مو جذي عاااد !!

[sosa_23]

السلام عليكم ورحمه الله وبركااااته


شخباركم حبيباااتي من زمان عنكم !!

سبحان الله الدنيا تلهي و المشاغل كل يوم تزيد ....

من زمان ما كتبت موضوع فرفوشي ... :fun: فقلت اكتب اليوم موضوع يونس ونضحك ونضيع وقت شوي على ما كل وحده ريلها يرجع اللي بالديوانيه واللي بالنادي اللي هابين لنا هبه واللي بالقهوه واللي ماتدري وينه لوووول

بنات شوفو شنو الموقف الخايس اللي انقطيت فيه

مره ريلي كان نايم بالمخيم ويا من باجر وانا ولهانه عليه قلت اروح اتسبح واسشور شعري والبس واكشخ ...
المهم سويت اللي قلتلكم عليه وقعدت كاشخه على سنقه عشره على قولتهم
المهم وانا قاعده اتميلح بهالشعر ولا ريلي يقولي سوسا ؟!!!


قلتله هلا .. عيون سوسا ( وبدلع بعد مالت على الباميه )

قالي قصي شعرج ... ويضحك

قلتله ليييش ؟ وويهي مثل هذا :eh_s(16):

قالي جنج نوال بفيديو كليباتها القديمه .. ايام كان ودي نلتقي :nocommint:

لوووووووووووووول


انا مو انقص ويهي الا طاح لوووول فشلني و انا صارلي سنه اتميلح ومسشورته وحالتي حاله ..... :lkmnkl:


و مره كنت كاشخه بالتيجان اللي هبو فيها اللي على ريش و ورد ... قالي الللللللللللله شالحديقه اللي على راسج

لووووووووووول

عاد اهني انبطت جبدي قلت اوووو يا كرهك وقطيت التاج بحضنه


شرايكم ... بالذمه شسوي فيه

!!!!!


بنات ما تصير فيكم هالمواقف اللي تفشل ... اللي ودج الارض تنشق وتبلعج خصوصا اذا كنتي نفس حالتي متميلحه وعبالج روحج حلوه وبتعجبينه يعني يايبه الجهده لوووووووووووووووول


حياااااااااااااكم :bye22:

 

[DooLy88]

هههههههههههههههههههههههههههههههه

لا والله ماصارت - او يمكن صارت اشيا بسيطة ونسيتها لووول

 

[حورية الجنه]

ههههههههههههههههههههههههههه

اذا ذكرت ارد واكتب

 

[*أجمل حظ سيئ*]

واااااي ياشينهم لما يدقرون الواحد!!!
للحين ماصارلي هالموقف مع ان زوجي يمووووت بالتعليقات
بس الحمدلله ماعمره علق علي لانه يعرفني ازعل صج..

 

[رااميس]

الحمدلله مصار لي موقف زي كذا مع زوجي ولو صااار كلمه بكلمه ارد واريح نفسي

 

[الأميرة الحزينة]

واااااي ياشينهم لما يدقرون الواحد!!!
للحين ماصارلي هالموقف مع ان زوجي يمووووت بالتعليقات
بس الحمدلله ماعمره علق علي لانه يعرفني ازعل صج..

ســــــــــــــــــــــــــيـــــــــــــــم ســـــــــــــــــــــــــــــيـــــــــــــــــــــــم :23_asmilies-com:

 

[sosa_23]

اي والله يا شينهم لما يدقرون عاد اللي يسمعهم يقول كلش الحين ... مادري توم كروز ولا ريكي مارتن ولا انريكي
كل واحد كرشته شكبرها جدامه من اكل هالعيوش والاكواع والركب ظيم وحتى الويه بعد لووووووووول
مقهوره

 

[حب الرّمان]

ههههههه ياشينهم لمن صج نشد حيلنه ونتميلح واهم يطنزوون ’’’’

 

[قمري]

لووووووووووووووووول

انا بعد ريلي يدري فيني زعوليه ياويله مني اذا علق يحتفظ بالتعليق حق نفسه

 

[منيتي اسعده]

واي ياشينهم اذا دقرو
مره كنت حدي كاشخه لابسه برموده جينز ضيجه مع بدي مخصر كت
شكله روووعه حده كيوت وستايل الشعر
ومتميلحه على قولتج حدي هههه
جان يقولي.......... هذا الناس تلبسه تطلع فيه مو للبيت وقعد يضحك :eh_s(14):
ومره كنت بعد حدي كاشخه لابسه مايوه>> بنات مو عادي؟!
ضحك علي بعد بس ماراح اقول شقال مراح افشل روحي اكثر خخخخ

 

[حروف من ذهب*]

اي عاادي انا تعودت كل مره يدقر فيني

مره كنت لابسه حزام قالي جنج مصارع
مره كنت لابسه سكارف قالي يا حجيه
مره قاصه قذله ومستانسه فيها قالي جنج ايام السبعينات

لو اقول لباجر ماخلص

 

[الهندية]

انا كنت مرة كاشخة ولابسة دراعة كان ايقولي هذي مو جنها البرداه مالتنا اللي بالصالة

وبعدها صارت:j013:

 

[دنيا رديه]

لوووووووووووول

 

[عاشقة_الجمال]

انا ريلي اذا سوويت شي يقعد يقوووولي تروالج ياهل عمرج 16 لووووووووووووووووووول

كله يبي يحسسني اني كبيره مع اني والله مو كبيره توني بالعشرينات

 

[nice_dimples]

لوووووووووووووووووول
عجبتني سالفة نوااال
لا الحمد ليلحين ما سواها فييني ما يبي اييب البلا حق نفسه :d

 

[شواخي]

عدي وغلطي

واكره شي لا لبست ولا علق وسااااااااااااكت !!

اقوله حلو؟ حلو؟

 

[المدينه]

مااذكر بس صارت ههههههه

 

[رتو الكيوت]

لووووووووووووول

الي تلبس لج شرطي وطبيب وطالبه مدرسه وقرنين وارانب وقطاوه هاذي يحقله يعلق عليها لوووووووووووووووووووول


اما الذربه ويعلق لاتسكتيله ماينعطى وجه مايبيج تغترين و يبي يحبطج بس لاتعطينه مجال اقلبي الطاوله عليه قولي طااع كرشك بعدين تعال تحجااااااااااا

طالع لبسك بعدين تحجا حتى لو مافي شي بس ششككيه كخخخ


لله يعين عليهم لاكشختي مافاد وان كشختي علقو يممماه منهم

 

[دلولي]

حبيبتي تعودي انا من كثر مايعلق خلاص ماصرت اتناجر وياه اخليه ومارد عليه

 

[تنايفـ]

لوووووووووووووول يحليلج انتي وريلج

الله يخليكم حق بعض ويحميكم من العين
​