موقف غريب صار معاي !!!

[أم سوسو الحلوه]

السلام عليكم

احترت اي قسسم احط الموضوع بس مااكوو قسم مناسب قلت احطه اهني لأنه في عضوات وايد يدشونه ماشاءالله

بقوولكم موقف غريب صار معاي

في يوم من الايام قلت حق اختي قعديني الساعه 12 ونص ع الأساس اصلي صلاة الظهر ( للعلم هالوقت كان برمضان يعني توه صاير )واختي نوعها تنسى بسرعه وعصبت عليها قلت الساعع 12 نص يعني العقرب الطويل عند ست قالت اي اي افهم المهم رحت نمت بعد جذي جم ساعه حسيت ان احد يدغدغ رقبتي من ورا وانا ماهتمين وزاد حركة الدغدغه برقبتي وقمت ورديت نمت بعدين حيييل زاااد وفزيت وخف وناديت اختي يا فلااانه يا فلانه ياتني تركض قالت وي نسيت سوري ماقعدتج المهم قمت رحت الصاله لقيت الساعه 12 ونص العقرب عن ست بالضضضبط سبحان الله بس خفت حددي صج غريب اوصي اختي اتقعدني للصلاه واخر شي اقوووم بنفسي بنفس التوقيت بالضبط حددي خفت قلت منوو هذا الي يدغدغني وليلحين افكر بهالسؤال وبعد جم يوم وصيت اختي اتقعدني 12 بالضبط بشووف شيصير ههه وصاارلي نفس الحركه انصصدمت وربي خفت صرت انام بدون لا اقول حق احد قعدوني الساعه كذا وكذا الخوف ومايسوي

صج موقفي غريب

بنات الي عندها مواقف غريبه خل تكتب مواقف تخرررع خل تكتب

ناااطرتكم

 

[ديار]

بالضبط شكثر تصير معاي خصوصا سالفة الصلاة بالذات الفجر .. يعني مثلاً اقوم بدون منبه لاني ابي اروح الحمام ( تكرمون ) بنفس الوقت يكون الاذان قاعد يأذن ف اصلي ..

هذا سسبحان الله من الله و يدخل فيه الساعة البيولوجية للجسم >> بدا التفلسف p:

 

[@شيخه@]

سسسبحااان الله

 

[granted]

انا كنت واصلة من الدوام قاعدة بسريري انطر اذان العصر عشان اصلي وانام
مادريت الا راحت علي نومه واقوم على صوت حد يطق باب غرفتي طق متواصل بس مو قوي
قمت ولا الدنيا بدت تظلم قرب المغرب باجي يمكن عشر دقايق على الاذان
وركض على الباب بشوف منو شكو شسالفه ؟!
ولا ماكو احد والبيت صخه كلهم نايمين
ولي الحين مستغربه من السالفة اسال اهلي يقولون اتحلمين انتي

 

[MEMA∞]

اي مرات تصير
بس ولا مرة صارت لي :$ يمة عشان يوقف قلبي

 

[وحشني شوف الكويت]

وعليكم السلام
اي حبيبتي عادي تصير بالصلاة خصوصا
اذكر سالفه قالوها خالاتي إنو عمتهم ماشاء الله ملتزمه مررا تقول إذا جا الفجر وقامت تصلي
تخيلي تسمع صوت المويه من الغساله تقول هذولي بسم الله الرحمن الرحيم قاعدين يتوضون :/
عاد مدري صادقين ولا يفلمون علينا -__-"
​

 

[~..samar]

انا ياتني فتررة أقوووم بالضبببببببط ع اذان الفجر ماشاء الله تقوليين منبه ..سبحان الله

 

[شادن33]

لا أنا لاحظت كل ما اقوم في الليل من النوم اقول لا اله الا الله وحده لاشريك له الملك وله الحمد وهو على كل شي قدير وانا نايمه اول ما يقول الله اكبر اسمعه
ومحد يقومني جنه ياذن باذوني من بدايه الله اكبر
والأيام اللي أنسى أقولها مااقوم عل الوقت


جربوها بنات والله العظيم يمكن تصير معاكم

 

[el.mlkaa]

آنا ذيج المره قبل جم يوممم اذن المغرب تفطرت وخلصصت ورحت توضيت وعشان بصلي وانا ماسكه السياده ولا احسس ان في شي مر من وراااااااي بسسسسسسررررررررررررررععععععععععععععه وانا من الخرعه لفييييييييت ادور منو ومالقيت احد ورحت صليت بدار امي لووول مادري شنو يالله سترك

 

[دمعة خجولة]

