مو عارفة تدرسين ؟ حياج

[kndora]

صباح الخير

انا خريجه وحبيت اساعدكم بطريقة الدراسه

الموضوع بس حق 10 و11 علمي و12 علمي لاني خريجه علمي

نبدي بالترتيب

عـــاشر 10

الحمدلله ان سنتكم اسهل سنه ومافيها ضغوطات يعني الفيزيا والكيميا نص كتاب تدرسون له

الرياضيات \\\\\ لازم تخلينه له 3 ايام او 4 اكثر شي قسمي المنهج عليه
اول شي شوفي المسأله بعدين حليها عن غيب وبعد ما تخلصين 10 مسائل عيدهم بدون لا تشوفين الحل
وترى اكثر شي اييه من المسائل الي بالكتاب

الكيميا\\\\\ يبيله يوميين ضروري يكون عندج تلخيص علل والتعاريف والنظريات وهالسوالف التقوييم مهم
نماذج الامتحانات القديمه ساعات اييه نفس النظام

الفيزيا \\\\\ نفس الكيميا يعني لازم يكون عندج تلخيص علل والتعاريف والعوامل التقويم مهمم حييل وحفظي القوانيييين لا تستهينين فيهم يبيله يومين انا اشوف ان كافي عليهم

الاحياء\\\\ اهم شي بنك الاسئله تلقونه بموقع وزارة التربيه قائمة الطالب + التقويم + الصور الي بالكتاب

الاجتماعيات\\\\ اعتقد كلكم تقولون صعب يعني يبيله 3 ايام لو تدرسون من تلاخيص احسن لكم بس تكون شامله كل شي وبس درسي الخرايط من الكتاب

الانجليزي \\\\ الي يحس ان الانجليزي صعب يدرس له بيومين يقسم الكتاب نصين ويدرس يونت يونت يعني بس كل يونت تخلصينه تروحين للي وراه تدرسين الكلمات والقاعده والاسئله

الاسلاميه \\\ بس درسيه فبل الامتحان بيوم اذا تخافين يعني درسيه قبله بيومين

العربي \\\\ انا ما كنت ادرسله الا قبله بيوم وانتو كيفكم لان مادري شلون يندرسله هههههههه

نصيحه الفيزيا والكيما لا تضيعين وقتج وتدرسين بنك الاسئله بس درسي الاسئله العلل والعوامل لان راح يضيعج


هذا بالنسبه لعاشر لا تنسوني بالدعاء قولي يارب ربي يعطيج الي تبين




الحين تحت بكتب حق 11 و 12

 

[kndora]

بالنسبة حق 11 و 12

اول شي نصيحه مني ( العربي + الاسلاميه ) خليهم اخر شي يعني اذا ما عندج وقت بس درسيهم قبل الامتحان بيوم

الانجليزي على حسب مستواج اذا شاطره بس قبله بيوم يكفي واذا لا ححدي لج يوم كمل تدرسين في كل يونت كلماته واسئله الست بوك والقاعده فيه ( لا تدرسين الكلمات كلهم مره وحده والقواعد كلهم مره وحده والاسئله كلهم مره وحده راح تضيغين )


الحين نتكلم عن المواد العلميه

الرياضيات اهم شي انج تدرسين قبلها ب يومين كل يوم خلصي فصل ونص وجذي تخلصين بيومين والثالث مراجعه + الاحصاء لان الاحصاء سهل

شلون تدرسين رياضيات الحين اقولج


اول شي طالعي المسأله مع حلها شلون انحل ولازم تقتنعين بالحل بعدين حلي المسأله عن غيب وتاكدي من حلج وكل ما تخلصين 10 مسائل ردي حليهم مره ثانيه عن غيب بس بدون لا تشوفين الحل

ومثل ما قلت لج الاحصاء سهل لا تشدين فيه واييد يعني تقدرين تخلصينه بساعتين

بس اذا انتي ادبي الاحصااااء جنه رياضيات لان بالعلمي بس يعطون بس 3 مسائل احصاء بس الادبي غير جنه امتحان رياضيات


الخين انييه حق الفيزيا

اهم شي بمسائل الفيزيا مساااااااائل التقوووووووويم والامتحانات القديمه القوانيييين ضروري تحفظينهم

لازم يكون معاج تلخيص علل والعومل والتعاريف لكل فصل ولا تعتمدين على الي تعطيج اياه الابله لان ما يكون شامل

الفيزيا يبيله 3 ايام كل يوم فصل واذا اكثر قسميه ببين ال3 ايام ايي وبعد التجارب مهمه واسئله التقويم بعد مهمه مرات اييج نفسه بالضبط

الكيميا

درسي التقويم عدل ولازم تعرفين كل سؤال شلون انحل ونفس الشي لازم تلخيص العلل والتعاريف معاج

اذا انتي ب 11 الكيميا يبيله يومين

بس اذا ب 12 يبيله 3 ايام لان الفصل الاخير صعب شوي الله يعينكم والله عمري ما فهمته مادري شلون عديت الحمدلله
اي ترى مهمين نماذج الامتحانات


