موقف صار من مدرسه ماتنسينه...

[حلم الطفولة]

............ الســـــلام عليكم .................

:
:

موضوعي هو سؤال لكل ولية أمر .....

شنو موقف صار مع مدرسه (أبله ) أو استاذ أو ناظره .. وصار معاج أو مع عيالج ..

... إيجابي :dddds: أو سلبي :0bee2e8d89: ... وصج ما تنسينه ؟....

كتبو اللي في قلبكم ... وطلعو حرتكم ..... هههه ... حياكم

 

[مرتاحه]

شفي انا بقولك موقفين
الاول صار معاي في مدرسه بنتي الكبيره
وهو انها يوم اهي بثانيه ابتدائي ما كانت تعرف تكتب عدل
فجتمعة المدرسه والناظره مع اولياء الامور وقالت لهم شدو على بناتكم
وعلموهم عدل وانا مسكتني ابلتها وقالت ترى بنتك ما يصلح معها الا
انزلها صف اولا ولازم تتاسس مر ثانيه ولا بصقطها فانل ما وافقت
وعاندة المدرسه وصقطت بنتي ويوم وديتها مدرسه ثانيه المدرسه الاوله
قالت لي ليش مصقطين لبنيه اهي وايد ممتازه قلت شسوي مو بس بنتي
معها بنات ثانينز
والموقف الثاني هذي السنه مدرسه ولدي بعد العربي وهو اول ابتدائي
ولدك خطه مو حلو ليش تبيه خطاط وهو تو يكتب
وسلوبهم وايد مارف مع اولياء الامور

 

[حلم الطفولة]

مرتاحه أول المشاركات بالموضوع ... تصفيق وابتسامات .. جك جك جك جك

صج يا مرتاحه هالأبله ماعندها صبر !! وعليه بنتج زين نقلتيها ..ومدرس العربي الله يهديه ,, الولد ياي من الروضه حكومه وتوه أولى , شلون يبيه خطاط ..........

,,,,,,,,,,,,,,,,...............,,,,,,,,,,,,,.............,,,,,,,,,,,,,,,,,,,,,

 

[اثمان]

[bالموقف اللى صار لى

ان بنتى دايما تشتكى من مدرستها الانجليزى انها تطالعها بنظره تخوفها

ورحت وكلمت المدرسه طلعت الاخت







طايحتله قرقره وسوالف مع البنات؟؟؟؟؟؟؟؟؟؟؟؟؟؟؟؟ وهذا واهى قاعده اول شىء بويه المدرسه[/b]

 

[ام دودو المزيونه]

في يوم التخضير تفاجئة بوردة بنتي عند الحارس ويوم سألتها شاون وصلت النبته عند الحارس انا قايله لها عطيها لأبلة العلوم ردت انا وديتها للحارس مع صديقتي وتري بنتي بأولي ابتدائي لو صار لها شي عند الحارس خاصةً ان مكانه معزول عن الأدارة بس ماحبيت اسوي مشكله للأبله لأن ما كانت قاصده وتوها جديده بالكويت وبنتي تحبها خاصةً انها احليوه مع البنات وما توقع سمعت عن سوالف الحراس بالمدارس بس زوجي عصب يوم دري وانا هديته

 

[zeeze88]

السلام عليكم ورحمة الله وبركاته شخباركم اخواتى ان شاء الله بخير والله مواقفى وايد مع المدرسات قصدىالجزارات بس موكلهم بعضهم اول شى مدرسة ولدى ابتكرت طريقه لضرب وقامت تطق برجلهاالاخت تعبت من ايدها والثانيه امر من الاولى ومدرسة اسلاميه وتاخذ قلم الرصاص وتقزه فى ذراع ولدى ولا الى تسحبه من اذنه بذمتكم هذى وزارة تعليم ولا تعذيب والله لو يخلونها منازل احسن لنا وتوفر الوزاره بس لا تذكرونى خلينى ناسيه ولا اتناسى احسن مع السلامه

 

[كويتية صغيرة]

