مو عارفه شسوي ابي شوركم

[عشقي أرض الكويت]

شلونكم حبيباتي ان شا الله تمام , بدش سيده با الموضوع انا وخوات زوجي متقاطعين بسبب المشاكل وتدخلهم بحياتي حاولت اتقرب منهم بكل وسيله وطوفت منهم اهانات وحركات وحتى زوجي يشيشونه علي بسبب حسدهم حدهم حسودات مع انهم والله موناقصهم شي ابد بس حقودات يكرهون الخير لغيرهم ولا يحبون زوجات خوانهم بس همهم ليش جاب لها وليش يسمع كلامها وليش يوديها وليش وليش وليش كل شي تدخلو فيه حتى امهم يشيشونها علينا وقطاعين رزق اعوذ بالله منهم احسهم مرضى نفسيين والله خلوني اكرهم وقاطعهم ورتحت منهم كلش خاصة وحده من خواته صايره عله علينا تبي تسيطر علينا حتى انانيه تبي كلشي لها عاد وصلت حدي انا وخوها ووقفناها عند حدها وصارت مشاكل بينا وكرهونا وحقدو علينا عشان تكلمنا على حقنا وحق عيالنا مع اني طوفت لها اشياء وايد منها انها تكلمت بسمعتي وكانت ادز لي في بيتي اشياء قذره اترفع عن ذكرها احترام لنفسي ولكم , وفي الفتره الاخيره صرت اشوفها في مناسبات بس ماجرب صوبها وحسيت انها تلحق وراي مادري شتبي مني صرت اتحاشاهم و عفتهم وكرهت الروحه لهم والناس صارت تسئلني ليش ماتروحين لهم انتم ليش ماتتوجهون ليش متشوفون بعضكم وووو...ز وانا منحرجه مادري شقول ما ودي اجيب سيرتهم ابد جدام الناس وحده من قرايبهم تسئلني عنهم ليش انتي ماتشوفين فلانه متجينهم ولايجونكم حسيت انها حاسه بشي او ان احد حاكي ع راسها ولي عرفته ان اخت زوجي تكلمها ومتواصله وياها ونا جريب معزومه ع مناسبه وخت زوجي راح تحضر الحفله مو عارفه شلون اتصرف اطنش واحقرها اواتجاهلها موعارفه كرهتها اللي سوته وقالته موشويه اذتني بسمعتي وبحياتي مع انه ماجاها مني اي شي ردي بس كلشي له حدود اهي مقهوره مني عشان قويت شخصيتي ووقفتها غند حدها وهي انصدمت عبالها بسكت مثل دايما . ابي شوركم خواتي والحل كيف اتصرف اذا شفتها انا ماحب المشاكل ومابي اصير بموقف محرج جدام الناس اذا شافونا مو ويا بعض .... انطركــــــــــــــــــــــــــم. ودمتو بحفظ الرحمن.

 

[Gifts&Occaions]

الله يعينح

 

[رق رق]

ابعد عن الشر وغنيلوو

 

[الجوهرا]

سوي نفسج موشايفتها واعتبريها ماكأنها موجوده كلش

 

[مموريز]

اذا انت ماسويت شي لها ,,,,ليش تخافين منها ومن كلام الناس.....

اذا رحتي للعزومة ’’’’’وشفتيها هناك .....ابدا اكبر طاف ,,,وووووووووووووووووووووولاكانها موجودة ’’’انبسطي واتسانسي ولا عليك منها.....وواذا احد سئلك عنها ,,,بكل بساطة""""أبعد عن الشر وغني له""""....

 

[tmtmt]

ماني شايفه ان في مشكله
انتي تصرفتي ومرتاحه بتصرفج
ليش الحين قاعده تفكرين شتسوين وشلون تعاملينها شلي تغير !!!
خلج نفس ما انتي ...

واذا عالناس قوليلهم مشاكل عائليه وخلاص
وراح يتكلمون الناس انتي معاهم ولا مو معاهم
مايخلون شي مايتحجون فيه
يعني المفروض تفكرين براحتج وراحة ريلج
ونهااائي ماتفكرين بالناس

 

[عشقي أرض الكويت]

اشكر كل من رد علي... واخت مموريز انا موخايفه منها ابد ولا همتني كلش ولا اعتبرها شي بس اهي اللي تلحق وراي وتسئل عني وشككتني بتصرفاتها شنو تبي مني مسويه شوفيني ماراح اسلم والله ماااااااااااهمتني ابد كل اللي ابيه تبعد عني لان حدي مو طايقتها بسبب سوالفها وهي من النوع المفتري الظالم تشتكي وتمسكن مصدقه نفسها مظلومه وبتحط البلوه على راسي قدام الناس عندها اسلوب تقنع الكل انها مظلومه واهل الحفله كلهم قرايبها وانا الغريبه بينهم

 

[حلاه الكون]

لو انا بمكانج
عاادي اسلم عليها جدام الحريم
علشان حتا لو سوت لج شي
الحريم راح يعرفون ان خوات ريلج هم اللي موزينات
وعلشان حتا لوماسلمتي عليها بعدين يعذرونج
واحسن تطلعين انتي الزينه جدامهم
وترا حتا جدام ربج هم تطلعين انتي الزينه لانج انتي اللي بديتي بالسلام

 

[ام الحلوااات]

