موظفه وياي تتحرش فيني بنات شسوي فيها اذبحها ؟

[مراام]

شخباركم بنات


بإختصار انا اشتغل بقطاع خاص زين .. من سنه توظفت ويانا وحده اهيا متزوجه وعمرها 26 زين يابنات مو طبيعيه من تشوفني تبطل وياي مواضيع الليزبيان واول كلمه تقولها هذه حريه شخصيه زين وانا شكو فيهم ؟ اذكر مره راويتها بلوتوث بنتين يرقصون جان تقول وااى شحلات الليزبيان طع هذه شدراها انهم جذي !! تفكيرها وسخ ومنحرف.. بس المصيبه مره بطتها بويهي كنت قاعده يتنى المكتب وياها حلويات جان اقولها لامشكوره مابي جان تقولي الا تاخذين وانا لا ياقلبي مابي مشكوره وايد جان تسوي حركه تعرفون اللى يحرك ايده على ويهه من الحراره سوت جذي لوول وقالتلى وااى حدج بيبي فيس تهبلين صج خايسه انا انطميت ماعرفت ارد عليها .. ومره يعنى بتسلم علي الصبح جان تحضنى ولمست صدري !!


مشكلتي انى انصدم وعقبها اقول انا شلون ماتحجيت وبهدلتها وبنات انا وااايد عصبيه ماعندى سياسه يا ابيض او اسود خايفه انفجر فيها والعنها بوخيرها وانا ماحب اصارخ وعصب بالدوام عطوني حل دبلوماسي << اتعب يالدبلوماسيه لووول

بليز ناطره تفاعلكم وياي

 

[كل الغلا زوجي]

إختي اولا الله يعينج على هالموقف ، بس أبدا لا تسكتين وأبيك تاخذينها علة جنب وتقولين لها انا ما احب هالسوالف مالت المنحرفين وجذيه .. وكلميها بكل صراحة ولا تعطينها ويه وكوني صارمة بهالموقف .

وياريت تقطعين علاقتج فيها بالتدريج ....ليما تفج عنج ..

الله يستر علينا وعلى بناتنا وكل من نحيه .

 

[صابونه_]

تفلي بعينها

 

[Ice CreaMa]

قولي لها ن هالحركات

شفيج عسى ماشر فيج شي؟


قولي انا وحده تسريت


واتقي الله بنفسج
وعطيها محاضره دينيه

وعسى الله يهديها

 

[pink*Girl]

كلميـــ زميلة معاج بالدوامـ تعطيج حل .. أو إنج تكلمين مسؤوولة ...


ولا أقولج قعدوا قعده جماعية وفتحواا الموضوع انتي مع اي زميلة وخلوها تستمع وألفي قصة إن وحده ليزبيان سوت كيت وكيت وقولي ويع ماتستحي عاد انا ماخليتها شخلتها وعطيتها كلام سميت بدنها وقولي مادري ليش يسوون جذي حرام ...وقولي المشكلة متزوجة ومعيلة ... لوووول


وين بيروحون من عذاب ربهمـ .... بيني لها إنج تكرهين هالحركات​

 

[يابختي]

عطيها كلمتين بالعظم بهدوووء من غير صراااخ..بس خليها تفهم انتي شنو..وعقب هالكلمتين لا تكلمينها ولا تعبرينها...

 

[vogue grl]

موضوعج لو حاطته قسم مشاكل الأجتماعيه جان لقيتي ردود اكثر على مشكلتج
بس امبيه هاذي ماتستحي وقفيها عن حدها مفروض من لمن لمست صدرج زفينها بس اضاهر عشان انتي منصدمه ماعرفتي تتصرفين وقتها
انتي ماكو اله لمن تيي عندج وتفتح موضوع الليزبيان انتي قطي بويها وقولي انج تكرهينهم وانه تلوع جبدج وتنقرفين منهم
اهني بتوصل لها المعلومه انج نظيفه ومو بتاع السوالف الوصخه الي بتفكيرها اهيا وبتوخر عنج"

 

[ام عفاف الكويت]

امبيه انا ما ضحكت الا على رد صابونه :eh_s(9):

بصراحه هذي مو مال تحاجينا بهدوء قطيها بويهها قولي انا انقرف من هالسوالف وهالناس المنحطه
شنو فيها مرض البنات يصيرون مع بعض
انا اعرف انه هالاشياء قمه في الانحطاط والانحراف وتربيتي ماتسمحلي ازفر الساني بالحديث عنهم
الله يقطعهم ويهديهم ان كانوا مايدرون
خليها تحس على دمها :eh_s(15):

 

[baby johnson]

واااااااي شنو هذي الله لايبلينا
شوفي حبيبتي اذا ردت وسوت هالحركاااااات
عطيها نظرررره تحرقها
استغفرالله ياربي
او مثل ماقالوا البنات قطي نغزااااات

 

[^ليلاس^]

كلميها بره الدوام يعني لما تطلعون بره

وعطيها ما عطاها زمانها

صج ما تستحي هذي

 

[خفجاوية]

شنو يعني (ليزبيان)؟؟؟؟بصراحة اول مرة اسمع هالكلمة0000ماادري اذا قصدك بوية0000

والله ماادري اخاف استعجلتي بالحكم0000تريثي شوي ولا تظلمين البنية00000
ترى في ناس تصرفاتهم كذا0000في ناس يحبون يمدحون ويقولون وش هالزين وش حلاتك ووش هالجمال0000ومن هالكلام0000

