مولود و فتحة بالقلب!!!!.....

[دلوعت مودها]

قوووه حبيباتي كويتيات
ابي اقولكم قصتي انا والده صارلي 5 ايام وولدي ماعطوني اياه اول شي كان فيه التهاب بالرئه وخلصنا منه بالمضاد وللعلم حاشه الالتهاب مني اثناء الولاده
وكان تنفسه سريع علبالهم من الالتهاب بس اكتشفو صوت بصدره وسووله اشعه طلع فيه فتحه بالقلب
تكفوون ابي اعرف كل شي عن فتحة القلب ولدي تنفسه سريع يعني الشهيق والزفير يتم بسرعه بسرعه ورا بعض ان شاء الله اكون قدرت اشرح الوضع منو مرت عليها نفس الحاله وشنو كان علاجها ووين وبشنو تنصحوني تكفوووووون
ولدي اول واحد لي من بعد نطره جم سنه ساعدوني باللي تعرفونه من معلومات...
ناطرتكم على نار...

 

[sweeta77]

اولا الحمدلله على سلامتك
وانشالله ما عليه الا العافيه
انت باي مستشفى والده؟
غالبا الفتحات تتسكر بروحها بس تكونين اتابعين مع دكتور متخصص
بعض المستشفيات الخاصه ماعندهم خبره في هالمواضيع فيعطون تشخيص غلط

 

[الأميرة جوري]

اخوي كانت فيه فتحته قلب وقالوا تسكر اذاكبروفعلا تسكرت علي عمر 10 سنوات

 

[.. BNT ..]

:

آلله يعآفيه ويرده لحضنج يآرب ..
ع .. آلآغلب تتسكر الفتحه بروحهآ آن شآء آلله ..


:

 

[ألم صمت]

امم انا فيني فتحه بالقلب بس اصغرت الحمدلله لمن كبرت وسمنت لووول بسس ع حسب مكان الفتحه انا بين البطين الايمين والايسر

 

[أميرة طفولتي]

الله يشفيه ويلبسه ثوب الصحه والعافيه
وااايد مواليد ينولدون وفيهم فتحه بالقلب
بس باذن الواحد الاحد تتسكر مع الكبر
وعلي حسب في يهال من الاشهر تتسكر
وفي البعض يحتاجون مده اطول

بس لازم على طول تكون متابعته مع دكتور متخصص
ومايشوف شر انشالله

 

[اللولو الغالي]

ربي يشافيه ان شااء الله لاتحاتين
بس سؤال وين والده؟؟
انا بعد قالولي فتحه بالقلب وبالشريان ببنتي
ولما رحت موعدها خيره ان الدكتوره اللي شخصتها عند الولاده ماكانت موجوده
ودخلت على دكتور وفضح لي سياسة المستشفى ان هذا كله نصب واحتيال
ومحاوله ان يخلون الام من خوفها تطلب فحوصات اكثر وبجذي ياخذون فلوس اكثر
وفحص لي بنتي مافيها شي
كان عمرها شهر
وقال ان كل الاطفال بلحظة الولاده يكون عندهم فتحات بالقلب تتسكر على طول بالكثير ب٢٤ ساعه
وفتحات القلب الشائعه تعتبر عيب خلقي وتبين بالسونار قبل الولاده
الله يجزاه خير هالدكتور

 

[om_3azoz]

حبيبتي الحمدالله على سلامتج وسلامة البيبي

انا نفس الشي يوم ولدت دقو علينا بالغرفه وقال حق ريلي تعال الحين بسرعه انا اخترعت راح ريلي ورد قالي بيسون لها سونار حق قلبها يقولون في صوت قلبها
قتله ها لايكون يجذبون عشان يسون سونار وياخذون فلوس المهم قال نطمن اهم شي وسولها وطلع فيه صوت وتتنفس بسرعه بسرعه

المهم وقالو لازم نخليها عندنا لان سويلها تحاليل قلنالهم لا نبي نطلعها واذا في شي لاسمح الله انيبها المهم

بعدها قالو ماكو شي الحمدالله ,, بس يوم رحت مراجعتها قلت حق الدكتور قالي هذا الشي عادي جدا كل ياهل يكون فيه واهيا تتصكر شويشوي بروحها لاتخافين وقتله انه قالو دقات قلبها سريعه وجذي قالي لاتخافين وقال المواليد يكون عندهم فتحتين تتصكر وحده على طول والثانيه يبيلها وقت تتصكر بروحها


انتي لاتخافين حبيبتي راح تتصكر بروحها بس انتي لازم تسويلها سونار

 

[قطيف]

أغلب عيال العايلة قلوبهم مفتحة و منهم ولدي و انا شاء الله بااجر بنروح نسوي له أشعه

عادي لا تخترعين الامر طبيعي

 

[Lmne_BshoG]

اولا الحمدلله على سلامتك
وانشالله ما عليه الا العافيه
انت باي مستشفى والده؟
غالبا الفتحات تتسكر بروحها بس تكونين اتابعين مع دكتور متخصص
بعض المستشفيات الخاصه ماعندهم خبره في هالمواضيع فيعطون تشخيص غلط

انا مع الاخت بكلامها بالفعل الفتحه غالبا تتصكر بروحها كل ما يكبر الطفل ولكن ضروري جدا المتابعه مع الطبيب ويكون خبره

الله يشفيه ويهنيج فيه

 

[عاشقه الاسمرانى27]

حبيبتى الحمدلله على سلامتج وعساه اتلله يشفيه يارب ويرده لحضنج بالسلامه

ان شاء الله بأذن الرحمن بتتسكر لو صغيره قبل ما يكمل السنه الاولى من عمره..لو اهو من الخدج وديه الصباح الخدج واهم بيطمنوج ما بيقصروا ويااج ولو فيه شئ اسما الله عليه اهم بيقولولوج كل شئ​

 

[OM ZAHOOR]

الحمدلله على السلامة
انااا اعرف وحدة لما ولدوهااا كان فيها جذي وتسكرت لما كبرت
امااا ولد رفجتي ودوه الاردم حق عملية وماعليه شر ان شاء وتشوقينه معرس

 

[kw.food]

ان شاااااااء الله تتصكر بروحها بس راجعي دايما

 

[دلوعت مودها]

اسفه الموضوع كتبته بالتشخيص المبدئ لولدي
التشخيص الاخير اهو البيبي فيه فتحتين بالقلب وانعكاس شرياني
الله يرحمنا برحمته اللي تعرف شي عن هالمو ضوع يليت تقولي...

 

[عاشقه الاسمرانى27]

حبيبتى الفاتحه الصغيره بتسسكر أن شاء الله مع مرورو جم من شهروالفاتحه الثانيه أن شاء الله بتتسكر مع الوقت سنه وفوق ويمكن أقل لاتحاتين والله رفيجتى ولدها نفس ولدج اسما الله عليه وكل جم من شهر يسون له سونار ويحصلون فرق وقاعد يتسكر الفتحات ..انتى اهم شئ طلعى ذبحيله وطلعى لله ولللاهل وتصدقى وأدعيله وصدقينى بيشفى وبيتسكروا أن شاء الله​

 

[دلوعت مودها]

البنات اللي سألو وين ولدت
ولدت بمستشفى الراشد