موظفة .. تنظيف .. غسيل .. كوي .. طبخ !!!!!

[بنت ريلي]

سلام عليكم

شلونكم موظفات ومو موظفات

انا من تزوجت وانا متأزمه ومو عارفه شلون انظم وقتي لاني عندي اكثر من شغله اسويها .. وكله حايسه مو عارفه شسوي من كثر ما الوقت عندي حيل قصير ..

انا موظفه وساكنه بشقه بروحي وماعندي خدامه يعني كل شغل البيت علي من تنظيف وغسيل وكوي وطبخ وغسل مواعين .. واذا بتعرفون شلون اتصرف سمعوا ..

اقعد الصبح الساعه 7 اخمط عبايتي واروح دوامي وارد الساعه 1 ويكون ريلي بعده مارد من الدوام .. ابدل بسرعه واروح احط الغدا على النار وارتب البيت واغسل مواعين العشى لانه ما يمديني اغسلهم بالليل يكون وقت راحتي .. وطبعا كل شي بوقت واحد .. من احط غداي على النار تلاقوني افتر بالبيت ارتب وانظف وادش الحمام اتسبح واتسنع وابدل ملابس الطبخ ويوصل ريلي الغدا زاهب .. نتغدا وانام بو نص ساعه واقعد مرات يكون عندي غسيل ملابس .. اقطهم بالغساله واروح اغسل مواعين الغدا وارد على غسالتي .. وهكذا.. يعني حيل حيل مو منظمه ولا عندي وقت ارتاح فيه والطلعه علي بالحسره .. ماادري انا اللي مااعرف انظم وقتي والا صج ماكو وقت

ياليت اللي وضعها مثل وضعي تساعدني ..:cxxxp:

 

[لارا2009]

الله يعينج يارب ويقويج انا بعد مثلك بس مع فارق اني ادرس يعني اصعب ما الاقي وقت للدراسه ما اعرف شنو اسوي كنت بفكر اشوفلي خدامه نص دوام لاكن كثير خوفوني منهم انهم وسخين ومالهم امان ومادري شنو الله يعين يارب البنات يفيدونج ويفيدوني معاج
اب

 

[FeShinGoOo]

رد : موظفة .. تنظيف .. غسيل .. كوي .. طبخ !!!!!

انا الغساله اشغلها بالويك اند بس
والمواعين اغسلهم قبل لا انام اول بأول
وارد البيت احط الغدا واروح اسبح وعلى مايي زوجي نتغدا نقوم انام والمغرب انظف الشقه وظبط غدا ثاني يوم
هاذا لما ماعندي خدامه

 

[الأميرة جوري]

رد : موظفة .. تنظيف .. غسيل .. كوي .. طبخ !!!!!

لازم تحدييدن يوم للغسيل الملابس ..يوم لتنظيف عام للبيت ..يوم لترتيب ...واحسن شيء الشغل بليل علشان لي رديتي الا كل شي مرتب ونظيف ... وفي طرق شكثر للغداء بطريقه سهله وووحده سعوديه نصحتنى بجدر الضغط تخيلي ساعه الا كل شيء خالص اذا كنتى متاخره او تبين تكسبين وقت .. ودعواتج لي اذا فدتج لو بشيء بسيط

 

[أط أط]

وعليكم السلام ورحمة الله وبركاته ..

لاااااااا أنتي أحسن مني بوااااايد ..

الله يعين ..

أنا أرد البيت 3.30 العصر .. وعلى ماخلص الغدا ما يمدي أتمكيج .. ولا ألبس ..

ولو أنام العصر كل شي سهالات .. لأني متعودة على نومة العصر ..

بس بعد ما تزوجت ما يمدي أنام ..

ولا صارت 8 أقفل خلااااااااص مالي خلق شي ..

بس بقولج على كذا شغلة ممكن تسوينها ..

1- أشتري جلاية صحون " غسالة صحون " تسهل عليج ..

2- أشتري أوتي كبس عرفتيه ..

خلي غسيل الملابس بالويك أند بس ..


ومواعين العشا غسليهم الصبح قبل لا تروحين الدوام .. إذا مالج خلق تغسلينهم بالليل ..

خلي التنظيف العدل والتكنس وتمسيح الطاولات وتلميعها بالويك أند ..

وباجي أيام ألأسبوع تنظيف خفيف .. وعموماً دام ما عندج عيال بيتم البيت نظيف ..


يعني ..

الجمعة الصبح .. غسيل ملابس وتنظيف بيت بضمير .. علشان العصر تقدرين تروحين الزوارة .. أو تطلعين مع ريلج ..

السبت أوتي وترتيب كبت ..

والله يعين يارب .. حياتنا مأسااااااااة ..