عيل انا موقف ايجابي ..... عمري ماراح أنساه

صادفت مدرسة رياضيات لبنتى ...... للحين أدعيلها بالخير من كل قلبي
تهبل .... لأقصى درجة

للحين .... انا الأم موناسيتها ..... لأنى حضرت حصة مع بنتى و شفتها عدل شلون تعامل البنات
مدرسة مثالية بصراحة ..... ياليت كل الأبلات مثلها

* شرح مبسط يناسب عمرهم ..... تعطيهم الخلاصة .... تجينى البنت فاهمة ماتحتاج ادرسها
* تركز على البنات الضعاف .... و تقعدهم جدام ..... و تسألهم أكثر من البنات الشطار لما تتطمن انهم فهموا
* اذا البنت ضعيفة و جاوبت غلط ..... ما تخليها وتروح تسأل بنت ثانية ....لا ..... تكمل مع البنت اللي جاوبت غلط و تمشي معاها خطوة خطوة لحد ماتوصل للجواب الصحيح .... و هذي افضل طريقة للتدريس ...... يعنى صبورة و عندها سعة صدر
* توزع هدايا للبنات اللي يحفظون جدول الضرب و كل يوم اللي تجاوب صح لها هدية .....

هذي الأبلة بالذات ثبتت ببالي ...... لان كل البنات يموتون عليها
:klhfl:

 

[حلم الطفولة]

كويتيه صغيره .. صج خوش موقف ...هذي الابله شكلها مبدعه .. ويمكن دارسه بمدارس اجنبيه وشايفه الفرق

 

[حلم الطفولة]

..... حياكم ..... نتابع بسم الله .........

 

[on line]

من المواقف كنت بمدرسه ولدي مالقيت احد بالاداره يوصل وسيله ورحت لصفه وكانت فتره الفرصه
وانا طالعه من الصف الاهذي الوكيله قدامي ماسكه الولد وتلوي اذنه مسكين خزيتها علي حركتها وانا امشي
اساتني انتي مدرسه هني قلت لا وليه امر
قالت شمدخلج ومن هالحجي قلت والله مافي احد بالاداره وبوصل وسيله ولدي
اهي عصبت وقامت تصارخ شلون وعلي اي اساس اهي موسالفه هامه شلون دخلت اهي تخرعت عشان شفتها يوم تلف اذن الولد بغت تشلعها وكتبتني تعهده هههههههههههههه شخباري ذكرتني ايام الثانويه

والمواقف الحلوه مدرسه بعد خوش وحده اسلوبه روعه في التعامل ماشاء الله خلت الجهال يحبونها وقاموا يدرسون لمادتها من كيفهم يعني مولازم انا وراهم

ومره مدرسه الله يسامحها بالاجتماع قلت لها الاسم قامت عطتني ورقه الامتحان قلت لها مومعقوله هذي ورقه ولدي نصها فاضيه الورقه
وقالت والله الورقه قدامج وشوفيها واطالع الام الا مو اسم ولدي
وبعدها بسم الله اقلب انسانه ثانيه بس للاسف ماتأسفت علي كلامها واسلوبها
تحسون متروسه هههههههههههههههههههههههههه
صراحه اهم لو يسون للمدرسات طبعا موالكل دورات كيف تتعامل مع ولي الامر جان زين لان مالقينا المدرسه الوسط يازينه وولا شينه
والله يكثر المدرسات اللي يدرسون بضمير ويحببون الطلاب بالماده

 

[حلم الطفولة]

on line سالفة التعهد هذي سالفه قويه .. من الخرعه خافت تشتكين !! ,, مشكوره عالمشاركه ضحكتينا

 

[سيدة الكويت]

"]خوش موضوع حلم الطفوله :ggdw:

قبل كانوا عيالى اصورهم فى حفلة المدرسه والناظره شديده حيل عطتنى زفه:tomato2: الله يسامحها جدام الكل
ما تبى احد يصور عياله وسارت هوشه وريلى زفها:gathering:

المهم نقلتهم لمدرسه ثانيه والصدفه انها طلعت مسؤؤله المدرسه اليديده:0bee2e8d89:

