موقف صارلي اليوم و تعبني :'(

[~Unreachable]

السلام عليكم بنات

اول مره اكتب موضوع بهالقسم

بس جد محتاجه احد يهون علي اللي شفته

الله يسلمكم كنت طالعه مع امي و بنت اخوي الصغيره نتمشى

و الجو كان حلو ف منزله الجام و نتمشى بالسياره عالبحر انا كنت اسوق وامي يمي و بحضنها بنت اخوي

لفيت ويهي عليها بلعب معاها جان فجأه اشوف سياره قربت و اللي يسوق مطلع ويهه و يضحك

انا شفت ويهه جااان اصررررخ يماااااا و احط ايدي على قلبي و ادوووووس :'(

امي ماشافته و ماتدري شصار فقامت تزفني شفيييج شحقه تصرخين جذي

جان اقولها يمااا شوفي ويهها الحين بيي و خففت

يوم قرب رد يخز و يضحك

جان امي تقولي يالمينونه لابس قناع !!!

بنات بوصف لكم ويها

تعرفون الويه لمه يذوووب مو يحترق لا يذووب و يتشوهه

في ماده اعتقد اسمها تيزاب او شي جذي تذوب اليلد شايفتها بفلم

ويها جنه ذايب و مشوه بس مرممينه يعني مسويله تجميل

شلون ويه مايكل جاكسون بس ذايب و نفس الخشم بالضبط

انا ماصدقت انه ماسك !! بس اللي شككني انه يروح عند كل سياره فيها بنات و يطل بويوهم ويضحك

وتعالوا سمعوا صراخهم !!

انا من الخرعه قاعده اقول حق امي تكفين سأليه قناع ولا صح !!

وامي تضحك تقولي شفيج قنااااع

بس وقفنا عند الاشاره صار يمنا لفيت شفته و اخترعت مره ثانيه جان اقول حق امي تغطي عيون بنت اخوي

لانها قاعدت تطالعه و ساكته من الصدمه

و امي تشوفه و تقولي امبي ترى ويهه صج لانه قاعد يحك خشمه و طلع اصابعه و لا ذايبيييين من فوق :'(

واي بنات ماني قادره انسى الي صار

احس وايد بالغنا بردة فعلنا و انا صرخت بويهه و غطيت عيون بنت اخوي جدامه و غير التتنح اللي صار

بنات والله عور قلبي المشكله انه يضحك و قاعد يعرض اللي صار فيه بطريقه تشككنا بعقله

والله اول ماطفته جان اقعد ابجي ماقدرت اتحمل

حتى ضروسه و فكه تركيييب :'(

امي تقولي اصلا شي حده زين انه واثق من نفسه و يضحك ونفسيته حلوه ماشالله

امبي بس انا كرهت نفسييييي ،تخيلوا اطالعه بنظره اللي مخترعه على منصدمه على مو مصدقه

واهوا شاق الحلج و يأشر ة مادريي شيقووول !!!

احس بتأنييب ضميير فضيييييييع والله بس ابجي مو قاده انام و خايفه ؛'(

و بنفس الوقت عور قلببي قاعده افكر من شنو صارله جذي ة شلون *

 

[اميره بكلمتي]

وييييييييييييهه يعني الحين بالضبط لابس قناع ولا وجه صج لان حدي اخترعت

 

[اليكسا]

بصراحه مدري شقولك

لكن ردة فعلك طبيعيه

وخاصه انه راح عند البنات وخرعهم وصرخوا بعد !

وهو ضحك !!!!!!!!!!!!! ..

فلا تحاتين واجد ويعورك قلبك .. لأنه هو اللي حط نفسه بالهموقف !

وخاصه انه يخز ويضحك << قوويه يضحك !

واذا هذا وجهه صدق

الله يعافيه ويشفيه والله يعافينا مما ابتلاه ...

 

[~Unreachable]

ايي بناااات ويهه صججج ؛'(

الله العالم محترق او منكته عليه ماده ذوبت ويهه

 

[إيمي1987]

رد : موقف صارلي اليوم و تعبني :'(

اذا صج الله يكون بعونه

بس حتى ولو رده فعلج طبيعيه

واهو الله يهداه الا يطلطل على سيارات البنات شنو يعني شوفوني والا شنو


الله يشفيه يا رب

 

[*peace*]

رد : موقف صارلي اليوم و تعبني :'(

مسكين الله يشافيه يارب

يمكن قناع ويمكن لابس دسوس

 

[فخامه كبريائي]

رد : موقف صارلي اليوم و تعبني :'(

لوووووووووووووووووووووووول
انتي حيييييييييييل حساسه ....
اذا اهو يبي يخرع البنات و يضحك ...ليش تضيقين خلقج ...!!
بتمر الايام و تنسين ..