 

[وردة الحياة]

شوفي اختي بالذات المطبخ لا تنامين وتبيتين الصحون واكل فيهم والزباله لي ثاني يوم تطلع عليكم الزهيويه مالت المطابخ بعدين
غسيل الملابس خليه مرتين بالاسبوع... وتنظيف البيت مرتين بالاسبوع

انا اقوم من النوم الساعه ست اسوي الريوق واقعد ريلي مزهبه له ملابسه والجوتي والدلاقات وكل شي لان لبسه من الدوام
واحط الصحون على طاوله الطعام..انا ارجع 3 ونص واهو دايم وراي بنص ساعه 4 واحيانا يتأخر لي 5
اول ماارجع ارتب غرفة النوم واسأله شنو الغدا دايم نسوي اشياء بسيطه خفيفه فناتك

عندي يوم الاثنين مسميته يوم الغسيل والتشحيم انظف وامسح الارضيات وكل شي .. ويوم اليمعه والسبت غسيل الملابس
الظهر لان ريلي يكون سهران بره فينام وايد وانا اقعد مبجر
بس قبل النوم انا دايم اكون مزهبه الملابس وكاويتهم ومنظفة المطبخ اهم شي المطبخ
وانتي الحين بس شخصين خفاف مثلي انا وريلي انشاءلله ربي اذا رزقنا بهايل راح تصير عندنا خدامة انشاءلله بنحس راحه تغير علي امور وايد

والله يوفقج

 

[بنت ريلي]

رد : موظفة .. تنظيف .. غسيل .. كوي .. طبخ !!!!!

لارا ..

الله يعينج ويوفقج بدراستج ..والله حتى انا مفكره بخدامه نص دوام بس التنظيف بيدي اضمن من الخدم ..

ام ابيها ..

مشكوره ماقصرتي .. كلامج عدل

الاميره جوري ..

والله احدد ايام لكل شي بس الظروف تخربط الجدول ونرد مره ثانيه على العفسه .. الله يوفقج يارب

اط اط

مشكوره على الافاده وصح احسن شي نحدد لكل يوم شغله نسويها

وردة الحياه

والله انج سنعه يا ورده .. والله ماكو الا اسويلي جدول وامشي عليه بالضبط بدون تأجيل والله يعينا

 

[أميرة القصر]

رد : موظفة .. تنظيف .. غسيل .. كوي .. طبخ !!!!!

الله يعينج ويفرجها عليج .. آمين

 

[tbola]

رد : موظفة .. تنظيف .. غسيل .. كوي .. طبخ !!!!!

الله يعيينكوم كلكووم البنات كفووو وفوو:d

 

[رحيل المرافيء]

رد : موظفة .. تنظيف .. غسيل .. كوي .. طبخ !!!!!

الغسالة اشتري اوتوماتيك احسن تغسلهم وتسبعهم وانتي بس تشرينهم
المواعين جلاية صحون اشتري اريح لج
يبقى الكوي والترتيب
بعدين ماكو الا انتي وزوجج ماكو ذاك التنظيف اللهم ترتيب بس الصالة والسرير
والتنظيف مرة ولامرتين بالاسبوع
الا الحمام العصر نظفيه يوميا
والطباخ زهبي شغلج من اللليل
يعني بتسوين مجبوس مثلا اسلقي الدياية من الليل وشيليها بهريها وخلي مايهاااا بروح
وثاني يوم بس سلقي العيش بماي الدياي واقلي الدياية
قصصي لج الخضرة وحطيها بعلب بلاستيك وقت الحاجة يكونون جاهزين مثلا بصل بقدونس كزبرة شبت اللي تبين جزر مبشور
دقوس سويه بكميات وحطيه بالثلاجة وقت الاستخدام بس سخنيه


اخر الاسبوع هاتي خدامة اهلج او خدامة اهل زوجج تنظف وتكوي ممكن
غسال الهدوم مرة وحدة بالاسبوع مو من زود الهدوم انت وريلج بس

 

[tak^tak]

رد : موظفة .. تنظيف .. غسيل .. كوي .. طبخ !!!!!

الله يعينج وعينكم كلكم

 

[للزين هيبه]

رد : موظفة .. تنظيف .. غسيل .. كوي .. طبخ !!!!!



انا كنت اغسل ملابسي يوم وترك
بليل اقزرها

 

[nsoom777]

اجل انا شقول مو موظفه بس ربة منزل وظيفه صعبه تخيلي
عندي 4 عيال 2 مدرسه وواحد روضه ووحده 4 شهور عندي اسوي الغدا والغسيل والكوي وتدريس عيالي لجوا من المدرسه
وغسيل الحمامات وكنس الغرف والصالات وطلبات المحترم سويلي جيبيلي حطيلي والله كأني مكينه والله اقوم الساعه 6 والله ما انام الا 12
ولحطيت جسمي عالفراش احس انه متكسر
وفوق هذا قاعده اتعلم السياقه <<<<
ما اقول الا الله يعطينا الصحه والعافيه ويثبتنا على طاعته

 

[بيتي بوب بس كويتيه]

