موقادره استوعب السالفة يابنات

[ام كحيلان 77]

السلام عليكم ورحمه الله وبركاته

الله يقطع الايفون وسوالفه
أنا من فتره كتبت لكم عن مشكلتي مع زوجي بسبب برنامج بالايفون البارلغو وانه يسولف مع بنت وتطرش له صور جنسيه المشكله انحلت والحمد لله مسح البرنامج واعتذر لي
بس مشكلتي الحين يا بنات أن مره بالصدفة كان ناسي ايفونه بالبيت ورايح يجيب علاج لبنتي من الصيدليه الساعه ثلاث الفجر ويوصله بألواتس اب كلمة احبك من رقم واحد اسمه ابو ساره
ويوم وصل للبيت ما تكلمت وأستمريت ساكته لمده اسبوع لانه كانت في ظروف ما تسمح لي أني أتكلم بهالمواضيع
المشكله يوم واجهته بالسالفه يقولي هذا رفيجي وعادي كان يتطنز وانا كنت مسوي فيه دقه قبل والحين بيردها لي
اهو دق عالرقم بنفس اللحظة وحطه سبيكر وسمعت صوت الرجال
بنات ابي منكم شغلتين

هل هالسالفه تدخل العقل؟؟؟؟؟؟:bbbiu:

الشي الثاني اهو الحين زعلان يقولي انتي شكيتي فيني وجرحتيني والمفروض انج مع هالعشره اللي بينا تكونين عارفه زوجج :eh_s(2):

اهو يبيني اعتذر منه مع أني ماقلت له شي:eh_s(14):
المشكله الحين انه الموضوع للحين مؤ داش مخي:bbbiu:
شلون رجال الساعه ثلاث الفجر يدز احبك والمشكله مارد عليه زوجي يعني الموضوع عادي عنده

 

[PuPa^^SWeeT]

والله مادري ياقلبي




بس السالفة مايبيلها اعتذار


لأنه لو اتدور السالفة ووحدة من صديقاتج اتسوييلج دقة بيشك و لا راح يعتذر بيقووول اهو معذور



بس انتي اتقولين سمعتي الصوت الحيين صوت ريال اكييد ؟؟؟؟؟



انشالله اتكون فعلا مقلب

 

[لمى الهاجري]

دام ريلج معاملته لج زينة طنشي ولا تضيجين عليه

 

[كويتية زقرتيه]

دام سمعتي صوت الريال جايز اتكون دقه واذا زعل منج قوليله اسمحلي بس انته حطيت صفة الشك فيني وانته بإيدك اتخليني اغير نظرتي وشوي شوي مع الأيام انته حاول اترد هالثقه والله يسخره لج​

 

[لباسةالعقد]

شاف ان الرقم دز رسالة وهو ناسي تلفونه وتوقع انج شايفته قام وسيف رقم واحد من ربعه باسم ابوسارة عشان لما تواجهينه يعرف يدافع عن نفسه
يمكن استنتاجي صح ويمكن موبمحله لانه لو متوقع احد يطرش له ماينسى تلفونه

 

[كربون امها]

تصير بين الربع دقات والظااهر رفيجه يبي يثير الغيره بينكم كامقلب

 

[ام كوثر2007]

دام سمعتي صوت ريااال ليش مكبره المووضوع ؟

اغلب مزح الرياييل بين بعضهم يكون ثقيل نوعا ماا ..

تصرف صاحبه غلط لانه المفروض يفهم انه متزوج والحرمه عقلها صغير .. والحركه هذى احتمال تهدم بيوت ..


كل للى عليج تسوينه الحين انج تقولين له لولا اني احبك وما ابيك تنجرف للطريج هذا جان ما شفتني كلمتك بالموضوووع ..

وسكري علي المواضيع حبيبتي ومو كل اشوي تنبشين التلفون ترا ما ورا التنبش الا خراب البيوت ..

قعدي وربي عيالج وحطي ايدج بيد ربج واستودعيه الله اهو يحفظه لج ..

 

[تفاؤل وأمـــل]

نصيحه ياام كحيلان من اخت محبه

لاتتجسسين على زوجك وتحاولين تشوفين وش يسوي

دام يعاملك زين اشغلي وقتك باهتمامك بنفسك وتطوير ذاتك افضلك

والله يوفقك ويسخر لك زوجك

 

[سمر شمر]

دام ريلج معاملته لج زينة طنشي ولا تضيجين عليه

محتارة لج اكثر من رد بموضوع تكتبين طنشي ماعندج غير هالرد

وصاحبة الموضوع


انتي مو غلطانه هذا من حقج لانج مرته وتعرفينه انه قبل سواها فيج الله يلوم اللي يلومج



وان حسسج بالغلط قوليلة ترضى اسوي اللي سويته ؟؟:eh_s(4):

جان حتى مافتح باب التفاهم


ع العموم اللي صار صار بس انتبهي لاتحسسينه انج غلطانه لا

خليج قوية وكلج ثقة والله يخليكم لبعض ولايفرقكم

والله يهديه لج يارب

 

[عادي من قلبي أشيلك]

شاف ان الرقم دز رسالة وهو ناسي تلفونه وتوقع انج شايفته قام وسيف رقم واحد من ربعه باسم ابوسارة عشان لما تواجهينه يعرف يدافع عن نفسه
يمكن استنتاجي صح ويمكن موبمحله لانه لو متوقع احد يطرش له ماينسى تلفونه

نصيحه ياام كحيلان من اخت محبه

لاتتجسسين على زوجك وتحاولين تشوفين وش يسوي

دام يعاملك زين اشغلي وقتك باهتمامك بنفسك وتطوير ذاتك افضلك

والله يوفقك ويسخر لك زوجك

ردي بين هالبنتين
لحد يخرب علاقتج تاكدي اول

 

[brettey]

بس خلاص دام سمعتي صوت ريال لا تحاتين ولا توسوسين الله يهديه ويسخره لج

 

[حلا السعوديه.]

الله يهديك ياختي

وش ماخذه من الدنيا اعتذري

وفليها وطنشي ولاتخلين زوجك يشوفك نكديه

 

[قــل مـا تـشـاء]

طيب دق عليه بنفس اللحظة وسمعتي انه صوت ريال شنو يعني مو مصدقة ؟؟؟؟
لآتخلي ابليس يهدم بيتج وأطردي هالوساوس .,,