موقف صار شكيت في زوجي و الله العالم ...موضوع يهم المتزوجة خخخخخخ

[قمة^الانوووثة]

بنات الحين الساعة 3 الفجر انا بريحاتي و طرى على بالي شي ماحب اتذكره لكن تذكرته و ابي احد يشاركني لانه كلش ما قلته لاحد و لا افكر اقوله لاحد

السلام عليكم ورحمة الله و بركاته

عزيزاتي
بنات تقريبا مرتين او 3 مرات صارلي هالموقف لكن ابي تفسير انا ما اتممنى اكون ظالمة لكن ان شاء الله اللي افكر فيه مو صج


شوفو اهو موقف بالاحرى مكالمة بيني و بين زوجي صارت 3 مرات و شكيت بشي

مرة دقيت عليه و رد علي يسولف لكن وين المشكلة؟؟؟
اني اسمع صوتي صدى صوتي ::: يعني كأنه حاط سبيكر و قلت شغلة جان اسمع صوت واحد يضحك عنده و هو ضحك @@

سكرته عادي و قلت بيني و بين نفسي امبيه مو من صجه لا يكون حاطه سبيكر و احد يسمعني شقلت!!

المهم ان هالموقف تكرر مرتين او 3 مرات و مادري هل اهوا صدفة!! زين ليش اسمع صدى صوتي !! مادري انا مو خبرة الموبايلات لكن شكيت صراحة


انا ماودي اقول سالفة بدون موضوع
انا سمعت ان الشباب بينهم يسولفون و يجيبون طاري زوجاتهم بس هل ممكن زوج يخلي رفيجه الخاص يتسمع محادثة بينه و بين مرته @@

يعني انا بصراحة زوجي ماتوقع يسويها لكن الموقف يبعث الشك و الريبة يعني انا اقول كلام يضحك و اسمع صوت واحد يضحك جنه منخش !!!
مادري يمقن صدفة يمقن وسواس!! :yaaaaaarb:


زوجي احيانا يسولف عن ولادة مرت رفيجه يعني يقول رفيجي مرته ولدت و صار معاها جذي و جذي !! @@
يمه منهم صارو اخس منا يالحريم!!!
و تخيلو ساعات مثلا مرة صار معاي التهاب و كان زوجي عندي طلع و لما رجع جايب معلومات جديدة @@
او اي شي يصير خصوصا الامور الحريمية النسائية يطلع من يرجع من هالديوانية الا و جايب معلومات و نصايح
صراحة شكيت انه يكلم بنات صاير خبرة الحبيب :krkrkr:

ما يندرى !!!



لكم المايك

 

[رنيم الروح]

كل شي جايز عندهم صارو ا يتكلمون بسوالف الحريم اكثر منا حتى اذا مايكلم بنات عنده ربعه يشرحون اله بالتفصيل الممل مافي رجوله مثل قبل مالهم امان صديقتي مره قالت لي انهم اغلب جمعاتهم سوالف عن الحريم والمصيبه الي يتكلم عن زوجته ولا يعلق عليها الله يستر علينا بالنسبه الصدا الصوت اتوقع عادي احيانا يصير وانا اتكلم بالتليفون مع اي احد

 

[شادن33]

لا حبيبتي انا تصير معاي مرات لما اكلم اخوووي اسمع صدذى صوتي
ترا بعض الموبايلات موصاحيه خخخ عاادي لاتشكيييين
وبالنسبه لسوالف الحريم يمكن ريلج يسمع سوالف ربعه ومشاكل حريمهم صار عنده خبره متنقله

 

[Patcholli]

ماتوقع في ريال عنده غيره على مرته يسمع صوتها لانسان غريب حتى لو كان اخوه المفروض عنده غاريه وانتي ادرى بزوجج من هالناحيه

يمكن كان ارفيجه يظحك على تعابير ويه زوجج وجذي لاتحكمين عليه وجان كلمتيه بنفس الوقت قلتيله منو يظحك يمك اشفيه وليش صوتي صدى

لان حتى لما يحط الهاند فري يصير صدى جان سألتيه وريحتي بالج ولا هالشك الي انتي فيه الحين ^_^

 

[صمت المرافئ]

نفس راي الاختين اللي قبلي
وبالنسية لسوالفة عادي
يمكن متربي بين بنات
يعني متأثر بأمه وخواته
فينعكس هالشي على طريقة تفكيره
لا تشكين فيه الله يخليكم لبعض
​

 

[دلوعة-زوجي]

هاي
شلونكم
موضوعج حساس جدا بس سوال قبل لا اشارك بموضوع زوجج يغاار عليج او صاير فري معاج لانه هالايام شبابنا طايحين بموضوع خايس الله يكفينا شرهم

 

[نونه المنكوشه]