اشتري الجلايه سانيو عجيبه وسعرها مناسب
وخلي غسيل الملابس خليه الجمعه احسن
والترتيب حتي بوجود الخدامه ارتب
امممممم
تدرين أني يوم ولدت صليت ٦ شهور بدون خدامه أهني قولي شلون رقعت

 

[شيري]

الله يعينك صج تعب...ان شاءالله البنات يفيدونك

 

[شيخه الحلى]

مو ضروري تنظيف كل الشقه يوميا
الحمام ظفيه كل يوم إذا بتروحين تسبحين قبل لا تسبحين نظفيه
وأصلا بيكون نظيف غذا غسلتيه كل يوم
نظفيه بسرعه
اما تنظيف الصاله وغرفة النوم ماله داعي يومي
انتي عندج عيال يوصخون؟؟؟
إذا ما عندج مافي ذاك الوصخ اشدعوه

 

[رضاهم جنه]

انا اول زواجي كنت اخلي يوم لغسيل الملابس واليوم الي وراه حق الكوي

اما غسل المواعين ماياخذ مني ربع ساعه لان المواعين شويه

اما سالفة الغداء انا مجمده طماط مقطع وبصل مقطع >>> اخاي خدامة اهلي تقصصهم لي كل اسبوع واول ما ارد احط الغداء على النار واروح عاد ابدل واصلي وارتب الغرفه

اما تنظيف الشقه عامه مو دايما لان ما عندي احد يوصخ ماعدى الحمام تكرمين الي يكون يومي

تدرين متى ما يصير عندج وقت اذا صار عندج عيال مع ان الخدامه تكون موجوده بس شغل العيال ما يخلص

 

[فديت قلب امي]

الله يعينا

انا نظامي

اقعد 6 سيده اغسل واتجهز للدوام اطلع 6ونص

نتفطر بالدوام الغدا اطبخه من الليل لاننا نرد ويا بعض بسياره وحده نوصل البيت 2ونص

فمايمدي لاننا نكون يوعا يعني تسخين فقط

ماغسل المواعين اقطهم بالمطبخ واانام اقعد المغرب اصلي وابدا العمل ارتب غرفتي ترتيب عادي

وارتب الصاله وبعدين اطبخ العشاء والغدا بنفس الوقت وارتب المطبخ واغسل اول باول وبعدها ارتاح

شوي وابدا بتجهيز عبايتي وملابس الدوام واقعد على النت او اشتغل اذا فيه شغل على العشر احط العشاء

واغسل باقي الاكل واتسبح واجلس مع ابو الشباب فديته

الخميس يوم جمعه اهل ريلي يعني ارتاح من الشغل

يوم الجمعه اصعب يوم عندي يوم الكراف العالمي احوس كل شي وانظف من قلب العصر اخلص والمغرب وقت طلعتي

السبت اكوي فيه الملابس اجدد ديكورات غرفتي بس


نسيت اقولج حاطه علبه بالحمام عزج الله فيها مطهرات وقت مادخل الحمام اغسله يعني مو وقت محدد

اكثر شي ساعدني كوايه البخار مادري شسمها اللي نفس المحلات فيها هوز نفس المكنسه ريحتني من ملابسي خاصه وعباياتي(وحده تكره الكوي حتى النخاع)

ومفكره بغساله الصحون وغساله الملابس قريب

 

[BiiShOoO]

انا بعد جذي ماعندي خدامة

اقعد 7 او 7 و شوي اغسل و ابدل اروح الدوام اتريق هناك

ارد على 2 تقريبا ابدل و اغسل و اسوي غدا يكون خفايف و عقب ننام العصر نقعد المغرب او العشا

اغسل مواعين الغدا و اسوي عشا

غسيل الملابس يكون بيوم السبت او الخميس اذا مو طالعة و بنفس الوقت انظف المطبخ اذا فيه مواعين و جذي لانه غسالتي بالمطبخ

و المواعين اول باول

و ترتيب غرفتي اول باول و اصالة نفس الشي و يوم النظافة العالمية من غسيل و مسح و تشمعي و تلميع يكون السبت اكثر الاحيان

 

[اسيره الهوي]

الله يعينك حبيبتي انا مثلك بس ارد الساعه 4.30
مع ريالي
بس متل الاخوات ماقالوا اخصص يوم للغسيل والتنظيف الكلي
كل يوم تنظيف خفيف و اجهز وجبه الغداء بالليل وفي نفس الوقت اغسل صحون العشاء بس محدده ساعه معينه
يعني ارد من الدوام اخد شاور واسخن الاكل نتغدي وارتاح شويه بعدين تحضيرالعشاء وغسيل الاطباق واعداد غداء اليوم التالي الساعه 7 لحد 8 يعني مااتاخر
علشان لو حبيت اتمشي او اتفرج علي مسلسل مايضيع اليوم بالتنظيف
يعني بس علي التسخين لما ارد من الدوام