مو قادرة اتأقلم على الوضع

[yassoo]

السلام عليكم يابنات


انا الحين بيصيرلي 10 ايام باستراليا وتحديدا بيرث
كل شي حلو الجو والمكان وكل شي وريلي حرام مو مقصر احسه يبي يسوي اي شي عشان لا يخليني احس اني متضايقة
بس مادري اشلون احس اني ماراح اقدر اكمل
اهو تعود على الغربة بس انا صعبة قالي برمضان نرد الكويت واذا ابي اقعد عادي لين يخلص بشهر 6 2009
اشتقت حق امي وايد مو شوية
ومابي ابين له اني متضايقة
شسوي ؟؟؟

 

[..ليالي..]

الله يردج بالسلامه اختي

وانا انصحج انج تشغلين نفسج عن التفكير بالاذكار والقرآن
وبعد حاولي تنشغلين بعد بشغل البيت وصيري له سند بغربته
وحاولي تلهين بأي شي
واحنا معاج اختي لا تخافين
ربي يسهل امورج
وترجعين بالسلامه

 

[miss_cuti]

قوه حبيبتي اشلونج

انا من رايي انج اتشيلين من بالج انج متضايقه حاولي تشغلين نفسج بأي شي دخلي نادي سوي اي شي طلعي مع ريلج
و لا اتحسسينه بشي حرام اذا اهو مو امقصر معاج مي خالف عشان راحت ريلج انسي و خلي الوضع عادي
ووناسه و ان شالله بأقرب وقت اتلاقيين نفسج طابه عندنا
يالله اشعلييج جو حلو غيري من الغبار متنه بس الله حمد لله ضحكي و استانسي و انسي الضيقه
و ربي حافظج

 

[0(مـــســـ(مطير)ــــــك)0]

اذا تقدرين تكملين دراستج معاه ليش لا ؟؟ عالافل تلهين بكتب ودراسه وماتلقين وقت فراغ يحسسج بالغربه

او ادخلي دورات انجليزي او اي شي طوري نفسج ولهي نفسج بنفس الوقت

ورمضان مابقى عليه شي .. وتخيلي انج رايحه سياحه شهر استراليا بتستانسين ..

وموفقه ان شاءالله

 

[كلي مشاعر هايمه]

أول شهر راح تتضايقين وتتعبين .. وبعدها عــــــادي دامج مع ريلج

وراح تتعودين عالووووضع حبيبتي ..

آنا بعد اعد الايام ودي ارد الحين قبل باجر .. بس موبيدي

ومن الملل والتفكير الوقت والايام ماتمشي والله ..

انا كل يووووم احسب شكثر بقالي بفرنسا .. بس جذي الايام ماتمررر واتعب زياده

يعني مابقى شي على رمضان ان شاءالله .. بس شهر

آنا لما يضيق خلقي اقعد بحديقة ولا عالبحر اضيع وقتي شوي ...

والله يسهل ان شاءالله ..

*_*

 

[DALLY]

دام ريلج وياج لاتتضايقين شالداعي وجوده كافي وهذي الغربه ودام معاه وعشان شغله استحملي وبتهون ان شاء الله

ووحشة الديره والاهل لابد منها بس حسسي نفسج انج مسافره سياحه تغيير ولاتحطين ف بالج انج متضايقه وتبين ترجعين

الله يردكم بالسلامه

 

[~Unreachable]

ماعليه حبيبتي .. تحملي هالشهر عشان ريلج

دام مو مقصر معاج حرام لاتبينين له انج متضايقه !

اعتبريها سياحه شهر .. سويلكم جدول للطلعات

كل يوم روحوا مكان وبجذي يمر الوقت اسرع ..

لاتقعدين فاضيه عشان ماتفكرين و يضيق خلقج :*

وان شالله الايام تمر بسرعه و تردون الكويت :d

 

[keeka]

شي طبيعي حبوبه تحسين بهالوضع بالبدايه اكيد صعب ماقولج سهل خصوصا للي متعلق باهله بس بعدين شوي شوي تتعودين حاولي تشغلين نفسج كورس انجليزي تنسيق زهور ديكور مكياج اي شي بس المهم شغلي نفسج عشان ما تحسين بالملل وان شاء الله تقضي الايام

 

[ام سعود ديكسون]

فديتج لا تضايقين وانا اختج هذا شعور طبيعي انا رفيجتي مو كويتية مواليد الكويت والله تقولي صعبة باترك هالبلد وبهاجرانتي مني نفسج بانها غربة مؤقتة مو دايمة وحطي شغلات بشقتج تذكرج بالديرة خل امج تدزلج بهارات وخلافه وهاللله هاللله بهالبخور الزين بالشقة سوي جو كويتي بالبيت خلج اوكي مع ريلج ترا لي رديتي الكويت بتقولين فترة الغربة كان شزينه وكنا قراب جنه احنا ربع استغلي هالفرصة وبعدين حطي قران بالشقة تخف ضيجتج حطي مارينا اف ام بالنت سمعي اخبار الديرة واكو سايت وزارة الاعلام فيه بث مباشر للقناة الفضائية لي عودة لموضوعج

