ولا ابي اطلع وياه الطلعه وياه نكد بنكد ان طلعت وياه جني مغصوبه اتصنع اني مستانسه وياه لانه انسان يحب يتمنن علي ويحب يطلع روحه انه ماقصر شي وانه انا الي خربت كل شي انا الي اييب المشاكل ، مكياج ما احط وبدلاتي كلهم وساع واغلب لبسي عبايه وحاشمه روحي محترمه ولله الحمد والي يبيه اسويه والي مايعجبه ما اسويه ماقصرت بشي
بنات كله يطلعني بالشينه كرهت نفسي بسبته والله كل يوم اقول ماعليه بصير احسن منه وما اقصر وياه لا بحجي حلو ولا بلبس لكن ينكر كل شي
انا كرهته ماقام يهمني مع ساعات يكسر خاطري لانه انسان ضعيف من الداخل بس كسرني كسره قهر مابيه والله اني متحمله عشان اهله مو مقصرين وياي اهله عسل ومامي اخسرهم وعارفيني عدل يدرون انه التقصير مني من سبت ريلي وطبعه عاذريني ، لي تطلقت شلون بخلي عيالي يتواصلون وياهم وانا مابي احتك فيه عقب الطلاق لاني حساسه حيل ان تطلقت مابي اسمع عنه شي
اهلي ماراح يعارضون طلاقي لكن امي ادري فيها يتحاول تعدل بيننا بس تعبت كله يقولي بفتح صفحه يديده وما اشوف شي اي اهون اني اكمل وياه وعندي عيال وانهان جدامهم وامهم مالها كلمه ومكسوره وابو عصبي مايحب يطلع ويا امهم ولا اني اتطلق واعيش عيالي احسن عيشه بدال التعقد شلون بيعيشون عدل اذا هذا وضع امهم، بتقولون خلي احد من اهلج ولا اهله يتدخلون جربت هالشي وماكو فايده مايرد على احد انسان مايعرف الحيا
شلون ابطل الموضوع ومتى انسب وقت انا باقيلي شهرين واولد انطر؟ انا مو قادره اتحمل والله
بنات انا متزوجه بيصيرلي سنتين وعندي بنت وحامل مشكلتي اني ما اقدر اكمل حياتي مع ريلي لانه مخلي حياتي سوده بمعنا الكلمه
انا انسانه ولله الحمد خلوقه ولا ااذي احد وخجوله وجامعيه ريلي كان يحبني متزوجين عن حب بس كله وهم طلع
ريلي من عمر عنده علاقات ببنات بالعايله وبره العايله ويقول هذا كله قبل الزواج ومن نويت اتزوجج قطعت كل شي
ريلي يابنات مايصلي كلش لا جدامي ولا من وراي بتقولين شدراج عقب الجماع مايغتسل ويطلع وتفوته كا الصلوات ولي رد يغتسل هم ويصلي الي فاته ولا اي صلاه بس قاعد على تلفونه وان سالته صليت يقولي اي
للاسف ريلي جذاب وفوق هذا يكلم ويواعد البنات ليلحين ولما اساله يقولي ماعندي شي وانا جاكته وادري بسوالفه وان حاجيته بهالشي يقول انتي نكديه انتي النكد كله
ريلي لسانه وصخ وياي حيل وعصبي ومايحشمني يسبني باقذر السبات وكله يتوعد فيني وانا ما ارد عليه والله يكسرني بكلامه وان رديت عليه قلت الله يسامحك وساعات يمد ايده والله كل مره اقول هذي اخر مره ولا بكمل وياه لكن ننام ونقعد الصبح وانسى الي صار واكمل يومي ويرد النكد والسب والاهانه وان راددته يمد ايده يبتله طاري الطلاق من قبل مارضى قال انا شلون باجر بمر اشوف بنتي جم ساعه واروح هذي حالتي انتي ماتفكرين ماعندج قلب وراضيني بجم كلمه تعوذت من ابليس وقلت ان شاء الله يصير احسن ، انا مستحيل اخلي بنتي والي ببطني بحضانته عيالي ابيهم اهوا ريال يتزوج واييب غيرهم انا ان تطلقت ابي عيالي ومابي اتزوج بربيهم ونشوف حياتنا الريال صار نكد الحين، واهوا كله على لسانه انه يبي يتزوج ثانيه لاني انا منكده عليه والله يابنات اني ما نكدت عليه لاني مطوله