مو عارفة شنو احط عنوان دشوا وبتعرفون

[نور عيني الكويت]

السلام عليكم
شلونكم خواتي
مادري اذافية احد عندة نفس مشكلتي ولالا
عمومآ
نبدأ

اذالبست بنتي اي لبس تبدأ التعليقات
ليش لبسها جذي مع ان لبسها حلو ومرتب بشهادة الجميع
بس الحمولة مايعجبهم العجب عمتي ام زوجي وحدة من خوات زوجي كلة دقرني ليش هذا اللون ليش قصير شحقة برمودا
ليش لابسة هالنفنوف هذا مو حلو وذاك موحلو ليش لابسة قصير من غير هيلاهوب
تصدقون حتى بيجامة النوم علقوا عليها
والله تعقدت منهم مع اني احقرهم البسها اللي ابي
وبالاخير لما مازهقوا مني قالوا حق ابوها شنو هاللبس امها ماتعرف تلبسها
قال انا اللي اشتريلها وعاجبنا لبسها
حتى لو موديل هاللبس مو عاجبهم والناس مايعجبها العجب
بس دامة متناسق ونظيف ومرتب شعليهم مني
لو نجي للمقارنة بين لبس بنتي ولبس بنات عيالهم الثانين فرق السما عن الارض اقل شئ بالنظافة
المشكلة بنات مايتحجون الاجدام حريم عيالهم انا ماهموني بس الى متى والناس جذي
تصدقون من كان عمرها شهرين وهم تعليق على لبسها
وحتى لبس بنتي مايتكرر مرتين
بس مادري شنو الحل مع هالناس وكل وحدة واجهتها مشكلة نفس هالنوع تسدحة هنية​

 

[ام شووووق]

احسن شي

طنش تعش تنتعش

 

[قلبي عبدالله]

هم يبون يطلعون فيج عيوب مالقوا الا هالشي يعني محترين منج

طنشيهم ولبسي على كيف كيفك وقولي لهم رجاءا مااحب احد يتدخل في لبس بنتي لو تشوفوها مفصخه


قطيعه شنو هاللقافه

 

[درة أهل الطولات]

ردي قولي عاجبني

 

[@اماراتيه@]

للرفع

 

[نفهمها صح]

انا
اهل زوجي يلبسوون كله دشداشه...يعني ثووب
عيالي لا جنزات وتي شرت
يعلقوون ليه متلبسوون ثياب بس مطنشينهم لين ملوو

وبنووتي الله يخليها هم البسها احلي شي
ميقدروون يتكلموون
لكن
انتي خليه انه ابوها الي يشتري لها لانهم غيرنيين وعن ثقه اقولها لج ​

 

[Vaniela]

حتى انا يعلقون على ادنات الدون انتي بس طنشي ..
جان زين يات على اللبس انا حتى على الروحه والدخله وقصه الشعر والنومه .. بختصار لقافه مالها حد بس انا ارد عليهم واقول انا عاجبني جي .. ويسكتون وللحين ما خلصت من مواويلهم بس طااف

احتر لين يسون روحهم اهم الي يعرفون كل شي واهم الصح <<< طيروا زييييييييين

 

[ريتااجي]

قولي لهم دام عاجبني أنا وأبوها ماحد له شغل ​

 

[فديت قلبهم]

لولا اختلاف الاذواق لبارت السلع

 

[Miss McDonald]

• Skip !

 

[غزالة سعودية]

اهم شى حبيبتى احرصى على بنتك الله يخليها لك من البس القصير مره ولازم تكون لابسه اشياء تحته لان حركت الصغار الله يحفظهم كثيره ويمكن تكشف فا خليك اخذه احتياطك والباقى لبسيها الى يعجبك انتى شوى وبيملون ويسكتون الله يحفظها لك

 

[اينااس]

ووواي حبيبتى نفس معاانتى حييل كل تعليقااات على لبس بناتى كل سبوع هالكلام

معنى انا مشترى الى من الغالي وهم ارخص شي لبسوون عياالهم

وملر تبين بناتى كل شي طقم حتى ربطات شعر والجزم

اقول لزوجى ماليت من تعليقات كل اسبوع تخيلى تونى اسلم عليهم مابعد اجلس والله العظيم يبتدون يعلقون

كل سبوع يطالعون شي بس انا اقول الى يقول كذه معنه عاجبه هاشي ومحترق قلبه

لو تشو فين مرت حماى تلبس بنته خلا قين مو ديلات اول ومن تدخل يعلقون على لبس بنته انا حلو اقول انا خالقين عاجبهم نفس ذووق

 

[أتراب]

اذا عاجبنج ومقتنعه به خلاص
خلهم يعلقون لين يتعبون
​

 

[استغفر الله%]

حبيبتي عادي في ناس إذا مالقوا بالورد عيب قالوا يااحمر الخدين! فانتي طنشي واهم شي انتي وزوجج اوكي مع بعض والله يعينج

 

[أخت أخواني]

حبيبتي يقولج ::إذا كثرت عليك الاقاويل فأعلم أنك في القمه::

 

[انا لحبيبي .]

الله يعينك ،،

 

[بدووورة]

عادي اصلا محد ينقد ع الثاني الا اذا محتر منه

عاد انتي قوليلهم صج موحلو غزيبه فلانه قالت حلو وبنت عليه

يعني لاطلعين نفسج غلطانة ولا تبنين انج منقهره

 

[ورده الكرستال]

طنش تعش تنتعش


عطيهم اكبر طااااااااااااااف

 

[جنون العشق]

قةلي الناس اذواق وابتسمي وطنشي

 

[Tom ♥ Jerry]

.،


حبيبتي فتره و يخفون مآ عليج !
أول شي يبدون يعلقون بآجر اييلهم حفيد ثاني و ينسون !

آنتي بس سمعي من هني و طلعي من هني
و رآح يخفون عليج آن شاء الله

؛*** الله يعينج