موظفات معهد الأبحاث والمقدمين الجدد عليه حياكم~

[Yostina]

قوووة بنااات :eh_s(17):​

أبي أسألكم الحين اللي يدقون عليهم شنو أول شي يطلبونه منهم؟
بالنسبة لي تخصصي علمي
اللي أعرفه إنه يطلبون توفل ويسوون امتحان تخصص ومقابلة شخصية
بس شنو ترتيب هالأحداث؟​

غير جذي
امتحان التخصص شلون يكون؟ الأسئلة Basic ولا يتعمقون؟
ويكون اختياري بس ولا في مقالي وشكثر تقريبا الأسئلة؟
لأن ودي أراجع لا أتوهق بس مادري من وين أبدي المعلومات وااايد خو :eh_s(1):​

والمقابلة الشخصية شنو يسإلون فيها؟ أسئلة عامة عني بشكل عام بس؟​

يا ليت اللي موظفات هناك أو اللي قبلوهم ومروا بهالمراحل يعطوني كل التفاصيـــــــــــــــــــــل اللي يعرفونهااا​

رجاء منكم تساعدوني شوي سواء بمعلومات عن الموضوع او برفعه فوووق للإفادة
وإنشالله ماراح تقصرووون :eh_s(17):​

بالتوفيق للجميع يا رب~​

 

[nonosha]

انا مقدمة يديد
واول رمضان سولي مقابلة وماكو شي اسالوني اسئلة بسيطة وماسالوني شي عن التخصص
عندج مشكلة اداومين عصر
لو قالولج ترتبين اولوياتج طبيعة العمل الزملاء الراتب شلون الترتيب
سويتي بالجامعةproject وفي مرة صرتي leader
شنو قالوا زملائج عنج لما كنتي leader
دورات اللي خذيتهم
شلونج مع العمل الجماعي
كان لج نشاطات انتخابية بالجامعة
اسئلة جذي مااذكر بعد

وعلى اخر رمضان امتحانت انجليزي وتخصص ( لان انا تخصصي تمويل ومو طالبين توفل )
وكان تخصصي الاسئلة اختياري في اشياء متعمقة وفي اشياء اساسيات

وبالتوفيق

 

[Yostina]

نونوشا مشكووورة وايد ع مساعدتج
انشالله يقبلونج ويدقون عليج
والله زهقت من سالفة هالامتحانات لا ويبون توفل صج هالامتحان يصدع الراااس من قلب!
حسافة لو ما طاح اللي امتحنته قبل سنتين جان مرتاحة الحين بس الحمدلله ع كل حال

بالتوفيق يااا رب وانشالله نشوفج اهناك p:


أب أب بنااات محد تخصصه علمي؟؟؟
شاركونا :/

 

[Yostina]

Up :/

 

[MISS __Fato0]

تخصص علمي مثل شنووو تخصصج؟!

 

[Yostina]

انا تخصصي مايكروبيولوجي
انتي موظفة هناك او مقدمة عندهم او تعرفين احد؟


وثااانكس ع مشاركتج

 

[AL-DMERA]

بنات ياريت تفيدوني هل بهالمعهد في احتكاك بالرياجيل !!؟

لأني حابه أسجل فيه بس زوجي رفض لأنه مختلط ،،،

ولا أكون بمكتب مستقل ،،! وشلون طبيعة العمل ،،،

أنا تخصصي صيانه أجهزهز إلكترونيه وكنت فيه ميداني وحيل حبيت المكان
لأنه هادي وشوي راقي أحسه ،، وأستاذي اقترح علي. أتوظف فيه لأني ممتازه شاطره

وشاكره لصاحبة الموضوع لطرح هالموضوع ،،

 

[AL-DMERA]

بنات ياريت تفيدوني هل بهالمعهد في احتكاك بالرياجيل !!؟

لأني حابه أسجل فيه بس زوجي رفض لأنه مختلط ،،،

ولا أكون بمكتب مستقل ،،! وشلون طبيعة العمل ،،،

أنا تخصصي صيانه أجهزهز إلكترونيه وكنت فيه ميداني وحيل حبيت المكان
لأنه هادي وشوي راقي أحسه ،، وأستاذي اقترح علي. أتوظف فيه لأني ممتازه شاطره

وشاكره لصاحبة الموضوع لطرح هالموضوع ،،

 

[Yostina]

^^ حياج حبيبتي موفقة وانشالله نلقى ردود تفيدنا

ماشالله المشاهدات وايد وحتى رفع ما انرفع الموضوع لهالدرجة عيازة!

عالعموم أب

 

[مولاي الفرج]

بنات شلون اسجل هناك في وقت معين للتسجيل ولا لا

و يقولون لازم واسطه صج؟؟

اهما يعتبرون مثل قطاع خاص ولا شنو

وايد اسئله عندييييييييي

 

[تراتيل المطر]

إي بنات عفيه قوولوو لنا التسجيل مفتووح ألحين ولا لأ ؟؟

بلييييز أنا محتآآآجه وظيفه ،، عسي ربي يوفقها ويرزقها من حيث لا تحتسب اللي تساعدنا ..