توهقت قلت بطلع عيالى ...اثارى هالعيوز ناسيه السالفه:dddds: وبعدين سرنا ربع واسولف معاها ولا جنا سار شئ

والتسامح شئ حلو والله:ggdw: وطبعا كبرت وخلاص راحت بلدها وكل ما اتذكرها اذكرها بالخير[/COLOR][/SIZE][/B][/U]

 

[حلم الطفولة]

"]خوش موضوع حلم الطفوله :ggdw:

قبل كانوا عيالى اصورهم فى حفلة المدرسه والناظره شديده حيل عطتنى زفه:tomato2: الله يسامحها جدام الكل
ما تبى احد يصور عياله وسارت هوشه وريلى زفها:gathering:

المهم نقلتهم لمدرسه ثانيه والصدفه انها طلعت مسؤؤله المدرسه اليديده:0bee2e8d89:

توهقت قلت بطلع عيالى ...اثارى هالعيوز ناسيه السالفه:dddds: وبعدين سرنا ربع واسولف معاها ولا جنا سار شئ

والتسامح شئ حلو والله:ggdw: وطبعا كبرت وخلاص راحت بلدها وكل ما اتذكرها اذكرها بالخير[/color][/size][/b][/u]

:dddds: :dddds: :dddds: لا يكون هي نفسها العيوزه اللي تدرس بنتي !! :dddds:

 

[سيدة الكويت]

:dddds: :dddds: :dddds: لا يكون هي نفسها العيوزه اللي تدرس بنتي !! :dddds:

كخخخ ما اعتقد للحين فيها حيل:eh_s(6):

اهيه مصريه

 

[حلم الطفولة]

لا هذي كنديه

 

[فرحه عمر]

عيل انا بدخل عرررررررررررض وبقولكم قصتي مع اولياء الامور الله يهديهم
لا تزعلون مني بس للاسف ( بعض ) اولياء الامور اتيي واهيا حاطه براسها تهاوش وتهزء المدرسه من غير ما تتفاهم والمصيبه اذا طلعت غلطانه