 

[~Unreachable]

انا مشكلتي ماحب اطالع احد بنظرة شفقه او عطف

احس هالشي يجرح لاني احط نفسي مكانهم

 

[حسآويه]

رد : موقف صارلي اليوم و تعبني :'(

لوووووووول اذا اهوا بطلطل عالبنات و يضحك ليش يأنبج ضميرج ااذا عادي عنده


ضحكني و قهرني و كسر خاطري

 

[~Unreachable]

واااي والله لو شفتوا اللي شفته جان ماضحكتوا

مسكين يمكن مضرور او موصاحي اوالحادث اثر فيه ؛

بيس

لاويهه مبين حتى لحيته خفيفه مبين صج مو ماسك

شفته عدل و من كل الجهات :/ كنت احاول اجذب عيني

مسكين

 

[اميره بكلمتي]

الصرااحه غريب امره

عسى الله يشافيه يارب

 

[الاحساس]

انتي حاسة بتأنيب الضمير بس انتي ماكنتي تدرين انه اهوا صج هذا ويها انتي حسبالج قناع

ماله داعي يضيق خلقج

 

[عاشقه رويشد]

قاعده اتخيل انا مكانج صج الله يعينج ذكري الله واهوا الله يعينه اذا صج ويهه جذي

 

[Tulips]

رد : موقف صارلي اليوم و تعبني :'(

وااااي امبيه

لو اشوووف بعيني ما اصدق

معقووووله واحد يستغل تشوهاته عشان يخرع الناس فيهم ؟؟

للهدرجه ماكو احساس !!!

اخاف لابس لبس تنكري .. ترا صدقيني المكياج يسوي بلاوي واكبر دليل افلام الرعب

والله يعينج انتي وامج والمسكينه بنت اخوج شلون بتطلع صورته من مخكم

 

[شيخـة الـزيـنـااات]

الله يشفيهه ويهديه


وانتي حاولي انج ما تحطييين الموضوع ابالج

وانا لو مكانج هم نفس ردة الفعل فطوفي يمكن واحد يستعبط

 

[M!ss Bask!n]

إإإإإإإإإإإإي عرفته تقريبا مرتين او 3 مرات شفته معروف هالولد حتى الشباب يخترعون منه s: هذا دايما جذي يسوي !!
ماادري شسالفة ويهه ! يمكن مسوي حاادث ولا محترق مادري
والله ما ابالغ اذكر مره لفيت ويهي ولا اهو مطلع راسه من الدريشه ويضحك .. بس ما اخترعت مادري ليش !! كسر خاطري وابتسمت إن عااادي ( مو عبالكم إني خفيفه ) بس مادري ليش جذي كانت ردة فعلي .. لأن انا عارفه قصده يخرع البنات ويبيهم يصارخون ..ارفيجتي صاارخت اخترعت .. آخر شي جان يسويلي fly kisses كسر خاطري والله لأن يوم سوااها اصابعه مقصوصه مادري شصاير فيه
سيارته مرسيدي ابيض جنه p: < قلت قصة حيااته خخخ

ماعليه حبيبتي بتنسين عادي

 

[kindar]

رد : رد: موقف صارلي اليوم و تعبني :'(

إإإإإإإإإإإإي عرفته تقريبا مرتين او 3 مرات شفته معروف هالولد حتى الشباب يخترعون منه s: هذا دايما جذي يسوي !!
ماادري شسالفة ويهه ! يمكن مسوي حاادث ولا محترق مادري
والله ما ابالغ اذكر مره لفيت ويهي ولا اهو مطلع راسه من الدريشه ويضحك .. بس ما اخترعت مادري ليش !! كسر خاطري وابتسمت إن عااادي ( مو عبالكم إني خفيفه ) بس مادري ليش جذي كانت ردة فعلي .. لأن انا عارفه قصده يخرع البنات ويبيهم يصارخون ..ارفيجتي صاارخت اخترعت .. آخر شي جان يسويلي fly kisses كسر خاطري والله لأن يوم سوااها اصابعه مقصوصه مادري شصاير فيه
سيارته مرسيدي ابيض جنه p: < قلت قصة حيااته خخخ

ماعليه حبيبتي بتنسين عادي

اي حبيبتي صح كلامج اهوا معروف كله يفتر عالحب وعلى الخليييج وجنه عنده سيكل بعد اهوا ويها محترق مشوه واصابعه محترقه ذايبه الله يشافيييه ويعييييينه على ما ابتلاه :0bee2e8d89: قبل كان يلبس قناع يخش ويهه اعتقد بس بعدين قط القناع ويتحرش بالبنات يخرعهم ويطلع ويهها من الدريشه انا لما شفته والله انه قلبي انكسر علييييه وتكدرت وتضايقت يا الله ما اتخيل الحمدالله على الصحه والعافيه الف الحمدالله

 

[أإلع ـشق دلع ـهـأإ]

.












الحمدلله ع الخلقه الزينه .. والصحه والعآفيه ..
والحمدلله اللذي عآفآنآ ممآ أبتلآه وفضلنآ على خلقه تفضيلأ ..

كسر خآطري والله

























.

 

[0(مـــســـ(مطير)ــــــك)0]

لاحول ولاقوة الا بلله .. يمكن مريض نفسي ؟!
والا من القهر اللي فيه قعد يسوي جذي
الله يشافيه ان شاءالله .. والحمدلله لذي عافانا مما ابتلاه به وفضلنا على كثير من خلقه تفضيلا

 

[بالقرآن اسمو]

الحمدلله اللذي عآفآنآ ممآ أبتلآه وفضلنآ على خلقه تفضيلأ
لا تحاتين حبيبتي ردت فعلج طبيعيه
غصب عنج جاج على غفله