مو قادرة اصدقه ارجوكم ساعدوني !!!

[Ice Cube]

السلام عليكم :eh_s(17)::eh_s(17)::eh_s(17):


طبعا هذي اول مشاركة لي واتمنى انكم تقبلوني ضيفة خفيفة عليكم


بدش بالموضوع على طول ، انا تزوجت صار لي سبع شهور وسافرت شهر عسل اسبوعين . صار لي تقريبا شهرين اقول حق ريلي اشرايك انسافر بالصيف انغير جو انشم هوا ماقالي لاء كله ان شاء الله و ان شاء الله


وكل يوم اسأله متى نحجز والاسعار راح اتطير وماكو غير كلمة ان شاء الله ، قبل جم يوم حطيته امام الامر الواقع فتحت على سايت الحجز وقلت يالله نحجز جان يقولي بشوف الاجازة يمكن مايصير !! عاد ثاني يوم رجع من الدوام وقالي مايصير اجازة وللعلم الاجازة بس 10 ايام !!! وانا ماعندي مانع اي وقت اقدر اسافر 5 او 6 او 7

بنات انا زوجي يشتغل في شركة خاصة ومنصبه قوي ومعاشه قوي لو على قد حاله والله اعذره بس ادري ان عنده خير بس مادري ليش يتهرب وموواضح معاي كلش !!!!

اهوا من شهر 11 ماخذه اجازة ولا يوم ، يعني مو معقوله مو راضين يعطونه هالجم يوم !!! بنات ساعدوني شسوي لاني ماني عارفة هل اهوا بخيل ؟ او مايحب يسافر ؟؟؟ لان مو واضح معاي وانا ماني قادرة اصدق انه مايقدر ياخذ


بانتظار ردودكم :eh_s(7):

 

[ام فواازي]

توج عروس مالج الا سبع شهور ومسافره معاه اسبوعين لا تصيرين طماعه والبخل يبين بالمصرف مو سف غيرج متزوجه لها سنين ماسافرت الا مره ولا ثنتين وزوجها كريم لابعد حد بس مايحب السفر غير ان السفر مصرفه مو هين

 

[رق رق]

صح يمكن عنده اجازه بس لازم قبل ما ياخذ اجازه يصير تنسيق بين الموظفين ، يمكن زميله راح ياخذ . عشان جذي قالج مااقدر

 

[طموح دائم]

تو الناس حبيبتي لا تتسرعين ماتدرين يمكن ماله خاطر او مرتبط بشغله والحمدالله توج راده ومستانسه لاتحنين واجد

 

[قلب طفـــله]

شوي شوي ع الريال يمكن مايبي يسفرج مو غصب بعض الريياييل جذي مايحب يسفر مرته ولايطلعها استهدي بالله غيرج مايسافر ولاحتى يطلع =) موفقه

 

[انثى عاشقة]

انا متزوجة من 3 سنوات لاسافرت شهر عسسل ولا بصل
وزوجي معاشه قوي
الظروف ما ضبطت معانا
لا بإجازة ولا غيره
عادي اختي مافيها شي
انتي احمدي ربك استانستي وطلعتي معاه شهر عسل
اجلي السفرة يمكن تجي بتوقيت احلى
لو ضغطتي عليه كثير
وزعلتي بسبة السفر
يمكن يكرهه ويهون ما يبي يسافر حتى لو عنده اجازة
الريال يكره الحنة الزايدة ..
​

 

[لمى الهاجري]

خليها على الله يالله اهم شي تزوجتي وسافرتي وعقبال البكارة

 

[حلاه الكون]

اشفيج حبيبتي عالريال
انتي توج متزوجه
وحمدي ربج علا الاقل سافرتي ماتقولين ماسافرتي
وشوي شوي علا ريلج
لايطفش منج

 

[غلآ نوآف]

اكو وايد متزوجات عرايس وحتى شهر عسل ماراحوا بسبب ظروف الدراسة او العمل او الحياة بشكل عام
عادي اختي لاتكبري المووضوع ولاتقلبيها زعل بعدين يصير يكره يسافر لانه يذكره بزعلج
مو غصب يمكن مايبي ماله خلق يسافر مو وقته عنده اشغال ضرورية اوليات ثانية
كل شي بوقته حلو
انتظري الصيف يجي يمكن يغير رايه

 

[مناير ...!]

عيب اصلن تحنين من شهرين وانتي مالج 7 شهور عروس

 

[بنتي شبيهتي]

البنات ماقصرو بالردود وبصراحه صج شنو توج متزوجه وراده من شهر عسل اشخليتي حق اللي مومسافرين حلاته الريال اهو اللي يفاجئج من غير حنه وبعدين حرام تحكمين ع الريال بخيل ولا موبخيل من السفر يعني اذا سفرج طيب واذا ماسفرج بخيل والله شي غريب بصراحه تحكمين عليه من السفر ماتحكمين من اشياء ثانيه

 

[Patcholli]

مع احترامي لج حياتي ومابيج تفهميني غلط بس توج راده نطري شوي لاتحسسينه انج مو شبعانه فبيت اهلج او مو شايفه خير .. ترى الريال يحس ومايحب الوحده الاستغلاليه والي تتطلب بشكل مبالغ ..
يمكن اهو حاس انج مستغله منصبه وفلوسه والحاحج على السفر ظايقه .. نطري شوي توج راده