اول موقف:: طالبه ب 3 ابتدائي بدينا اول اسبوعين دراسه وماكو دفاتر كلللش ,, اشتريت لها دفتر قلت يمكن البنت عندها ظروف ماتسمح حرام ماتكمل مع البنات ... لكن لقيت البنت حتى الواجبات ماتحلها؟؟؟ يااااه .... ليش يا ماما ماتكتبين الواجب بالبيت بعدين تنسين الدرس وسويت استدعاء لوليه الامر ومطنشه وسويت ثاني وطنشت .. سئلت البنت عطيتي امج الورقه؟؟ قالتلي انا امي حامل وتعبانه ماتقدر اتيي ولا تدرسني والله كسرت خاطري هالبنت وقلت يمكن امها حملها عزيز او ظروفها الصحيه صعبه وقعدت احاتيها بالامتحانات لان 3 غيييييييييييير عن اللي قبلها ( انجليزي) المهم ومايطوف شهر ولا 3 اسابيع الا واسئلها امج ماولدت ؟؟ تقولي لاء بعد مايابت بيبي وانا ادعي انه الله يهون عليها المهم مالكم بطواله الحجي ماكو الا الاخصائيه مستدعيتني وليه امر ,, نزلت ولا هذيك المره اللي لابسه فوشي على اصفر على سماوي كسرت عيني الصراحه كلش مو بعمرها اللبس والالوان طبعا اهيا قاعده وريلاكس بس درت اني انا المدرسه الا وتهب بويهي انتيييييي ياللي ماتخافين ربج حاطه دوبج دوب الياهل عقدتيها بس تشكي منج.... قلت لها اذكري الله وانتي منو تبين بالضبط؟؟ قالت المدرسه الفلانيه قلت لها انا!! اذكري الله وهدي وقوليلي شصاير طبعا الغرفه مليانه اولياء امور ومدرسات وانا مهديه اعصابي معاها للاخر ( اذكر وليه امر تقولها قصري صوتج ولا انا اللي بروح اشتكي عليج عند الناظره ) المهم قلت لها شصاير ؟ تقول بتني تشكي منج تطقينها .. اي ليش اطقها ؟ عشان ماتحل الواجب؟ ليش اهي عندها دفتر واجب من الاساس!!! يالطيبه يالحبيبه ماطقيناها غير هالسالفه ,, لااااااا طاقتها بنتي ماتكذب ( يعني انا الكذابه ) اي تحطون حره البيت بهاليهال (( هههه زوجي ينكد على وانا افرغ بالبنات للي مو فاهمه )) وانا حاطه ايدي على خدي وانطرها تخلص اللي بقلبها طبعا اهي واقفه وتنافخ ..قلت لها خلصتي؟؟ قالت اي جان التفت على وليه امر كسرت خاطري ناطره دورها جان اسئلها خير اختي شنو بغيتي تسئليني عنه؟؟ الاولى انصدمت جان تقول هييييييييييييييه احاجيج انا !! شوفو الاسلوب اسمحولي قمت الانحطاط كانت قلت لها خير؟ مو خلصتي؟؟ لاااااا مو بكيفج تكلمين وليه امر ثانيه انا ماخلصت بعد .. قلت لها لا انا اللي خلصت منج واللي تبين تسوينه سويه .. انا بشتكي بروح الناظره قلت لها لو بغيتي المنطقه ولا الوزير نفسه روحي والقلب داعيلج هههههههه طبعا اهيا راحت لمكتب الناظره ماوعيت الا اللي بالغرفه ررررركض وراها وانا وليه الامر الثانيه قاعدين مخترعين شصاير؟؟؟؟ ولا الامهات اللي بالغرفه وراها للناظره وهواش معاها يشهدون معاي والله يابنات ماعرفهم بس من اسلوبها الله يهداها والاخصائيه ردت تضحك تقول حتى ماخلوني اتكلم اقول منو الغلطان .. للاسف طلعت وليه الامر هذي خالت ام البنت وان الام كانت والده قبل المدارس مو حامل وانه الناظره نقلت الطالبه بعدين نقل تاديبي بسببب اسلوب خاله امها
وفي موقف ثاني بس حده بايخ بس شكلي طولت عليكم وضيقت خلقكم

يبه تاكدو من عيالكم اول انا ما اقول جذابين بس اذا تكرر الموقف من الامدرسه لا معاج حق تروحين لها واهم شي الاسلوب مو عشان مدرسه وتخافين على بنتج منها تحقد عليها لان اللي يخاف الله مايهمه احد اهم ماعليه مرضاه الله بس الاسلوب مهما كان ياثر بالشخص سواء كان اسلوبج زين معاها او مو زين

 

[رفرف]

فرحة عمر ..

موقفج تححححفه امبيه اولياء الامور اللي من هالنوع نكته ..



انا صارلي موقف وانا صغيرة يمكن برابعة ابتدائي كنت وااايد شاطرة وطالعة الأولى ع المنطقة التعليمية بكبرها وماخذة مراكز أولى بمسابقات القرآن وكذا مسابقة ..
وامي كانت مدرسة بالمدرسة بس انا كلللش ماروح لها ماجني بنتها (متحلفة فينا)
المهم كانت مدرسة الرياضيات مع امي بنفس الغرفة بس ماتدري اني بنتها ولا شي .. وسألتني وين دفترج كنت ناسيته .. ماشوف الا ذاك الطراق اللي فر ويهي .. يعل ايدها الكسر انشالله ومو محللة لا دنيا ولا اخرة .. المهم بمرة امي امي انصدمت دشت الصف شنو شسالفة بس ماشافت الطراق شافت الزف والسب وهي توهقت لما درت انها امي قامت تبولع بريجها وللأسف امي نوعها قلعتج نسيتي الكتاب تحملي اللي اييج فما خذتلي حقي من جذي انا حاقدة علمدرسة لي اليوم وحتى بصلاتي ادعي عليها (حقودة كيفي حقي ابيه) .. هذا نموذج ..