الاحياء
درسي بنك الاسئله تلقينه بموقع وزارة التربيه محلول + اقري الكتاب + الصوره المهمه والتقويم ونماذج امتحانات





كل يوم درسي 6 ساعات قسميهم نصين يعني من الساعه 11 لي 2 واخذي بريك ساعه تغدي ومن 3 لي 6 وقبل لا تنامين اقري الي درستيه بس اقريه

 

[kndora]

لا تضغطووووون على نفسكم واذا حسيني انج مو قادره تكمليين وقفي لان راح تضيعين وبعدين كملي

درسو بس 6 ساعات وبينهم ساعه فراغ

واقروو الي درستوه قبل لا تنامون عشان المخ يراجع وانتي نايمه

التغذيه ضروريه اكلو زعتر وشربو عصاير فرش وبعدو عن المشروبات الغازيه والقهوه

ادعولي بنات ان ربي يعطيني الي ابيه

 

[kndora]

اييي بعد نسين موقع وزارة التربية في حل بنوك الاسئله

وفي موقع مدرستي الكويتيه مترووووس مراجعات انا كنت اخذ منه

وفي واحد جزاه الف خير مسوي مراجعات ومحرم بيعها هذا موقعه http://www.kwsfna.com/wordpress/?page_id=133


بس ترى ملخبط نص الكورس الاول ونص الكورس الثاني كله مع بعض انتو شوفو الي معاكم والي مو معاكم خشوه

موفقييين ياااااارب

 

[Ǥoldɛn ʝɛωɛL]

حبوووووبه تسلمين فديتج على هالموضوع

وربي يوفقج ويسهل لج كل امورج

وايد حسيت اني ارتحت عقب ما قريت موضوعج لان تقسيمتي قسمتها مثلج وكنت احاتي لاني ما ضغطت على نفسي وايد ..

انا اللحين بــ 11ع

وفعلا كنا نبي نصايح مثل جذي علشان نفسيتنا ولو شوي ترتاح ملينا واحنا نسمع من الثانيين دربالكم من 11 عله و صعبه
و لازم كل يوم تدرسين و تصمين احنا سوينا مثل ما قالو بس لحد اللحين بس نحاتي ما نرتاح الا لما تخلص الامتحانات كلها

تسلمين مره 2 و ما قصرتي وللأعلى ان شاء الله .. :***

 

[ya al3rosa]

حبيبتى مشكوووووووووووووورة جزاااااااااج اللًة خيير ما قصرتى
طريقة دراستج حلوة وسهلة

 

[PO PO22]

جزاااج الله خير وفي ميزان حسناتج ياارب

 

[nicegirl94]

مشكورة و بميزان حسناتج و الله يعطيج اللي تبينه ان شاء الله

 

[kndora]

حبايبي منورين

الله يوفقكم انشالله ولا تحاتون سهالات والله توكلو على الله وانشالله ربي ماراح يخيبكم

 

[M!s$ GoOnA]

الاجتماعيات\\\\ اعتقد كلكم تقولون صعب يعني يبيله 3 ايام لو تدرسون من تلاخيص احسن لكم بس تكون شامله كل شي وبس درسي الخرايط من الكتاب

صرااحة انا درست بس الفتره الثانيه بأسبوووووووع !! صعب لدرجة مو طبيعيه !!

الانجليزي \\\\ الي يحس ان الانجليزي صعب يدرس له بيومين يقسم الكتاب نصين ويدرس يونت يونت يعني بس كل يونت تخلصينه تروحين للي وراه تدرسين الكلمات والقاعده والاسئله

هذا غير القصه الزفت .. مادري شنو بنسفيد منها !!


12

مشكووووره ويعطيج العافيه والله يوفقج انشالله

 

[kndora]

مشكووووره ويعطيج العافيه والله يوفقج انشالله

حبيبتي ترى مو مهمه القصص الي موجوده او النصوص اهم شي الست بوك والكلمات والقواعد والفاانكشن

وترى حرام
الاجتماعيات ضيعتي وقتج عليه

درسي بس التلاخييص والخرائط *

 

[[ نور عيني ]]

..


االله يعطيج العافيه
ودعواتكم لنا ان ربي يوفقنا والله ايدي على قلبي
الله يستر ..















..

 

[أنا دلوعه]

آآناآآ بالمتوؤؤؤسط << دااآآشه عرض
الــلــهــ يوووؤؤفقكــمـ <<
مااا اووؤؤصيكم جيبوااا النسبهــ اللي ترفع الراآآس

 

[« ــآلْذَّهَبـه]

الله يوفقج ويحقق اللي ببالج ي رب

آممم طريقه دراستج حلوووهه

ما قصرتي
بس انا احاتي الجيلوجيا يمممممممممه آنا ما احب الحفظ كللشش

الله يسستر

 

[أمحق وفى ـا]

بِـ آلـتـوفــيــق لِـ آلـجـمـيـع يـآآرب ..

 

[kndora]

الله يوفقكم انشالله

 

[salwa tawfiq]

>>>>>>>>>>