مو عارفه شلون

[ام غنوم وصلوح]

السلام عليكم
شلونكم بنات شخباركم
موضووعي باختصار
:eh_s(16)::eh_s(16)::eh_s(16):
ولدي كمل سنتين ومو عارفه شلون اقطعه من الحليب والحفاض
بليز الي عندها خبره خل تفيدني
لان هذا ولدي الاول
:yaaaaaarb::yaaaaaarb::yaaaaaarb:

 

[<miss botamba>]

في بيوتيوب طريقه مالت اجانب يخلون الياهل من الاشهر يقطع الحفاظه

نسيت اسمها

بس اهيا تعتمد على انج تحسبين الوقت بين كل روحه وروحه للحمام وانتي بكرامه وعلى اساسها الياهل يتعود

 

[ام غنوم وصلوح]

مشكوره اختي ويعطيج العافيه

 

[om_3azoz]

الحليب انا حطيت حق ولدي ملح والله يوم بس وقال خلاص مابي وتعود

من يشرب يذوقه مالح يقطها ويعصب يقول المميه وصخه ونغسلها ونفس الشي لين قال خلاص مابي

قبل لا ينام بعض المرات يشرب حليب بعود


وعلى البامبرز ليلحين معانات

 

[بنتي نور عيني]

حتاا انا ابي افطم بنتي بس مو عارفه شلون
وراح تتعبني لان بنتي عنيده وايد??
فيدونا يالغاليات

 

[بنتي نور عيني]

حتاا انا ابي افطم بنتي بس مو عارفه شلون
وراح تتعبني لان بنتي عنيده وايد??
فيدونا يالغاليات

 

[ms.mercedes]

حبيبتي حرام لا تقطعين الحليب منه الحين توه صغير خلييه الحليب وايد مفيد حق جسمه لان ان قطعتي الحليب وحطيتيله ملح وهسوالف بعد خلاص راح يكره يشرب الحليب او شي عوديه ان يشرب الحليب بقلاص اذا شفتي تعود خلاص قطعي الممه بس غيره لا انا عن تجربه اقولها لج طبعا
الحمام وانتي بكرامه بتضحكين انا شلون علمة ولدي الله يسلمج كنت اسويله افلام وصدقني حبيبي كنت كل ساعه احط اذني على بطنه واقوله اسمع صوت البوله او اقوله يلاا اركض اركض بسرعه روح الحمام لا يصير ابطنجك دودو يقولي مافي اقوله انت ما تدري امش اقعد وتشوف وصج بس يقعد كتي عليه ماي راح تكرمين يتبول وعلى هالموال شهر انا ما شاء الله تعلم عالحمام ...

 

[AVE.NJ]

انه ماايد تفطمينه عن الحليب
بس عن الحفاظه اوكي
حاولي كل يوم وقت معين حطيه بالقيصريه

 

[ام غنوم وصلوح]

مشكورين وما قصرتوا وان شاءالله احاول
؟؟؟ الحليب عادي عندي بس اقصد الممه ؟؟؟

 

[قموشه21]

ام غنوم حبيبتي شوفي انا للحين مافطمت عبودي وماسويت اي شي بس بقولج تجربت خواتي الكبار

اختي لما فطمت بنتها ماحرمتها من الحليبة لآ .. سوت لها حليب نيدو بقلاص مال اليهال وقلاصها عليه رسومات باللي اهي اتحبهم واما المميه اختي يابتها فااااااااااااضيه وحطت داخلها نمل هههههههههههه تخيلي اتقولها اختي يلا بنسوي حليب بالمميه تروح مع بنتها واتشوف النمل اتصااارخ اتقول خلاص مابيها ابي القلاص .. اهي بهالنقطة اعجبتني ماقطعت الحليب لان البيبي محتاج كالسيوم .. وكرهتها بالمميه..

بالنسبة للحفاظة انتي شيليها .. وقولي له الحزة اللي اتحس فيها انك بتروح حمام قولي عشان اللي يروح الحمام يكبر واااااااااايد قصي عليه خليه يستانس .. او حطي له مكافأه مصاصة او كاكاو مؤقتا لين يتعود

والله يعينكم ويعيني

 

[ام غنوم وصلوح]

قيد التجربه

 

[frketa1]

أول شي قطعت الممة طول اليوم عدا اللي قبل اليوم مدة اسبوعين بس وقت النومة الممة وباجي الاوقات اذا يبي اعطيه حليب قواطي بعود وعلميه عالنكهات حليب ككاو فراولة موز يستانس اذا تعود عليهم شيلي الممة اللي وقت النوم عطيه بدالها حليب ككاو وخشي الممات بمكان ما يشوفهم قولي ضاعو مادري وينهم تعال دور معاي وانتي سوي نفسج تدورين لما ييأس عطيه حليب ككاو وقوليله خلاص انت ريال والممة حق البيبيات وكلميه ومساحل

أما البامبرز يحتاج طوووولة بال وتحطين أعصابج بالثلاجة وتنسينهم طولي بالج ألفي قصص ساحلي وكافئي وكلشي وسوي جدول فصخيه البامبرز وكل ربع ساعة وديه الحمام بعدين نص ساعة وديه الحمام ولما يتعود كل ساعة وهكذا وأول اسبوعين من تعليم البامبرز حكرت نفسي ما اطلع لأن بس نطلع يلبس البامبرز وصعبة تردين تبدين من الأول،، اشتري العاب بو 100 وايد وحلاو اذا سوا بالحمام يختار هديته واذا سوا بهدومه ما ياخذ.. واشتريله صراويل حلوين ملونين عليهم شخصيات يحبهم قوليله الله هذا حلو ما نوسخه.. اذا فيك قول فيني حمام الرياييل الكبار يروحون الحمام ما يلبسون بامبرز وانت ريال مو بيبي..

 

[ام الحلوااات]

بـــاالــنــبـــه للــمـــيــــه الـــبــــنــــــات مــــا قـــصـــرو طــــرقـــهـــم وااايــــــد زيـــنــــه انــتــــي جـــربــــي شـــــوي شــــوي لان مــــســــتــحـــيـــــل يــقــطـــهــــا عـــلـــى طــــول لازم عـــلــــى مـــراااحــــــل ​

ومـــــا انـــصـــحــــــج تـــقـــطــــيـــن الـــحــــفـــــاااظ الـــحـــــيــــن لان الـــجـــــــو بــــــارد ومــــايـــســـاعــــد انــــج تـــعــلــمــــيـــنــه الــحـــمـــــام الــيــــــهـــااال مــــســــاكــــيــــن مـــــا يــتــحـــمـــلــــــــون بـــاالـــبـــرد​