النموذج الثاني ابلة بنتي بالروضة طبعا بنتي كانت بروضة خاصة .. وابلتها عسل عسل عسل بمعنى الكلمة .. غير مستواها القوي بالتدريس والمتابعة أول بأول ولو تشوفني باخر الدوام وهي رايحة سيارتها توقفني وتكلمني عن مستوى بنتي مو انا اللي اوقفها .. وتعطيني افكار للتدريس .. غير ان نفسيتها روعة مع اليهال ومع اهلهم يعني هاذي اللي صج ادعيلها ليل ونهار لأنها اثرت بمستوى بنتي بالمدرسة واثرت بنفسيتها بنتي كانت وايد تستحي وشوي مترددة مو واثقة من نفسها قامت تخليها الليدر وتقعدها يمها وتشجعها لين تحسنت .. وحتى لما تزف بنتي او تهاوشها باسلوب راقي الصراحة بنتي بروحها تقولي لأني انا غلطانة وسويت جذي وجذي اهيه زعلت مني ..

 

[فرحه عمر]

ياحليلج يارفرف عيل سمعس سالفتي الثانيه
الله يسلمج ممنوع على وليه الامر تروح للمدرسه بغرفتها نهاااااااائي اي شي تبيه تروح للاخصائيه ويصير الموضوع جدامها حفظا لحقوق الكل .. هذي وحده المشكله تصير حق مره حماي ويتني للغرفه وسحبت كرسي وبسطت وانا انحرجت منها مو مشكله انا انزف من الاداره بس القسم كله راح اييه حجي بعد والطامه الكبرى انه غرفتنا كلها دريشه كبيره على الساحه يعني مكشوفين وغرفتنا نفس ممر الاداره يعني ما تترقع ,, صراحه انا استحيت منها وسكت واهي على كلامها كانت تبيني بموضوع خاص عن بنتها وقعدت تقولي انا بنتي ماتسمع عدل عفيه قعديها جدام قلت لها الاداره منبه على هالموضوع ومالي ايد فيه حتى بنتي قصيرونه مقعدينها ورا وماتكلمت لانه هذا كلام مافي مجال تفتحينه مع الاداره وماقدر اغير مكانها واظلم البنت الثانيه .. سكتت جان تقول خلاص عفيه اذا شرحتي نقطه مهمه خليج قريبه منها وطولي صوتج ,,, هذي مقدور عليها قلتها وانا اضحك .. سكتت جان تقول انا بنتي دايمن تسرح حتى بالبيت اناديها ماترد حتى صرت اقول لابوها انا اشك انه بنتي عاشقه!!!!! (( بنتها ب 3 ابتدائي )) طبعا انا حلجي طاح بحضني وانا مو حاسه والمدرسه اللي معاي بالقسم وكانت تحضر من سمعت كلامها رفعت راسها منصدمه من كلامها وتاشرلي هذي صاحيه؟؟ لان الام وهي تسولف لي سرحت شوي
طبعا البنت مستواها الدراسي اقل من المتوسط بشوي وانا معاها ايد بايد .. اتفاجء بامها باجتماع الامهات اذا شافتني تنحاش وتهرب ..غريبه انها ماتسئل عن بنتها واهيا حارصه توصيني اول السنه ......... تفاجئت بعدين انه الحبيبه رايحه الحج وتحش فيني ((( حسبي الله ونعم الوكيل ))) ومابقى كلمه ماحطتها فيني اني عصبيه واني اصرخ على بنتها واتحرش فيها واني حاطه دوبي دوبها بس اوقف يمها واصرخ ملاحظه هالشغله . واني تبليت على بنتها واني قلت لها بنتج مو صاحيه ترى فيها توحد,,,, طبعا الحجيه تحش وماتدري انه عمتي قاعده معاهم ولما درت انصدمت وطبعا عشان جذابه مالها ويهه تكلمني تخاف احط حرتي ببنتها !! شكو مادري
وانا خير شر مادري عن الموضوع

 

[روحي تحب]