انا بدوامي كثير اتعرض لمثل هالمديح والاهتمام000ومرات احس ان المديح يطلع من وحدة اوفر شوي000وكل ماتشوفني لازم تسلم علي 00
وتمدح000وتدلعني 0000لدرجة اني استغرب من الاهتمام الزايد0000بس تدرين00وربي عمري ماحطيت ببالي انه فيها شي000او تقصد شي000لانهم كلهك حريم وامهات عيال000وممكن هذي طريقة تعبيرهم000من نية نظيفة وصافية00وفي ناس بسرعة تطيح الميانة0000عشان كذا احسن الظن 0000وأطووف0000مع ان من طبعي مااحب الاهتمام والمدح الزايد عن حدة00تشوفيني اضيع السالفة بسرعة واطرح اي موضوع ثاني0000وتضيع السالفة وهكذا00000لكن صدقيني أختي00000أحسني الظن00ولا يروح تفكيرك بعيد000لان بعض الظن أثم000ممكن ماتكونين مقتنعة بكلامي0000لكن هذا الصحيح00في ناس هذي طريقة تعبيرهم يحبون يمدحون واجد000ويحبون يرفعون بالوحدة عن نية صافية00وحركاتهم تكون مطيورة شوي 00وخفيفة000بس هذا طبعهم0000انتي حاولي تعطينها فرصة شوي00000لا تستعجلين بالحكم عليها0000ومثل ماقلت لك اذا مدحتك او شي ضيعي السالفة000لحد ماتدري ان طبعك مايحب المدح والاهتمام الزايد000000
وان شاء الله مافي الا كل خير0000000وموفقة يارب

 

[عاشقة الكاكاو]

اذا سوت جذي مره ثاانيه عطيها كف على ويها وراح تتسنع لان الموضوع مو هين

 

[إنسانه بكل حالاتي]

شنو يعني ليزبيان

 

[مراام]

بعد عمري بنات مشكورات واايد على نصايحكم

وخواتى اللى سألو شنو ليزبيان يعنى وحده مثليه شاذه تحب البنات وعلى فكره اهيا مو بويه بالعكس حييل دلوعه ومايعه بشكل مو طبيعي ومادري اختى خفجاويه انا حاسه تصرفاتها مو نظيفه ونظراتها وحركاتها وانا مشكلتي لمن انصدم اسكت ماعرف اتصرف وعقبها احترق وعصب ويطلع براسي مليون نرد << عقب شنو لووول .. مانى عارفه ازفها وبهدلها خوفي بعدين الكل يدري بالدوام مو حلوه بحقي لنه اهيا نقاله حجي وايد تقرق .. وخوفي احاجيها بدبلوماسيه وتعتقد هذا ضعف وتمسخها اكثر

 

[HELWA_Q8]

مادري شقولج بصراحه هالبنت صج يبيلها طراق على عينها بس انتي في مركز عمل لازم تحافظين على اعصابج وصورتج جدام الناس مومعقوله بتخانقين معها بالدوام أنا اقترح انج تشوفين لج وحدة معاج كبيرة بالعمر شوي اقدم منكم بالدوام مرة تكانة ومحترمة وقوليلها ملاحظاتج وحلفيها هالشي بينكم مايطلع لاحد
ماتدرين يمكن أهي مضايقتهم بعد أصلا دام هذا كلامها ومستواها اكيد الكل لايعه جبده منها إذا الوضع جذيه كلكم أخذوا موقف منها يااتسنع وتصير مرة مضبوطة أو تذلف عنكم

 

[غزالة وكلي غزل]

بعرف هالنوعيه من البنات شخلو للرياييل شالمصخره


الله يعينج عليها

 

[قهوة برية]

تفلي بعينها

هههههههههههههههههههاي ..!!

ردج عجيب ضحكتيني ..!!

وماهكذا تورد الأبل ..!!

 

[الكادي 1981]

نصــيحـــة ألعني خييييرهاااا وقفيهــا عند حــدهااااا تراا هالســـوالــف مايبيلهـــا دبلووماسيه ؟؟؟؟ واذا ماخافت منج ترا راااح تتطاول

أكثر ولله (( النـــاس رفيجهـــم القـــوي )) !!!!!!! مثـــل ينقـــال .... اذا سكتي وطنشتي يضنون انج ضعيف،،،ة أو حتى ماتعرفين

تتصـــرفييين كلششش ويتمادووون حيييل لاويسووووون مؤامـــرات بعـــد خليييج قويه ومايهمــج أحـــد

 

[يابختي]

شوفي..نبهي وحدة من اللي معاج على تصرفاتها معاج..خليها تشوف بعينها..عشان اذا صار وواجهتيها ووقفتيها عند حدها..تكون في وحدة معاج تأيدج...

 

[اميرة الغيد]

انا اقول اذا انتي حاسه ان قصدها وصخ ردي عليها بجد وزفيها عدل بينج وبينها عشان تنردع وهالاشكال ماينفع معاهم دبلوماسيه والا تستحين منها بعدين تظن انج موافقه بس متردده ماينفع معاها الا الرد القوي وتقطعين علاقنج فيها وماتعطينها ويه .