امممممم مسالة انه يحط سبيكر ورفيجه يمه مستحيل اله بحاله وحده انه اللى عنده مره موريال وانا مابى اظلمه انته ادرى بريلج ولكن موضوع الصدى لهاااا تفسيرات وايد انا مابى اشككج زياده لكن يقولون اللى بالجدر يطلعه الملاس وانتى بيدج الجدر والملاس اضربيه فيه هههههه لالا اتغشمر ساليه وريحى عمرج

 

[جـــواهر]

مثل ماقالو بعض البنات دام بقلبه غاريه مستحيل
يسمع صوت مرته لرفيجه بس شوفي من ناحية انهم
يسولفون جايز يعني مثلا بالامور السطحيه فقط لاغير
ممكن يفيدون بعض بس اسرار الفراش والامور الشخصيه
ماكو رجال عنده غاريه يسولف فيها

 

[ALMooOooN]

الله يريح قلبج حبوبتي

بالنسبه للصدي صايره معاى فوق ال 30 مره

لا تظلمين بختج

و بالنسبه للضحك اللى يمه

سأليه عادي

و بالنسبه لج تعوذي من ابليس ولا تخلين الشيطان يلعب براسج

الله يهدي سركم و يجمعكم على ود و حب و خير

ياااارب

 

[قمة^الانوووثة]

انا اعرف زوجي مستحيل يسوي جذي
مجرد كان شك
لكن انا ربطت موضوعين في بعض يعني الزبدة ان رياجيل هالايام الاحظ زوجي عنده خبرة و يقول احنا بالديوانية مانجيب طاري الحريم قلت و مرت رفيجك اللي بالولادة صار فيها شدراك؟؟؟

اه منهم المصيبة يتناقشون بسالفة الولادة خاص او حكومة يعني يحللون كل شي هههههههههههههههه
عاد انا احس اشكالهم تضحك لما يسولفون عن الحريم هههههههههههههههه

 

[a7la-elbanat]

حبيبتي تأكدي مثل ما احنا يالحريم نتكلم وتهمنا امور الريايل اهم بعد نفس الشي يتكلموون وايد بامور الحريم وهالشي صار عادي بالمجتمع يعني

 

[نـعـومـه]

سالفه الصدى مادري جان قلتليه شسالفه ليش صدى !

وصح مرات زوجي اييب معلومات اقوله لايكون انت تسولف عند ربعك جذي !

مثلا زوجي قال ان رفيجي سفر مرته اوربا وعقبها بسنه سفرها دبي استانست على دبي اكثر لانها تسوقت واوربا ماتسوقت ويقول لزوجي ان انقهر مسفرها اوربا وقاط اخر شي حبت دبي اكثر .؟؟؟؟؟!!!!!!!!

حسيته قال تفاصيل وايد

هذا مثال

 

[PuPa^^SWeeT]

والله ما يندرى


بس سالفة انه يسمع صوتج حق احد


هذي صعبة

جان سالتيه

 

[رمش الغلاااا]

لا ما ظنتي مو لهدرجه صاااروو خنازيير خخخخخخخخخخخخخخ

 

[Om_Ksha]

الدوانية مدرسه مصغره كل شي يعلمونهم ويعرفونه ويخربون على بعض ويشيشون بعض كل اللي اباااااالج يصير
وعلى حسب الدوانيه ان كان اروادها صالحين ولا فاسدين

والله يعينا عليهم

 

[فوفو22]

الصدى وارد جدا بالاجهزه الجديده

اما سوالف الخاصه بين الزوجين

اتوقع هذا يعتمد على شخصيه الشخص نفسه

يتقبل من غيره اي موضوع

ويقبل على نفسه طرح اموره الخاصه بين الاصدقاء

بالنسبه لي هناك تحفظ بالعلاقه الخاصه وما تشمل من امراض سوالف .....الخ

بالنسبه لزوجي اتوقع هو احرص مني على كذا

فوفو

 

[وجـه البـدر]

ياشين الرجال اذا يسولف عن خصوصيات الحريم وسوالفهم احسه مره ..

وين الرجوله ؟؟ وين الخشونه ؟؟ وييييييييييييع

 

[ام الحلوااات]

اللــــــه يــطــمـــن قـــلـــبــــج ويـــريـــحـــج

 

[ملوكـه]

اوكي مالج لسان تسألينه وينتهي الموضوع
بـ لا او ايه !!!

منزله موضوع
وكل وحده تعطي رايها
يمكن صدى يمكن لا
خيرررر ان شا الله
فراغه صج

 

[امـ خــزامـى]

لاتوسوسين كثثثثثثثثثثثثثير يصير صدى مع كل الناس
وبالنسبه لسوالف الولاده والمستشفى يعتبر نقاش عادي ومهم بنفس الوقت
جتى السفر ماشوف في شي ابدا تبادل الخبرات

وعمر ماكان سوالف عن الحريم تقلل من الرجوله والخشونه