 

[yassoo]

عسى الله لا يحرمني منكم يا احلى كويتيات والله العظيم انكم بكلامكم خففتوا عني
الله يوفقكم دنيا واخرة
اشكركم على ردودكم اللي ترد الروح

 

[جسر الزمن]

حبيبتي الله يسهل عليج بالغربه ولا تفكرين واايد عشان ما تتعبين اكثر لهي نفسج والله يساعدج

 

[miss_cuti]

حبيبتي لا اتقول جذي احنا كلنا خواتج و انا اختج الصغيره و هاذي نصيحتي لج
والله يسهل عليج دربج و يفك ضيقتج و يخلي ريلج ولا يحرمكم من بعض ان شالله
و يالله مابوقه شي و اتبشريني ابردتج بسلامه حبيبتي

 

[كويتية منسية]

سلام عليكم حبيبتي اذا تبين راي استانسي بكل لحظة وعيشي كل لحظة مع زوجج ولا تخلينه يحس انج متضايقه صج الوطن ماله مثيل والكويت وين ما نروح نشتاق ونوله لها وعليها بس حبيبتي كلها فترة بسيطة وترجعيلنا بالسلامة يا قلبي والله يوفقكم حبيبتي

التوقيع

كويتية منسية

 

[ام سعود ديكسون]

هاي غلاتي والله كلامج العسل ما سوينا شي هذا واجب وع العموم ما دام ريلج حباب استغلي وضع الغربة ونظمي له وقت الدراسة ووقت الاكل والنوم وقت الطلعةخليه بالويك اند او بالليل اذا ما عنده شي ترا عندنا حر موووووت تنصهرين من الشمس خخخخخخ استغلي الوضع وطلعي بهالبراد اللي عندكم خاصة مبين ماعندج ياهل تتلهين فيه وطلعتج اسهل

 

[UK_Girl]

يبيلج شهر وتصير استراليا جزء منج ..انا كنت في بريطانيا ومن يوم رجعت الحنين ذابحني احس جسدي بلكويت وروحي وعقلي وفكري اهناك ! ..ولي عوده انطرها على احر من الجمر
ثانيا
حبابه انتي معاج زوجج ولله الحمد احنا كنا بروحنا نعد اصابع ريولنا وروسنا بكتبنا بس... قوللي الحمدلله وصبري راح تتعودين

غود لك وطمنينا علييج

 

[سيلينا]

انا كنت نفس وضعج والحين متحسفه على اني ضيعت الوقت وانا بس احن واتضايق صدقيني بتتحسفين دخلي اخذي كورس لغه وناسه ترى وتكونين صداقات ورايي لا تخلين زوجج وتردين بروحج قعدي معاه تحملي زوري الكويت برمضان وكملي معاه لي شهر 6صيري له سند تحملي معاه اقلمي روحج والله كنت لي مرت مناسبه وسمعت صوتهم بدال لا استانس اتضايق اني بروحي وما معاي احد بس لما شغلت نفسي باللغه وولدي عده الوقت وانا ما احس فيه شغلي نفسج ولا تخلين تفكيرج سلبي اهي مسآله وقت فتره بحياتج وتعدي عيشيها صح وتفرغي لنفسج تراها فرصه ما تحصل لغيرج انج تعيشين تجربه جديده حلوه مو بروحج زوجج عندج شوقج الامج ان شاء الله الوضع مو طول العمر شهر 6 انتي عندها ليل نهار تحملي

 

[cheese cake 84]

حبيبتي كلنا نفس الشي بس تاقلمين بعدين يعني عندج انا يا اطلع الصبح احط بنتي بهالعربانه ونروح نتمشي بالحديقه ولا اقعد بستاربكس ولا اتمشى بالسوق او نروح عند البحيره نوكل البط يعني تضيعين وقت او نروح الجمعيه نشتري اغراض هذا كله مشي والله واذا ماطلعت اقعد اجابل هالمنتدى وادخل قسم قسم ما احس ان الوقت بسررعه يمر وريلي رد من الدوام ولا اقعد ازهب شنو اطبخ عشا واقصص وارتب شغلي بالمطبخ او اقعد احط فلم واطالعه وبعدين ريلي قالي بيحطلي حق رمضان عربسات فكل القنوات بتطلع جنج بالكويت لوووووول قولي حق ريلج يحطلج اياه والله وناسه الوطن والراي يمر الوقت وتحسين جنج بالكويت وبس

 

[Wa7shni ShoF eLq8]

البنات كفو ووفو بس ترى قراءة القران تريح عن تجربه

 

[! بــدويه وآآيــد !]

:~


الله يريح بــآلج وهــآنت بآجر تتعودين



:~

 

[رفييف]

ما عندج سالفه !! تبادلين تيين فرنسا و اروح بدالج استراليا ;p

استغلي الفرصه و حاولي تشوفين و تتعلمين شغلات يديده ... و دوري اماكن سياحيه او روحو اكتشفو


ذاك اليوم انا و ريلي رحنا نجدف بنهر بالغابه لووول تمسخرنا بس كانت تجربه حلو و تعرفنا على كبل فرنسي يشوق