مو انا بنت طيب لية تمنعوني من هذا الحق (للنقاش).!

[روح مشرقه]

السلاام عليكم ورحمة الله وبركاتة

رااح تستغربون من عنوان الموضوع
احنا لاحظنا هالفترة انتشار ظاهرة المسترجلات في المدرسة
انا عرفت السبب وهو واضح يعني غيرر عن الاهل في المدرسة
نفسها ..!!
في بعض المدارس او اغلبها المديرة تحط قوانين
والله مو عارفةة ايشش الفايدة منهاا

ان الطالبة ممنوع تلبسس اكسسوارات او تحط
لهاا مرطب شفايف واذا جاء فصلل الشتاء
الي تلبس لون وردي او احمرر ..الخ يشيلوا الجاكيت
عليها مايعطوها الا آخر السنةة
انا نفسي لما حطيت مرطب شفايف
المديرة مسكتني وقالت سلاماات وين رايحة
عرسس على غفللةة..!!
وربي انها فشلتني
بقى شوي وابكيي

وصراحةة حالتنا حالة الاكسسوارات
مانطلعها قدام اي مدرسةة

......
سؤالي لي حبيت انكم
تتناقشون معاي ففيية
مو من حقق البنت
تلبس اكسسوارات
وتكشخ في المدرسةة
بشكلل معقوول!!

اتمنى التفااعل

​

 

[وردة الجووري]

موضوووعج وايدد حلووو تصدقين لبست ساعه عاديه جان تييني وكيلة المدرسه وتقوولي هذا ممنوع يلبس بالمدرسه الله أكبر وانا شنو لابسه كلها ساعة حتى مرطب الشفايف موحاطة أخذت الساعه مني وقالتلي بعد الدوام تعالي اخذيه

يحسسون البنت جنها صبي الله اكبر عليهم

يسلموو على الموضوع الحلوووووو:eh_s(17):

 

[عسوله مطيريه]

حبيبتى اتوقع راح يلتهوون البنوتات بالكشششخه الى من رحم ربي

 

[iLLuMinaTion]

موضوع هادف

 

[بدويـة للنخاع]

موضوعج صراحة يستاهل التقييم.....يسلموووووو

 

[ســحر الانـوثـه]

تلبس بش بشكل معقوووول
لان الصراحه انتي جايه مدرسه مو مكان ثاني ..لان بعض البنات كل يوم ساعه واكسسوار اكشخ من الثاني
ومايراعو شعور البنات الثانيات اللي حالتهم الماديه ضعيفه شوي
في بنات كثير وربي تشوفون حالاتهم يصعبون علي لما يشوفون وحده كل يوم افخم الاكسسسوارات افخم لبس وكل يوم شكل غير
انا ماقلت لاتلبسي البسي بس هم يلبسو كانهم مو بمدرسه عالاقل خلي لبسك فيه رسميه ويامكثر الاشياء الرسميه وتجنن
وبرا البسي اللي يريحك....مراعاة لمشاعر اللي مو لاقي يكشخ زيك
على فكرة ترى انا كانت كذا حالتي مو ضعيفه ابوي مشكلته بخيل مع ان رصيده وربي بالملايين (تقريبا مليونين ونص )بالبنك بس احنا درينا عن طريق واحد من جماعتنا وابوي عباله مو داريين
اهلي صح ماقصرو بس ماكانو يجيبون لبس غالي او شي والبس لبس عادي وكانو يشترون لنا لبس واحد نلبسه طووول السنه
ومااشتري اكسسوارات وساعات ولا شي ...حاااف هووع
بس كنت اخالف باشياء عاديه زي قصة شعري كل يوم ماسكتني الادراة تهزيه محترمه ...
والمناكير شي اساسي لي انا وصديقاتي ومرطب الشفايف والعطور اشياء عاديه
كنت انقهر الصراحه لما اشوف بنات خاصة بفصل الشتاء كل يوم جاكيت احلى وافخم الثاني
بس الحين الحمد الله دخلت الكليه وصرت استلم مكافاه شهريا واشتريت كل اللي نفسي فيه
كلها غاليه وماركات وكل واحد احلى من الثاني
واشتريت لاخواتي لاني حاسه فيهم وصارو زيهم زي البنات
تخيلو انا اللي اشتري من مكافاتي عشان عارفه ابوي وامي مستحيل يحسو فينا
وامي دايم تعصب علينا عشان دافعين بالجكيت او اللبس حتى الجزمه وانتم بكرامه مبلغ كبير
طيب شنسوي انتم مااشتريتم لنا ومادفعتم من جيوبكم خلونا ع راحتنا
اذا طلبنا تعالو تكلمو كفايه الي شفناه بالمدرسه

وسووووووري طولت قلت قصة حياتي لكم
طلعت حرتي فيكم
وثانكس ع الموضوع حلوو

 

[بنوتة حساسة]

موضوع هادف

بس المشكلة بالبنات حيل في مبالغة

صج الابلة لازم تحسس البنت بانوثتها

مهما يكون مو تفشلها قدام البنات وهذا سن المراهقة لازم يستوعبون

لازم يكشخون بس بحدود

 

[روح مشرقه]

احترم ارائكم وقل وحده لهااارايهاا بالموووضوع والموووضوع لنقاااش وانتي ياااسحر انوووثه الله يوفك ويسهل امرك ولا يطرك حق احدمشكوورين على تفاااعلكم معااااي