موضوع يونس# متى حبيتي جنينج؟

[سبيل المودة]

اهلا اهلا

اول مرة اكتب في هالقسم

و عندي سؤال محيرني


ودي اعرف متى بديني تحسين بالحب تجاه البيبي داخلج

:krkrkr:
متى حسيتي انج صرتي ام

و وقعتي بحبه و حسيتي بالامومة



يالله ابي اجاباتكم الصادقة



:eh_s(17)::eh_s(17):

 

[شواخي]

والله حبيته قبل لا احمل

وحملت و سبحانك ياربي متعلقه فيه وهو خلايا !

الخلايا تجمعت خارج الرحم و كان بيتكون جنين ! في قناه فالوب ! مو بالرحم (مو مكانه* *)

المستشفى قالوا لي هذا يهدد صحه الام بالموت ! ( وهم حبيته وماكرهته*) ويارب اشوفه بالجنه ويشفع لي يوم القيامه باذن الله ،،

لكن قلبي عشقه قبل لا عيني تعشقه !

عطوني مرتين كيماوي ولا نزل !

قالوا لي قلبج متعلق فيه لدرجه ان الكيماوي ماخذ وقت طويل

لي يومك وانا فيني هرمون الحمل مرتفع و الخلايا ميته !

وقلبي ميت بهالخلايا !

 

[{ ليت ظني كآن صآيب }]

موضوعج كله مشاعر واحاسيس

اول بيبي كان شعوري غريب كنت اخاف منه اكثر مما كنت متعلقه فيه

لاني جبته وانا صغيره ٢٠ سنه

بس لما صار عمره ٨ شهور تولعت فيه لدرجه اذا نام اشتاق له وودي اقومه و العب معآه

اما البيبي الثاني اللي بيشرف بعد جم يوم

بجيت بجي لما دريت اني حامل

و وصلت السادس وانا اقول الحمدلله على كل حال بس ماكنت متقبله الوضع و مرات انسى اني حامل

بس الحين بدش التاسع وميته شوووق ودي اشيله واضمه

تعلقت فيه حييييل و انا ماشفته

الحين مستعده اصير ام وانا اضحك بعد

بس بولدي كنت كله ابجي و اخاف حتى لما اشيله لاني كنت صغيره

الكل كان يقول بيبي و امه بيبي خخخخخ


بس ياربي لك الحمد والشكر شعور الامومه شعور حلوو

و يارب ترزق كل محرومه يااااااااااااارب

 

[الزين كله.]

حلو هالموضوع سبحان الله شلون عالمشاعر تتحكم فينا انا من يوم قالوا لي بالمختبر مبروك وانا احس فيه بداخلي مع انه صغير بس حبيته وكل ليله أتكلم معاه احسه يسمعني وبكل صلاة ادعي. ربي مايحرمني من لحظة ولادته سالم معافى ولايحرمني من بوسته ولمته بحضني
ولايحرم احد من هالنعمه

 

[American.Life]

حبيته اول ماقالو لي بالفحص اني حامل

 

[حبيبت مموي]

الأول متعلقه فيه حيييل ومن حملت استانست وكله اطلع السونار وكنت اخاف عليه لدرجة اخاف اشيل شيره اخاف يتعور لما امي زفتني هههههههه ولما ولدته حب تملك ممنوع اللمس جني مينونه الثاني توني حامل بالثالث استانست يوم دريت اني حامل بس الاتمام مو مثل الأول عااادي بس لمه اشوفه بالسونا يتحرك عيني دمع وتخيله يلعب مع ولدي واقول شلون انا عندي 2 واضحك

 

[engnera]

لما تحرك ببطني

 

[tmtmt]

اول مادريت اني حامل كان شعور غريب
وناسه بس مو حب

من بدت تتحرك اي تعلقت حيل وحبيتها

والحين من قبل لا يتحرك
من اول ماقالولي ولد وانا متششفقه حق شوفته
الله يقر عيني فيه يارب

والله يرزق الجميع ولا يحرم احد هاللحظات

 

[اتعبتنىى جروحي]

حبيته لما شفت كيس الجنين بسونار
وحبيته اكثر لما حسيت بحركته حده شعور ينن
فديتهم ربي يتمم علينا ويرزق كل محرومه​

 

[ام عفاف الكويت]

ماتحسين بالامومه صج الا لما تشوفينه جدامج سبحان الله ؟
شلون تحطينه صوبج وتطالعينه وتطالعين بطنج وتبتسمين

 

[om MaRyooM]

يوم بدت تتحرك


سبحان الله شعور غرييييييب ..

