شلونكم عرااايس كويتيات
دورتي الشهرية موعدها يوم عرسي وموعارفة شنو الطريقة معاها
تنصحوني بحبوب تمنع الدورة جم يوم ليما يعدي اسبوع من عرسي؟؟؟عل الاقل
احتمال اخذ عمرة متوهقة حيل
واذا اوكي هل لها مضار مثلااااااا تمنع الحمل ؟؟
واذا صار شي من اول ليلة وكتب ربي حمال واستمريت اكلهم هل لها تأثير ؟؟؟؟؟؟؟؟؟
مو عارفة شنو التصرف السليم بليز بنات ساعدوني الله يسخر لكم ازووواجكم
واللي مرت بنفس الظرف لا تبخل علي
واذا اكلهم شنو افضل وحدة تناسب عروس ؟
واكلهم قبل اسبوع مثلا من العرس ؟؟؟ قبل عشرة ايام ؟
حبيبتتتتي .. انا ماقريت موضوعج كله للحين ولا قريت الردود
بس لما شفت اللي كاتبته بالاحمر على طول رديت
تحملي تحملي تحملي
انا كليت حبوب تآخير الدوره مره وحده حق العمره برمضان
شوفي من متى لين الحين الدوره الله يعزج تنزل علي دم اسوود
والم مب طبيعي وكل مالها وتتآخر .. مب منتظمه وتنزل عالنفسيه
يعني تمت شهر كامله ماياتني ونزلت علي يوم خطوبتي
تعوذي من ابليس وومب لازمتج الحبوب والله
بالعكس خليها تنزل مب مشكله واساساِ يمكن من التوتر تنزل قبل العرس ولا عقب
ولو صار العرس وهي فيج مب مشكله كبيره بالعكس بتكلمين وبتفاهمين وياه
ولين صار الحدث الكبير ع قولتهم مااراح يكون فيج الخوف اللي بتكونين خايفته من اول ليله
انا انصحج نصيجة اخت لاختها ابتعدي عن الحبوب كل وحده طبيعة جسمها وهرموناتها تختلف
حتى لو قريتي ف الردود او حد قالج انا مجربته وعادي وماعرف وشو
انا اقولج انا خذيته من كم شهر وللحين دورتي مب راضيه تتعدل
ولين تيني تذبحني اول 3 ايام مايمديني اتحرك وغير جذي تلعوزني !
توقف واغتسل على اساس اصلي وترد تنزل صارت عادي تتم معاي من 8 لين 10 ايام ومب منتظمه
ف نصيحه ابتعدي
واذا خايفه ومتوهقه شلون تقولين حق زوجج عن الدوره
لين قالج ( قومي نصلي ) قولي لي ما اقدر .. وهو بيفهم
والله يوفقج ويتمم لج امورج على خير يارب :eh_s(7):
