موقادره اتحمل

[قبسات]

السلام عليكم
انا هذي اول مشاركه لي
ماابي اطول عليكم
بس والله مشكلتي مشكله
بنات انا فتاة عمري مابين19 وال20 كنت من عمري 16 بدؤ ناس يجون يشوفوني مرة ثنين ثلاث اربع......الين ماصارت فوق العشرالمرات تقريبا16من دون رجعه الى الان مستمرة معاي هالسالفه بعضهم يقولون بيتصلون لبس كلام فاضي تخيلتو موقفي بس ! والله قمت اكره نفسي والناس ودايما احس بخيبه امل واحراج من اهلي
آآآآآهـــــــ عن جد تعبت وخالتي جابت لي نااس عشان يخطبوني بس مايرجعون والله مقهورة مرة انخطبت وماباقي الاالتحليل واهله هونوا عن الخطبه من دون سبب قولوالي ايش اسوي والله انا ماناقصني شي ابد كلل شي متوفرفيني احس اللي قاعد يصيرفيني موطبيعي احس في شي يافيني عين او سحرلاسمح الله مااااااااادري احس اني وحيده غريبه بهالدنيا حتى مااقدرافضفض وقول اللي بقلبي لاي احد دايما اقول الشكوه لغيرالله مذلللله ودايما اشكي لربي همومي ودايما ادعي وانا انسانه ملتزمه دينيا بس ماقول الاحسبي والله ونعم الوكيل
خلاااااااااااااااص احس اني بنفجر بموت ودايما ابجي كل يوم ابجي على حظي الطايح :eh_s(2):
احس اني والله بتعقد بستجن من هالسالفه
ساعدوني والله القهر اللي بداخلي كتبت هالموضوع
واتمنى من كل بنت مرة بهالتجارب تقول
اختكم قبوسه

 

[بـآربيـآ]

الله يرزقج

 

[غداً القاك]

توك صغيره
تتعقدين وتنقهرين وحارقه نفسك على ايش
مايموت انسان من هالدنيا الين ماياخذ اللي ربي كاتبه له
كل شي خيره من الله يمكن ربي بعدهم عنك وكاتب لك الأفضل
اهتمي بدراستك وشدي حيلك فيها واقري القرآن وارقي نفسك وداومي على الاستغفار
ترى الزواج مو كل شي بالدنيا صح ان كل بنت تبي تستقر بس الحمد لله دامك بصحه وعافيه هذا اهم شي

 

[هامش الطيف]

خيــره آكيـد

وتوج صغيـره حبيبتي آلزوآج مو كل شي ..
قولي آلحمدلله : ثقي تمآما الله كآتب لج اللي أحسن منهم كلهم : )

 

[khawla&tito]

صغيره حيييييييييييييييل توج ع الهم

شتقولين عن اللي دشو ال40 ولاتزوجو !

وبعدين الزواج بيحل كل مشاكلج؟؟؟؟؟؟

 

[انا لها شمس]

لانج انخطبتي بعمر صغير وانفتحت عيونج ع هالسالفه
تحسين انج كبرررررتي ويمكن عنستي
تووووج ياحياتي الي بعمرج ماانخطبو بعدهم ولا مره
كل شييييي قسمه ونصيب
لاسحر ولا عين يردون اللي كاتبه لج ربج

 

[نادر هواي]

عادى حبيبتى انا نفس موضوعج صار فينى مره ولا تعقدة ولا قعدة انوح الليل الزواج قصمه ونصيب .. قولى الحمدالله خيره..


لاحقين على الشقه

 

[قمر بيت أبوها]

ههههههههه والله ضحكتيني والدمعه بعيني صدق من قال كلن علي همه سرا او علي قولت البعض كلن بهمه سرا

 

[تحت ظلك]

يابنت الحلال هونيها وتهون

الله يرحمنا برحمته .

 

[الجمال العربي]

انا من شفتج كاتبه فتاه وانا غسلت اديني منج وعبالي عندج سالفه

ياحظج اقلها يجون خطاب لج


زوووووووووووووووووووووووووووووووووووووووووجووووووووووووني

 

[Hand]

نفس قصتج صارت معاي بالضبط

بس مااقول غير الحمدالله على كل حال

كملت دراستي والحين صرت موظفه في شركه معروفه

والحمدالله وضعي مرا اوكي وراضيه في كل شي

الين الحين ماجاني واحد خطبني كل الي جو ايام ماكان عمري 19 الين 21 سنه وماصار نصيب