 

[Yostina]

حياكم بنات

اللي أعرفه إنهم مو قطاع خاص
حكومي بس مستقل

المكان يعتمد على كفاءتج أكثر
بس أكيد ما يمنع إنه لو عندج واسطة ممكن تساعدج أكثر
بس المكان شغل شغل يعني يبيله كفاءة ولا ماراح تقدرين تكملين فيه

التسجيل من فترة قصيرة كان مبطل بس حاليا مادري بصراحة جنه تسكر
بس تقدرون تروحون المعهد ويا أوراقكم وتقدمون ماراح تخسرون شي لأن احتمال ياخذونهم عادي

وبس هذا اللي أعرفه وموفقين يا رب

يا ليت ألقى مشاركااات ترد على تساؤلاتي أب أب

 

[Yostina]

Up Up Up
Up Up
Up​

 

[انــــــــــــــــــــــا]

بالنسبه للتوفل لازم تاخذين فيه 550 او تاخذين 6 بالايلتز طبعا الايلتز اسهل

يسوون مقابله لج بالادارات اللي محتاجه تخصصج اذا فيه اكثر من اداره كل اداره مقابلتها بروح

بعدها فيه اختبار تخصص

انا تخصصي علمي وقدمت على مساعد باحث بالمقابله قابلوني 10 وتتكلمين انجلش
الاسئله متنوعه وكل واحد يسأل مايخلون شي بخاطرهم
سألوا ليش ابي اشتغل عندهم
ليش ما رحت قطاع خاص
اذا معدلج عالي يقولون ليش ماتكملين ماستر وتشتغلين بالجامعه؟
هل عندج نيه تقدمين على بعثة الجامعه ؟
احنا عندنا نظام بعثات بالمعهد هل ممكن اذا اشتغلتي عندنا و صار لج فرصه تروحين بعثه عن طريقنا تروحين ؟
عندج خلفيه عن البحث ؟تعرفين تسوين بحوث علميه؟ سويتي بحث من قبل؟ او نشرتي ابحاث؟
شنو تشوفين نفسج بعد 5 سنين بالمعهد؟
تفضلين تشتغلين بروحج والا عمل جماعي ؟
اذا عندج مشروع تشتغلين عليه هل تخلصينه بالوقت والا مو شرط وممكن تطلبين تاجيل اذا فيه مجال للتاجيل ؟ للاسف كان حفره هالسؤال قلت لهم الجوده اهم شي واذا فيه مجال وقت زياده فافضل اني اسوي البروجكت بيرفكت بس راح احاول اوفق بين الوقت والجوده واخلص بالوقت للاسف بعد ماخلصت المقابله قالولي ان الوقت هو الاهم والمفروض اقول اني بخلص بالوقت مهما كانت الظروف
وأسئله بالتخصص نفسه بشكل عام شنو يطق براسهم يسألون
بس انتي اذا عرفتي الاداره حاولي تسألين اللي يشتغلون فيها شنو طبيعة شغلهم ومنها راح تعرفين شنو المواد بتخصصج لها علاقه بشغلهم فحاولي تراجعين الاساسيات فيهم

امتحان التخصص كان تقريبا 20 او 30 سؤال مو ذاكره بس كله خيار من متعدد انا بالنسبه لي كان اغلبه من لابات درسناها عن اسامي اجهزه وطرق بس وانا امتحن كان معانا تخصصات ثانيه كانوا طالبين اله حاسبه كانوا حاطين لهم مسائل
وكل اداره لها امتحان انا امتحنوني امتحانين بنفس الوقت حق ادارتين والاسئله كانت مختلفه فمثل ماقلت لج الاسئله تكون بالمواد اللي درستيهم ولهم علاقه بشغلج بالاداره

ان شاءالله اكون فدتج

وياليت اللي قدموا شهر 7 وسووا مقابلات وامتحان يقولون لنا فيه احد دقوا عليه قالوله انه مقبول؟؟

 

[نادية_]

الحين انا قانونيه بدون خبره اقدر اقدم عندكم من غير اعلان واخذ رقم طلب؟؟؟

وجم معاشات القانوينات

 

[انــــــــــــــــــــــا]

انا مو موظفه هناك انا مقدمه عالاعلان الاخير

بس تقدرين تروحين وتسألينهم يمكن للحين فيه تقديم

 

[نادية_]

اقدر اروح اقدم عندهم ؟؟

وجم معاش القانونيه ؟؟

ووياخذون اوراقي ويعطوني رقم طلب؟؟

ووين مكانهم


ومشكوره حبيبتي (( انا))