 

[مذهلة 78]

السلام عليكم :eh_s(17)::eh_s(17)::eh_s(17):


طبعا هذي اول مشاركة لي واتمنى انكم تقبلوني ضيفة خفيفة عليكم


بدش بالموضوع على طول ، انا تزوجت صار لي سبع شهور وسافرت شهر عسل اسبوعين . صار لي تقريبا شهرين اقول حق ريلي اشرايك انسافر بالصيف انغير جو انشم هوا ماقالي لاء كله ان شاء الله و ان شاء الله


وكل يوم اسأله متى نحجز والاسعار راح اتطير وماكو غير كلمة ان شاء الله ، قبل جم يوم حطيته امام الامر الواقع فتحت على سايت الحجز وقلت يالله نحجز جان يقولي بشوف الاجازة يمكن مايصير !! عاد ثاني يوم رجع من الدوام وقالي مايصير اجازة وللعلم الاجازة بس 10 ايام !!! وانا ماعندي مانع اي وقت اقدر اسافر 5 او 6 او 7

بنات انا زوجي يشتغل في شركة خاصة ومنصبه قوي ومعاشه قوي لو على قد حاله والله اعذره بس ادري ان عنده خير بس مادري ليش يتهرب وموواضح معاي كلش !!!!

اهوا من شهر 11 ماخذه اجازة ولا يوم ، يعني مو معقوله مو راضين يعطونه هالجم يوم !!! بنات ساعدوني شسوي لاني ماني عارفة هل اهوا بخيل ؟ او مايحب يسافر ؟؟؟ لان مو واضح معاي وانا ماني قادرة اصدق انه مايقدر ياخذ


بانتظار ردودكم :eh_s(7):

شوفي حبيبتي انا يمكن ردي بكون قاسي معاج ويمكن ما يعجبج

بس انتي تبين راينا

لو شي لازم تنتبهين حق الكلام اللي حاطه تحته خط مبين عليج

انج حنانه من شهرين ولمده كل يوم تقولين له بسافر ترى

الريال ما يحب الحنه الزايده ويمكن يعاقبج بسبب حنتج ويقولج

ما يقدر ياخذ اجازه لان ما يبي يعصب عليج وانتوا توكم

معاريس ترى اسلوب الحنه ينرفز انا وحده من الناس اذا احد

حن علي اسوي العكس على طول فما بالج ريلج وبعدين ما

يصير تحطينه تحت الامر الواقع وتبطلين موقع الحجز ترى انتي

بتصرفاتج قاعده تبينين له انج تبين كل شي غصب وهالشي

غلط

وبعدين صار مو واضح وجذاب ليش قالج ما يقدر ياخذ اجازه !!!

للعلم انا موظفه عاديه بوزاره حكوميه لا منصب ولا شي وابي

آخذ اجازه برمضان وعندي رصيد مسؤولتي مو راضيه تقولي

الكل طالع اجازه ما يصير تاخذين حبيبتي تركي عنج الحنه


ترى الحنه اطفش الريال

 

[شنوووفه]

حنتج بطير الريال من ايييدج

 

[رق رق]

هاااي شنوفه وينج مختفيه

 

[aloooya]

عادي حبيبتي يمكن صج ما يقدر

 

[خوووخه w]

بنات شفيكم شوي شوي على البنت في ناس تحب السفر عادي موجذي تنصحون استغفرالله

حبيبتي اهو دام قالج ان شاءالله خلاص لاتردين وتقوليله انتي اذا ودج تسافرين وتبينه يروح معاج بدون لاتحنين ذكريه بايام عسلكم قبل واذا انتي موحامل قوليله قبل لا احمل وتكثر المسؤليات خلنا نستانس تعاليله باسلوب بدون لاتردين الحجي كذا مره


انا كل مااسافر مع زوجي اشتري عطر خاص لسفر دايم اخذه كل مااسافر عاد امس حطيت منه زوجي يقول ذكرتيني بسفر ودي نسافر هو بروحه بطل الموضوع شفتي خلج جذي

 

[om MaRyooM]

يمكن ماديا مايقدر بس مايبي يحرجج او يحرج نفسه


انسب حل انج تخلين هالموضوع عليه ولاتيبين طاري السفر جم يوم ..شوفيه شنو يسوي

واذا مافتح موضوع قوليله وصارحيه عن السبب وقوليله اتمنى تكون واظح معاي بكل شي مو بس هالموضوع


ونصيحة جانبية حبيبتي
اذا تبين زوجج يقولج كل شي لاتحنين عليه خلج مستمعة اكثر وبتلاقينه واضح معاج اكثر واكثر

والله يهنييييكم

 

[*آسوومه*]

حبي البخل يبين فالمصرف
و يمكن صج ما يقدر
انتي لا تفتحين الموضوع مره 2
يمكن صج عنده اسبابه
و مرد الايام بتبين لج :*

الله يوفقج يا عروسه

 

[ريماس77]

توج مسافره صبري عليه شويه خل يظبط اموره يمكن ربعه طالعين شي قولي الحمدالله