اشوف رفجاتي متزوجات وعندهم عيال ومسؤليه وشذيه

لكن انا الحمدالله ماعندي غير مسؤليه نفسي وبس

احمدي ربك غيرج يتمنى يكون مكانج

لاتفقدين الامل ربك سبحانه مايبتلي الانسان الا اذا كان مخبي له خير

وخير كبير بعد

اذكري ربك وقولي يارب ارزقني بالزوج الصالح

 

[el.mlkaa]

توووووج صصغيررررررررره والحيــآة جدآآمممج


قولي اللهم لا اعترآض وكلل تأخييره فييييهـــآ خخييرـرره

 

[ya al3rosa]

كل تاخيرة فيها خيرة
تفائلى بالخير تجدوووة وبعدين توج اصغيرررة شغلى نفسج باشياء ثانية عشان ما اتفكرين والاحسن انج ما اتفكرين من كثرة التفكير ما يصير الشى الللى انتى تبينة

 

[Perfume]

حبيبتي بعدج صغيرة ونصيبج بييج ان شاء الله
واذا تحسين انه احد عطاج عين عوذي نفسج بالمعوذات
واذا بييونج خطاب لا تنشرون السالفة خلي بس اهل البيت يدرون اللي اهما امج وخواتج

 

[قبسات]

مشكورين الله يفرج هم كل مهموم يارب

 

[أعشقه]

وسعي صدرك وانا اختك
اذا ربي كاتب لك نصيب بتاخذينه بتاخذينه
لو طال الزمن فيك .. ولا تشغلين نفيك بفكرة الزواج حاولي تنسين
ترى انا كنت مثلك وانخطب وابوي كله يرفض ..
لدرجه اني قلت خلاص محد راح يجي لي كبرت وصار عمري 23 وبدخل 24
لدرجه اني قمت اقول لمي خلاص طافني القطار خخخخ
والله كاتب لي ولد عمتي وجا وخطبني وتم الموضوع والحمد لله تزوجت وانا عمري 24 والحين عمري 27 وعندي 2 والحمد لله
كل شي ربي كاتبه لك بيصير بس حاولي تقرئين سوره البقره ع مااي وتشربينه وتروشي بمويه وملح الخشن .. واقري عليه المعوذات واية الكرسي 7 مرات .. وكثري الاستغفار .. وربي راح يفرج عليك ان شاء الله

 

[miss nina]

الله يهديش..صغيرة يعني ماطفت الاربعين ..ههههههههه ..وعلى ايش مستعجلة ..حبيبتي الزواج قسمة ونصيب سبحان الله مولانك فيكي شي او ناقصك شي .بس لان ماآن الاوان ..وهذا كله بيد الله عزوجل ..تفاءاي وخاي ايمانك بالله قوي ولا تنقهري اذا في نصيب ..بتتزوجي لوويش ماصار ..بس انتي لاتفكرين واااجد بهالموضوع ..يعني الزواج شي جميل بالحياة ..بس ..هو موو كل الحياة !!!حارقة اعصابك على ايش ..شوفي اي حاجة تنشغلي فيها دراسة او هواية مثلا او دورات ..يعني اي شي يطور نفسك وشخصيتك ..صدقيني باشر بتتزوجين وماايصير عندك وقت لهالامور وبتتحسفي تالي ..وان شاء الله ييسر أمورك

 

[حديث الروح]

الزواج قسمة ونصيب .. ومهما عملتي واذيتي نفسك كل شي يصير بوقته فسلمي امرك لله واصبري حتى تصير القسمة والجزع مايغير من الامور شيء
والله ينولج مرادج

 

[حصة2010]

حبيتى توى الناس اهتمى بدراستك وربك كريم أكثرى من ا لاستغفار وقيام الليل وربك كريم

 

[اوبالز]

الله يرزقج الزوج الصالح
لا توقفين حياتج على الزواج اخدي الحياه من المنظور الايجابي اهتمي بدراستج وتفرغي لمستقبلج (الحياه ليست مجردرجل)
انا اقولج على شغله ثنتين من قرايبي بنفس العمر الاولى انخطبت صغيره تحت العشرين والى تقدم لها عنده وظيفه مرموقه واخلاق بس زوجها رفض انها تكمل دراستها مع انها ودها تكمل تعليمها حتى من قبل مايخطبها كان حلمها تدخل الجامعه والثانيه تقدموا لها ناس بيخطبونها وحددوا موعد بالتيلفون وانتظروهم ما يوو الموعد بعدهاا تصلوا يعتذرون بعد ما كسروا خاطر البنت هذي البنت مرت لسنين كملت وخدت احسن شهاده مثل مايقولون وتوظفت وصار عنده سلاح الوظيفه تواجه فيه معترك الحياه بعد ها تقدم لها الى افضل منه وتزوجت
بالعكس احيانا تصير الاشياء خيره والانسان عجول وما يدرك الخير وينه