مشكوره اختي حلم على الموضوع الحلو ......شكلنا بنفتح دفاتر قديمه هههههه

عيل آنا بقول سالفه صارت معاي لما كنت ب3 ابتدائي الحمد الله كان مستوواي بالدراسه وايد زين بس طبعي هاديه وكله ساكته واذا تكلمت كله يقولولي مانسمع علي صوتج المهم عاد مره كنت غايبه مريضه وثاني يوم داومت وبآخر حصة الرياضيات الابله قالت بعطيكم امتحان قصيير بدرس امس وعطتنا الامتحان الحمد الله حليت بس بقت مسأله وحده ماعرفتها وهي اصلا من درس امس اللي آنا غايبه فيه مامداها امي تشرحه لي ....طق الجرس والابله معصبه تقول ليش ماخلصتي قلتلها بس ماني عارفه هالمسئله ما اشوف الا طرااااااق على اذني اليمين بجيت على طول من الصدمه وقلتلها آنا كنت غايبه امس جان تعطيني طراااااق ثاني على اذني اليسار والتفتت على رفيجتي يمي هم طقتها على راسها طبعا حسيت اني تعبت وصبرت نفسي لغاية مارديت البيت

ماتكلمت لغاية الليل وآنا ما اكلم احد...... سالوني اهلي شصاير مارديت عليهم هزوني قلتلهم مااسمعكم كاني غايصه فبحر عاد على البراد قلتلهم بس الابله طقني الحين ما اسمع شئ وراسي يعورني ....ثاني يوم امي حسبالها اتهرب ماابي اروح المدرسه ودتني مستشفى مبارك وقالت للدكتور بنتي من امس تشتكي من اذونها وللاسف امي ماكانت مصدقتني لانها تستبعد اني انطق قام الدكتور وقال حق امي راح احولج الحين للتحقيق واستدعى ضابط المستشفى امي قالتله ليش قالها البنت اذونها الثنتين منبطين طبلاتهم واكيد انتي طاقتها طبعا امي انصدمت قالت المدرسه:eh_s(14):

حتى سألوها آنا ماكنت اسمع الا غصب او بالاشاره قلتلهم المدرسه طقتني وحولونا على المخفر والدنيا انعفست وطبعا راحوا المخفر للمدرسه جان تنحاش اثاري مو من سالفتي منحاشه اهي ريلها بالسجن الحمد الله والشكر ومغتلس اموال عامه وحسبالها تم استدعائها
سالوا بنات الصف شهدوا اني ماسويت شئ وطقتني فجأه وطقت البنت اللي معاي دوروا البنت لقوها غايبه مثلي و اهلها مودينها المستشفى مرتفعه حرارتها وواصله 40 من يوم ردت من المدرسه وموراضيه تنزل البنت الصدمه اثرت فيها بشكل قوي
المهم حولوها قضيه وتم استدعائها ورايحه وراده للنيابه وماكو شغل تالي اهل بنات الصف قالوا مانبي ندخل بناتنا بمشاكل نخاف يتاثرون الا ولي امر وهو دكتور معروف بالجامعه الله يذكره بالخير خذا بنته ووداها تشهد قال اليوم بنتكم باجر بنتي آنا يمكن

المهم آنا ماداومت بالاشهر لاني اتعالج بمستشفى الصباح وبهالفتره ماادري شنو صارلها وبيوم الا طاق بابنا ريال الا ريلها وطالع بكفاله ويقول زوجتي توها طلعت حامل وآنا ماني عارف مصيري والمحامي يقول انها راح تنحكم تقريبا سجن 3 سنوات واحنا عايشين على راتبها ووقتها زوجها قضيته هازه الكويت وقام يبجي ضغط على ابوي وقام ابوي قال آنا راح اسال الدكتور اذا بنتي راح تشفي 100% راح اتنازل