لساني ولا اتطلب حتى ساعات اشتهي شي بسيط اقوله ابي برد يقولي اوكي ويطنشني اقعد اسبوع احن ولا اييبلي هذا ابسط شي وكله شايف روحه مو مقصر والله البيت يصفر لا اكل ولا شي عايشين من خير اهله ساكنين وياهم اكلنا وشربنا ، وان قلت بخاطري شي يخليه يطلع من خاطري غصب يكرهني فيه وكل مايسال تبين شي قمت اقول سلامتك لانه ان قلت ولا ماقلت نفس الشي ماراح يصير ، مره قال لي اذا بخاطرج تطلعين مكان او شي قوليلي لا تسكتين وعقب هالحجي بجم يوم قلت له ودي نطلع قال اوكي طبعا اوكي بس عشان يسكتني وان قلت له ها البس يطلع الف عذر وانه اهوا كان بيوديني بس ماصارت ومو ذنبه، انا وياه مانطلع ويا بعض ولا يدري عني وان بغيت اطلع ويا امي لازم اطلب منه ويرضى والله اطر منه طراره ، ذيج المره قايلي بنروح الجمعيه ويا بعض العصر وصار العصر قلت له بتروح قال لا قلت خلاص بروح ويا بنتي عيل جان يقول لا والله بكيفج ماتعرفين تستاذنين مني تشوفيني ارضى ولا لا قلت له كاني قاعده اقولك مالبست وطلعت يقول عيل ماكو روحه. مايهمه هالشي لانه من يقعد لين ينام بره البيت ولا يدري اكلنا ولا شربنا، كل شي عنده لازم يطلع من عيني حتى الجمعيه اقعد اسبوع احن وان قلت له انت روح كله ماله خلق طبعا غير المناسبات مفشلني ويا اهلي واهله، مايرد على احد حتى امه تزعل عليه عادي اهم شي الي براسه يسويه ويحب يعاند
وان تناجرنا يقول انتي من زين ويهج ماينطل فيه كله منفسه ( يسبني ويطيح حظي ويبيني اضحك وابتسم)
يقول انتي ان بغيت اطلع وياج وتذكرتج انغمت اروح اطلع بروحي اطق فره بللفريج ولا اطلع وياج
والله نفس الشعور يابنات انا ماحب اطلع وياه ولا ابي اطلع وياه الطلعه وياه نكد بنكد ان طلعت وياه جني مغصوبه اتصنع اني مستانسه وياه لانه انسان يحب يتمنن علي ويحب يطلع روحه انه ماقصر شي وانه انا الي خربت كل شي انا الي اييب المشاكل ، مكياج ما احط وبدلاتي كلهم وساع واغلب لبسي عبايه وحاشمه روحي محترمه ولله الحمد والي يبيه اسويه والي مايعجبه ما اسويه ماقصرت بشي
بنات كله يطلعني بالشينه كرهت نفسي بسبته والله كل يوم اقول ماعليه بصير احسن منه وما اقصر وياه لا بحجي حلو ولا بلبس لكن ينكر كل شي
انا كرهته ماقام يهمني مع ساعات يكسر خاطري لانه انسان ضعيف من الداخل بس كسرني كسره قهر مابيه والله اني متحمله عشان اهله مو مقصرين وياي اهله عسل ومامي اخسرهم وعارفيني عدل يدرون انه التقصير مني من سبت ريلي وطبعه عاذريني ، لي تطلقت شلون بخلي عيالي يتواصلون وياهم وانا مابي احتك فيه عقب الطلاق لاني حساسه حيل ان تطلقت مابي اسمع عنه شي
اهلي ماراح يعارضون طلاقي لكن امي ادري فيها يتحاول تعدل بيننا بس تعبت كله يقولي بفتح صفحه يديده وما اشوف شي اي اهون اني اكمل وياه وعندي عيال وانهان جدامهم وامهم مالها كلمه ومكسوره وابو عصبي مايحب يطلع ويا امهم ولا اني اتطلق واعيش عيالي احسن عيشه بدال التعقد شلون بيعيشون عدل اذا هذا وضع امهم، بتقولون خلي احد من اهلج ولا اهله يتدخلون جربت هالشي وماكو فايده مايرد على احد انسان مايعرف الحيا
شلون ابطل الموضوع ومتى انسب وقت انا باقيلي شهرين واولد انطر؟ انا مو قادره اتحمل والله
التعديل الأخير:
