موعد الدورة بعد عملية التلقيح الصناعي

[أم بتول]

بنات عندي سؤال :

متى لازم اتي الدورة بعد عملية التلقيح الصناعي أو الأصح بعد الابرة التفجيرية

هل بعده باسبوعين أو في موعدها الأساسي ؟

باختصار أنا راح يصيرلي يوم الاثنين أسبوعين على العملية و موعدها يوم الأربعاء

فمتى لازم أتوقع موعدها علشان أعرف اتاخرت و لا لأ:33_1185028183:

 

[Mrs. Finance]

السلام عليكم

اختي حللي بعد الابرة التفجيرية ب 12 يوم ان شاء الله يبين معاج.. و اعتقد تنزل بعد الابرة ب 14 يوم

 

[فوفه]

تنزل الدوره بعد يومين ولا ثلاثا من موعدها بس انشاءالله ما تنزل ولا تشوفينها الا بعد تسعة اشهر يارب
وتبشرينا بحملج


ام بتول عند منو سويتي التلقيح ؟؟

 

[Swan]

انا لما سويته كانت تتاخر معاي اسبوع تقريبا
واذا بتسوين تحليل حمل سويه بعد اسبوعين من ابره التفجير عشان ما تطلع النتيجه غلط
وان شاء الله ما تييج وتكونين حامل

 

[أم بتول]

شكرا خواتي swan و mrs finance و فوفة
على المرور و الرد

و بالنسبة للعملية اختي فوفة
أنا سويتها عند الدكتورة ليلى أشكناني " استشارية " رقم تليفون عيادتها 2633311 \ 2633344
عطتني الدكتورة الابرة التفجيرية
و حجزتلي موعد في مستشفى الهادي
و قالتلي ان اهناك احسن مختبر عندهم لهذي الامور

و انشاء الله يتمم علي و عليكم بالخير و يرزقنا الذرية الصالحة

 

[++The DuchesS++]

الله يتمم عليج انشاء الله
وبشرينا

 

[Snow-White]

انا لما سويت تلقيح صناعي بالصباح قالولي بعد اسبوعين تعالي سوي تحليل حمل وقبل يوم التحليل بيوم نزلت علي الدورة

 

[لؤلؤية]

اختي
ممكن اعرف جم كلفت عليج ..؟؟

 

[++The DuchesS++]

ام بتول قلبي وياج لا تنسين تطمنينا وتبشرينا

 

[MISS GUCCI]

الله يرزقج ب الذريه الصالحه ويرزق كل من يتمنى اللهم آمين

 

[أم بتول]

شكرا خواتي على المرور
بالنسبة لسؤالج أم فيصل
كلفتني 80 د.ك العملية
40 للدكتورة و 40 للمستشفى ( الهادي )
و شامل السعر غسل الحيوانات المنوية
و لاتنسين الابرة التفجيرية كلفتني على ما أظن 6 أو 8 دنانير
و بالنسبة للمنشطات أنا خذيت كلوميد

بس للحيني ما تأكد من الحمل
لأن الله لا يوريكم يوم الأحد طحت مريضة بالفراش
سخونه و برودة داخل الجسم و احتقان بالحنجرة و صداع مو طبيعي
يا الله اليوم اشوي صحيت
و الدورة للحينها ما شرفت و انشاء الله قولوا آمين ما اتشرف

 

[قمر ضاوي33]

اشصار معاك ام بتول ان شاء الله حامل

بشرينا

 

[فوفه]

ناطرينج ام بتول بشرينا سويتي التحليل ؟؟؟؟ يارب تكونين حامل انشاءالله

 

[Swan]

ان شاء الله حامل
وما تشوفين شر

 

[فوفه]

ام بتول بشرينا شصار عليج حللتي؟


الله يرزق الجميع ويرزقني معاهم بالذريه الصالحه يارب

 

[ام فوفو]

انا كانت تييلي الدوره قبل موعدها بيوم بالضبط حتى ماتعطيني امل اني افرح هذا بالعلاج
بس ماجربت التلقييييح