ابوي قام وتنازل وامي موراضيه وقالت امي حق ابوي انها بتنقلني بمدرستها قال لا خليها عادي المهم داومت غيروا مكاني خلوني جدام علشان السمع وباول يوم بدينا حل مسائل صلحتلي الدفتر ماكان عندي ولاغلطه جان تقوم وتطقني بالدفتر على ويهي على طول الغى ابوي التنازل جان تقول تقدم تقاعد وانحكمت 3 سنين ونص سجن مع وقف التنفيذ لاني شفيت ولانها تقاعدت ونظرا لظروفها النفسيه من اثر قضية زوجها......المصيبه بعد ابوي قام يبي يرفع قضيه استاناف قاموا واكتشفوا انه ملف القضيه تعرض للسرقه و بدفع رشوى وهذا اللي عرفناه بحكم شغل اختي بقصر العدل بصراحه ابوي قال هذول اشكال ينخاف منهم اخاف يسوون فبنتي شئ واهم شئ انه السمع راح يرد ومانبي شئ منهم الله فوقهم وهو اللي ينتقم منهم

يعني اهم تتعب نفسيتهم واحنا نبتلش اهي ريلها يغتلس واحنا نبتلش حسبي الله ونعم الوكيل ووحده من المدرسات معاها بالصدفه طلعت تصيرلنا تقول كانت تقول عني اكرها اكره اشوف عيونها علشان جذيه طقيتها ومستعده اطقها بعد وبعد الحمد الله والشكر الله يعينها على نفسها طبعا من الفضيحه وقتها اغلب اللي يعرفونها يعرفون سالفتها جان تتنقب وذاك اليوم يعلنون عنها ألا اهي وريلها بعد الغزو طلع من السجن صاروا دعاة دين حسبي الله ونعم الوكيل
ماني محللتها الاذيه اللي شفتها ومااصدق انه هالاشكال تنفع تكون داعيه حتى لو تغيرت


وسامحوني طولت عليكم بس ماقدرت اختصراكثر من جذيه ولانه قصتي فيها عبره انه لازم تصدقون عيالكم اذا قالولكم شئ لغاية ما يتبين العكس

 

[رفرف]

مشكوره اختي حلم على الموضوع الحلو ......شكلنا بنفتح دفاتر قديمه هههههه

عيل آنا بقول سالفه صارت معاي لما كنت ب3 ابتدائي الحمد الله كان مستوواي بالدراسه وايد زين بس طبعي هاديه وكله ساكته واذا تكلمت كله يقولولي مانسمع علي صوتج المهم عاد مره كنت غايبه مريضه وثاني يوم داومت وبآخر حصة الرياضيات الابله قالت بعطيكم امتحان قصيير بدرس امس وعطتنا الامتحان الحمد الله حليت بس بقت مسأله وحده ماعرفتها وهي اصلا من درس امس اللي آنا غايبه فيه مامداها امي تشرحه لي ....طق الجرس والابله معصبه تقول ليش ماخلصتي قلتلها بس ماني عارفه هالمسئله ما اشوف الا طرااااااق على اذني اليمين بجيت على طول من الصدمه وقلتلها آنا كنت غايبه امس جان تعطيني طراااااق ثاني على اذني اليسار والتفتت على رفيجتي يمي هم طقتها على راسها طبعا حسيت اني تعبت وصبرت نفسي لغاية مارديت البيت

ماتكلمت لغاية الليل وآنا ما اكلم احد...... سالوني اهلي شصاير مارديت عليهم هزوني قلتلهم مااسمعكم كاني غايصه فبحر عاد على البراد قلتلهم بس الابله طقني الحين ما اسمع شئ وراسي يعورني ....ثاني يوم امي حسبالها اتهرب ماابي اروح المدرسه ودتني مستشفى مبارك وقالت للدكتور بنتي من امس تشتكي من اذونها وللاسف امي ماكانت مصدقتني لانها تستبعد اني انطق قام الدكتور وقال حق امي راح احولج الحين للتحقيق واستدعى ضابط المستشفى امي قالتله ليش قالها البنت اذونها الثنتين منبطين طبلاتهم واكيد انتي طاقتها طبعا امي انصدمت قالت المدرسه:eh_s(14):

