موقفي من صديقتي ايش رايكم فيه

[اريج الخليج]

مرحبا بنات اول مرا اكتب بهذا القسم بس لاني محتاجه احد اتكم معاه عن مشكلتي

انا عندي صديقة من 17 سنة انا وياها اغلب سواليفنا تلفونات طبعا صديقتي متزوجة عندها ماشاءالله 4 عيال

لما كنت مع الوالدة بالمستشفى وكنت اهتم فيها اتصلت علي ولي عنها بذاك اليوم 4 اشهر مانتكلم قالت برسالة انا زعلانة منك جبت ولدي ماهنيتيني ولا قلتي مبروك ورديت عليها اني مشغولة مع الوالدة وصارت كل بين فترة وفترة تتصل تقول زوجي مسافر بسولف حاسة بملل مع عيالي

طيب انا امي الغالية الله يرحمها توفت من ثلاث اسابيع وكانت نفسيتي زي الزفت لاني متعلقة فيها من صغري ورافقتها طول فترة مرضها بنفس اليوم الي امي توفت ارسلت لها رسالة وعلمتها
فاتصلت علي وكنت ابكي قالت صحيح هالخبر؟؟ قلت باالله عليك بكذب بموضوعها ؟؟ قالت الله يرحمها ارتاحت من اتعابها وقالت لي انها بتجي تعزي واول يوم ماجت ولا اهتميت ثاني يوم ماارسلت لي واليوم الرابع ارسلت قالت اخوي عنده ظروف مايبي يجيبني وقتها طبعا نفسيتي كانت متلخبطه ومعصبة وارسلت لها رساله قلت مو لازم تجين ولا طلبت من احد يجي المفروض انك وقفتي معي بسؤال واطمئنان في عندي صديقات اعتذروا بس واسوني واطمنوا علي بالتلفون وكيف صرت المهم تشاركني حزني ولو بالتلفون

قامت ارسلت لي حرام عليك انا اتوحم وتعبانة من الوحام وخايفة من امي تهاوشني لان ولدي صغير وقلت لزوجي ودني ورفض قال مو بلازم ودقت علي بعدها مرتين ولا رديت عليها طاب خاطري منها كل مرا تتعذر بسبب جديد

والله العظيم انها مرا سقطت جنين ودقت علي تصيح وسمعتها وواسيتها
اذا كانت حامل تدق علي انا طفشانة من الحمل بسولف معك وتاخذ مني معلومات وتسال عن الرجيم انه الحمل زاد وزنها ومرات تدق علي وهي بالسوق شفت كذا وكذا وش تنصحيني اخذ وش افضل شيء

انا مو متزوجة ولا افهم بالوحام لاكن ياما ساعدتها وواسيتها وارسلت لي قبل كم يوم تقول سامحيني بهذلني الوحام بعد مايخلص وحامي ادق عليك الحين انا تعبانه بعد 3 اسابيع الي هي امس دقت علي ومارديت عليها

بصراحة نفسي طااااااابت منها يعني انا وقفت معها باتفه مشاكلها وهي مواساة واطمئنان بالجوال على نفسيتي وكيف صارت بعد امي مااهتمت بسبب الوحام انا والله ماكان يهمني تجي بس والله في

عندي غيرها صديقة لي ماجات مع انها قالت يمكن اجي بس اتصلت علي وواستني وبكت على امي والله احترمت موقفها لنا سنة ونص مااادري عنها بس ارسلت لها وعلمتها وكانت متاثره كثير

انا للحين مفتقدة امي وافكر فيها كثييييييييير واحس اي احد ماواساني فلا انا ولا امي نعني له شيء


قبل 6 سنوات امي دخلت المستشفى وجت صديقتي هذي تزورها امي تاثرت وفرحت بزيارتها وهي بعد ماراحت اتصلت علي امك شكلها كبير من المرض لو تخفف وزنها صارت امي ماتطيقها الله يرحمها

وحتى لما كانت بالمستشفى هالايام تعيب امك وامك قلتلها امي تعباااانة وزنها نقص كثييير من المرض عصبت عليها بوقتها وقبل شهر كلمتني تقولي قلت لزوجي اترك عنك المعاصي شوف ام صديقتي بالمستشفى انتبه لاتصير مثلها .....حز بنفسي كلامها امي كانت طيبة ومؤمنة وماسوت شيء يغضب الله علشان تدخل المستشفى الي صار لها ابتلاء من رب العالمين والحين ربي يشملها برحمته

انتم ايش رايكم تستاهل صديقتي اني ارجع اكلمها؟؟؟ ولو ان ماعاد لي اي رغبة بالتواصل معها والكلام معها

اخر شيء ادعوا لامي بالرحمة والمغفره ويجعل مسكنها الجنة ويصبرني على فراقها كل يوم ابكي عليها مرات اسمع صوتها تنادي واقوم ركض افكر انها موجودة واحيانا اسمع الراديو تحب تسمع البرامج افكر انها تسمعه اتخيل صوت الراديو كانها فاتحته وتسمع
ودي اسمع صوتها ...

تراي متلخبط اكتب وبالي عندها يارب تغفر لها آمين ياااااارب

الله يرحمها وجميع موتي المسلمين اجعل ياايمه مثواك الجنة وربي يتجاوز عنك الخطايا اللهم آمين

​

 

[الوان خشبية]

الله يعظم اجرك حبيبتي شوفي صديقتك لو عندها ماضي جميل بقول اللي صار الان سوء تفاهم لا اكثر , لكن من كلامك عنها
كله سلبيات ما حسيتك مرتاحة معها وطبعا هذا من حقك مو مجبورة تصادقيها دام جاتك الفرصة ليش لا خلي علاقتك معها رسمية مو لازم
تكون صداقة قويةولا مرة وحدة قطيعة اذا اتصلت انصحك ردي عليها بس لا عاد تصيرين مثل اول عادي كل الناس تتغير
اهي بتزهق تالي بتتعود وشوي شوي بتبعد بحالها او تتغير وتجاريك
جاتك تعزي اجرها على الله ما جات عذرها معها لا تتشرهين عليها ولا تشغلين نفسك فيها
ولا تتحسفين على خير سويتيه لها او لاي احد أجرك على الله مو على الناس
بس خلاص اذا طاب خاطرك منها سلام عليكم السلام

 

[البارونـه]

حبيبتييي عظم الله اجرج
والله يرحم امج ويجعل كل التعب الي تعبته سبب بدخولها الجنه بدون سابق عذاب وعقاب
جوفي حبيبتي امج ماصارلها فترة طويلة من توفت وانا حاسه فيج ونفسيتج تعبانه
فمانصحج تضغطين على نفسج وتتنازلين لهالبنات وماراح اسميها صديقه لاني نفسج نفسيتي تعبانه من صديقتي
صدقيني كلنا عندنا هالنوع من الاصدقاء ومع ان الله عوضني بس مازلت اتألم يوم أتذكر ان من 3 سنين ثلاث من صديقاتي جحدوني ووحده منهم كانت بيوم أعز صديقة
بس أنتي الحين مندفعه عاطفيا فلا تاخذين أي موقف صارم بس اقطعيها لين ماتتعدل نفسيتج وبعدها تفكرين شتسوين
يمكن يكون بعدها والعلاقة السطحية راحة لنفسيتج
الله يمسح على قلبج، ويبعد عنج الحزن
تخيلي امج سعيده الحين بالجنة ومرتاحة بعد هالتعب مع المرض والله بترتاحين

 

[M!SS.LOBY]

لا حول ولا قوة الا بالله