لو انا بمكانج
عاادي اسلم عليها جدام الحريم
علشان حتا لو سوت لج شي
الحريم راح يعرفون ان خوات ريلج هم اللي موزينات
وعلشان حتا لوماسلمتي عليها بعدين يعذرونج
واحسن تطلعين انتي الزينه جدامهم
وترا حتا جدام ربج هم تطلعين انتي الزينه لانج انتي اللي بديتي بالسلام[/QUOTE]

• :ggdw: :ggdw: :ggdw:​
• خـــــيــــركــــم الــــذي يـــبـــــدآ بــــاالـــــســــــلام​
• خــلـــي الـــعــــــلاقــــه رســـمـــيـــه ســــــلام وخــــلااااااص​

 

[سفييره الكويت]

ابعدي عن الشر وغنيله..

وخري عنهم ماوراهم الا تنوقل حجي وكلام فاضي

 

[amami al-kuwai]

دام انتي مرتاحه من اللي سويته وزوجج معاج وشاف رداها

روحي وعطيها اكبر طاف

ومالج شغل بالناس لانها راح تسكت وبيقولون لو فيها عيب زوجها ما وقف معاها

 

[سكوتي بذوقي]

لاتهتمين لكلام الناس

انتي قاطعتيهم علشان راحتك

 

[ماتغير شي]

إذا شفتيها بمناسبه سوي نفسسج ماتشوفينهااا

بس إذا شفتي خالتج سلمي عليها


واهم شي انج مقتنعه باللي سويتيهـ

 

[قاهره عذالي]

حبيبتي ادعي عليها
انتي مظلومه وتحسبي
ولاتردين ع الحريم ولا تسولفين عن خوات زوجج
لان هذول الحريم يدورون السوالف والقيل والقال
ولو قلتي كلمه بسيطه
راح يوصلونها لها وتزيد النار والمشاكل
وبالنسبه للعزومه
لاتروحين احسن دام هي موجوده
او اذا مضطره تروحين
احقريهاااااااا
ولا كأنها موجوده وحتى لاتسلمين عليها

 

[احبج ياديرتى]

هذيلا راعيات مشاكل وتبلي أعوذ بالله منهم القرب منهم يجيب لج الهم والمشاكل والبعد أصفى لج ولزوجج فنصيحه لاتتقربين منهم وإذا شفتيهم بمكان عام سولفى مع ألي حواليج وكأنهم مو في ....وإذا متطفله سألتج قوليلها " ههههه مراقبتنى سلمت ماسلمت" او"سوالف ماتعنيج"طبعا بضحك ورذى هذا الدعاء على ل ""اللهم أكفينيهم بما شئت "والله يسعدج وريح بالج

 

[black rose BH]

الله يعيينج حبي

عادي مثل ماقالو البنات روحي وسلمي عليها عادي بس لاتاخذين وتعطين وياها

 

[ناتشوو]

انا لو مكانج مااحضر
دام الحفلة لاهلهم
اهم شي راحتي النفسية
انا احضر العزومة علشان افرفش واستانس مو علشان اتوتر
ولا اكون ع اعصابي

واللي تسألج ليش ماليش
لا تتوقعين يهمها امرج ولا علاقتكم
بس تدور السوالف
الزبدة
لا يطلع منج كلام
حتى لو هم يحشون خليج الارقى
قولي مابينا الا الخير
انشغلت بعيالي

ونصيحة
لا تتدخلين بمشاكلها مع اخوها المادية
لا تقولين حق عيالي
ابوهم احرص ع حقوقهم
ويظلون الاهل هم العزوة لعيالج
هالعلاقة اهم من الفلوس

 

[يكفيني حنانك..]

أنا اقول إدي واجبك اللي هو السلام والسلام لله

 

[كريستال]

اذا شفتيها وجه لوجه سلمي عليها عادي بس لاتسولفين معاها ولا تفتحين لها مجال

السلام لله

 

[عشقي أرض الكويت]

اشكركم حبيباتي على الردود ماقصرتوا ولي يقول مولازم احضر العزيمه, انا لازم اروح العزيمه لانه دايما تصير عزايم ومناسبات وعروس والناس ادز لي كروت دعوه وسلفتي مرت حماي تخشهم عني وطوفني المناسبات والكل يتشره علي ليش ماجيتي وحضرتي عبالهم اني مو اجتماعيه اهم يدزون كروت الدعوه حقتي وحقت خالتي ام زوجي ومرت حماي ماتقول لنا نحاسه منها ... الكل عرف طبعها انها تخش كروت الدعوه وصاروا يكلموني ويعزموني با التيلفون فعلشان جذيه صرت احرص على الحضور وحماتي اذا بدت با السلام راح اسلم بس ماراح اركض انا وراها واللي تقول لاتدخلين با المشاكل الماديه بينها وبين اخوها اللي اهو زوجي انا تدخلت لانه دايم ساكت على حقوقه وحقوق عياله لدرجة انها استغلت سكوته لمصلحتها ونها تحاول تخليه يكتب بيتنا باسمها وبيتي لعبت فيه بغيابي قامت تهدم وتبني فيه على كيفها ولاشكال هذي ماينسكت عليها لازم تردع وتوقف ع حدها مادري شقول لكم اهم ناس ماعمري شفت مثلهم ابد حسسسسسسسد وخبث .