حتى سألوها آنا ماكنت اسمع الا غصب او بالاشاره قلتلهم المدرسه طقتني وحولونا على المخفر والدنيا انعفست وطبعا راحوا المخفر للمدرسه جان تنحاش اثاري مو من سالفتي منحاشه اهي ريلها بالسجن الحمد الله والشكر ومغتلس اموال عامه وحسبالها تم استدعائها
سالوا بنات الصف شهدوا اني ماسويت شئ وطقتني فجأه وطقت البنت اللي معاي دوروا البنت لقوها غايبه مثلي و اهلها مودينها المستشفى مرتفعه حرارتها وواصله 40 من يوم ردت من المدرسه وموراضيه تنزل البنت الصدمه اثرت فيها بشكل قوي
المهم حولوها قضيه وتم استدعائها ورايحه وراده للنيابه وماكو شغل تالي اهل بنات الصف قالوا مانبي ندخل بناتنا بمشاكل نخاف يتاثرون الا ولي امر وهو دكتور معروف بالجامعه الله يذكره بالخير خذا بنته ووداها تشهد قال اليوم بنتكم باجر بنتي آنا يمكن

المهم آنا ماداومت بالاشهر لاني اتعالج بمستشفى الصباح وبهالفتره ماادري شنو صارلها وبيوم الا طاق بابنا ريال الا ريلها وطالع بكفاله ويقول زوجتي توها طلعت حامل وآنا ماني عارف مصيري والمحامي يقول انها راح تنحكم تقريبا سجن 3 سنوات واحنا عايشين على راتبها ووقتها زوجها قضيته هازه الكويت وقام يبجي ضغط على ابوي وقام ابوي قال آنا راح اسال الدكتور اذا بنتي راح تشفي 100% راح اتنازل

ابوي قام وتنازل وامي موراضيه وقالت امي حق ابوي انها بتنقلني بمدرستها قال لا خليها عادي المهم داومت غيروا مكاني خلوني جدام علشان السمع وباول يوم بدينا حل مسائل صلحتلي الدفتر ماكان عندي ولاغلطه جان تقوم وتطقني بالدفتر على ويهي على طول الغى ابوي التنازل جان تقول تقدم تقاعد وانحكمت 3 سنين ونص سجن مع وقف التنفيذ لاني شفيت ولانها تقاعدت ونظرا لظروفها النفسيه من اثر قضية زوجها......المصيبه بعد ابوي قام يبي يرفع قضيه استاناف قاموا واكتشفوا انه ملف القضيه تعرض للسرقه و بدفع رشوى وهذا اللي عرفناه بحكم شغل اختي بقصر العدل بصراحه ابوي قال هذول اشكال ينخاف منهم اخاف يسوون فبنتي شئ واهم شئ انه السمع راح يرد ومانبي شئ منهم الله فوقهم وهو اللي ينتقم منهم

يعني اهم تتعب نفسيتهم واحنا نبتلش اهي ريلها يغتلس واحنا نبتلش حسبي الله ونعم الوكيل ووحده من المدرسات معاها بالصدفه طلعت تصيرلنا تقول كانت تقول عني اكرها اكره اشوف عيونها علشان جذيه طقيتها ومستعده اطقها بعد وبعد الحمد الله والشكر الله يعينها على نفسها طبعا من الفضيحه وقتها اغلب اللي يعرفونها يعرفون سالفتها جان تتنقب وذاك اليوم يعلنون عنها ألا اهي وريلها بعد الغزو طلع من السجن صاروا دعاة دين حسبي الله ونعم الوكيل
ماني محللتها الاذيه اللي شفتها ومااصدق انه هالاشكال تنفع تكون داعيه حتى لو تغيرت


وسامحوني طولت عليكم بس ماقدرت اختصراكثر من جذيه ولانه قصتي فيها عبره انه لازم تصدقون عيالكم اذا قالولكم شئ لغاية ما يتبين العكس

حسبي الله على هالاشكال معذورة حبيبتي لو شنوو لا تحللينها مرضى نفسيين يدرسونا !! شنو انتقام اهوه ؟؟ اللي تطق على الايد وطقة خفيفة ماشي اقول بنتي غلطانة وبتربيها .. بس طراقات وين قاعدين ؟؟ واااي جان زين يرد الزمن ورا واقدر ارفع قضية وابهدل المدرسة اللي طقتني تدرين والله جان اسويها ..


فرحه
الله يعينج على ما ابتلاج .