السلااام عليكم

شخباركم ؟؟


اني صار لي موقف غريب بس مو عن الاذان


بس نمت و بدون وعي قمت من النوم و شلت اللحاف عن اختي و صرخت عليها تقوم قامت و لا تدري شسالفة

و عطيتها طراق قوي و رديت نمت

و قبل لا انام قلت لها ترى اني حلمانة


امبيييه انصدمت من روحي و لا مرة صار لي هالشيء


كسرت خاطري اختي و ما قالت لي شي او زعلت مني

 

[اميره1980]

انا تصير وياي وقت الدوام
افز من النوم بروحي من غير ما يرن المنبة

 

[أبـنسـآكـم ♥]

انـا يت لي فتره والله لايعودها من فتره كل مانسدحت عـلى فـراش بس اغـمض عيني احـس محذوفه بعالم اسود وجني مونايمه واعيه وبشي بالصج يسحبببني وكان جسمي كله يتخددددررر وكل يوم شي كان يصير لي اول يوم ما انساه كنت واعيه بس انسدحت برتاح ظهري يعوررررررني واحس بشي يجرننني حيييل صوب الطوفه وانا مغمضه عيني بفتحها بفتحها ماقدر وبتكلم ماقدر قاعده احاول اافج نفسي هم ماقدر وبعدين شفت بيتنا القديم بيت يدي ومن شفته قلت هذا اكيييييييييد ملك الموت بياخذ روحي قلت خل استشهد وصرت استشهد بس بقلبببببي لان ماقدر لا افتح عيني ولا لساني وفجاه نفس الآله الي تتصكر مثل قفل جذي ورديت وعيت على نفسي اول شي سويته انحشت الصاله ههههههههههههه ... وبعدين تصير لي انن انحذف بالعالم االاسود هذا وتصير لي احداث يوميه والله واذا بجيت مناك ابجي بالصج بس بدون لا اتكلم ... مره اختي نامت عندنا وانا خفت تنام بداري وتشوف حالتي وسكت ونامت عندي ونمت الفير اهي قايمه تقعدني وتصارخ شفيج تبجين وتونين بصووت عالي خرعتيني مني انا اخترعت وخفت تقول لامي قلت لها لا حلم عـاآآددي ومرت على جذي سبوعين نفس الحاله وحتى مره صارت لي بالصج مو نايمه قاعده بالمدرسه وحسيت ننفس الشي ان ريلي تنممممممممل واحد يجرنني كل شي طاح من ايدي وبقلبي استشهد واحس اني اون بصوت خفيف واشهق فترت 10 دقايق 15 جذي بعدين هديت الكل قعد يسال شفيج وجذي تشاهقين موقادره تتنفسين جان اقول اي اختنق لان صج وقتهاآ خفت من قلب بس اشوه هالفتره عدت على خير لك الحمد يارب ( والحمدالله ما انام الحين الا مشغله القراآن ولا مـاآتاح بنومتي افز )

 

[حصة2010]

السا لفة قديمة احب اصلى صلاة الفجر وكنت دا ئما اتمنى إ ن نمت نوم عميق انا يضربنى احد اطرق قوى وقسما با الله انا الامر صار من ضربنى لا اعرف الى ا لان وشكرررا

 

[M!Ss Smart]

عادي حبيبتي اولا هالمسأله الساعه البيولوجيه في اجسامنا اذا انتي تبين شي وتقعدين بوقت معين خلاص عقلج يتبرمج انه بعد اربع ساعات مثلا لازم تقعدين عاد تقعدين بروحج بدون منبه وحزات الله يبعث ملائكه تقعدنا وخاصه الانسان اللي بقلبه الصلاه مستحيل اطوفه

 

[om MaRyooM]

سبحان الله تصير وايد


هذا برمجه العقل الباطن

 

[((البرنسيسا))]

اتصير وايد

احيانا يجي أبوي أو أمي يقعدوني للصلاة الفجر وأشوفهم

واول مايطلعون من الغرفة وأروح أتوضى أكتشف إنهم نايمين

وأقعدهم للصلاة وقمت أخاف منهم لمن يجون يقعدوني تعقدت مادري هذيلا صج أمي وأبوي

ولا الشي الثاني هههه

بس قمت أدعي أني ما أشوفهم حيل والحمدالله ماقامو يقعدوني

 

[سلاسل الذهب]

انا مره بنتي نايمه يمي وكانت حلمانه قامت وعطتني سطار قلت حسبي الله على بليسج خرعتني لان فجأه قمت اًذا نامت سحبت فراشي عنها اخاف المره الثانيه بوكس على عيني

 

[عادت ذكرياتي]

سبحان الله ^-^