والله يرزق كل محروم آمين

 

[عطر الدوحه]

حبيته اول ماحللت ودريت اني حامل

وكل ماامسك بطني اشتااااق له اكثر

ولما اشوووفه بالسوناااار وشلون شكله صغييييييييييييييييييييييييييير اشتااااق واشتااااق

واتمنى للحظه الي اوولد بالسلامه واشيله وابوووسه

 

[^^ مس كيوت ^^]

موضوعج حيل شاعري وكله مشاعر حنونه..
انا حسيت بهالاحساس من اول ما فحصت لدرجه عبرت دموعي عن الفرحه..وكنت حيل متعلقه فيه وكل ما كبر بطني حسيت فيه اكثر واكثر

 

[أمل المنصوري]

في بجري من يوم ما حلتت كنت متعلقة فيها واقول حق زرجي انها بنت بس بالسونار قالوا لي ولد وطلع غلط وانها بنوته فديتها
وبولدي الثاني بعد من حللت تعلقت فيه وحبيته وتمنيته ولد والحمد لله شيخ الشباب
والثالث قعدت اصيح يوم دريت اني حامل كان ولدي الثاني 6شهور وحاجزة بروح العمرة وسبحان الله هو الوحيد من بين اخوانه اللي ما خذت مثبت وقلت خله يطيح وسعيت وطفت ووادز امي بالكرسي وهلكت وداومت بالجامعة بس لمن تحرك يالله ولا قعدت اكلمه بطني واعتذر منه ويوم قالوا لي الحبل السري ملتف على رقبته ينيييت في نفس اليوم 3 مرات مسويه سونار عشان اتطمن
بس الحمد لله بس حاش جبهته وطلعت سودة محتقن فيها الدم
حبايبي عيالي فديتهم
واحلى شعور لما احط اشرطة السونار وهم ببطني واشوفهم يتحركون احس انهم لين الحين موجودين داخلي وسبحان الله البنية حركتها غير عن الصبيان
واطالعهم عالطبيعة اقول لهم متى انتوا كبرتوا ؟ يارب احفظهم لي من كل شر

 

[miss_whitemocha]

من الليلة اللي حللت فيها بول عزكم الله وانا أموووووووووت باللي في بطني..من ليلتها و انا أكلمه و أسولف معاه..ما أناديه إلا حبيبي و دنيتي و أغلى الناس..
واليوم اللي سمعت فيه دقات قلبه بغيت أموووووت من البجي بالعيادة..واااايد تأثرت..تعلقت فيه زيادة.. وميتة خوف عليه و أحاتيه.. أبي أشوفه بصحته و عافيته..أبي ألمه بحظني و أبوسه و أمسح على راسه..أبي أعطيه كل اللي فقدته بحياتي يوم إني طفلة..
ودي أغمض عيني و أفتحها ألاقي ضناي بحظني بخير و عافية..
ياربي يا قادر يا كريم..إنك تفرحني بشوفته سليم و متعافي ياااااااااااارب..​

 

[لمسة انثي]

الله يتمم عليكم ويرزقني انا وباقي خواتي اجل غير اجل يااارب
ويتمم عليكم وتولدون بسلامه يااااااااااااااااااااااااااااااااااااااااااااااااااااااارب وتفروحون فيهم بصحه وعافيه يارب

 

[القناصه]

وااااااااااااا و موضوعج روعه

انا حبيته من يوم قالو مبروك حامل

واااااا فديته كنت كل يوم أفتح الدرج حق الكوميدينه وأطلع صور السونار وأبوس صوره وأرد أرجعها

ادعو لي إن الله يرزقني ببنوته

 

[عروس بدويه..]

بدية احبه بالشهر الخامس لما تحرك

 

[ام الشوامس]

بولدي الاول = من اول ما حملت فيه وكنت اسولف وياه

الثاني= لما تحرك

و الحين الحمدلله حامل وللحين ماحسيت اني احبه ماتحرك للحين

الله يخليلي عيالي ويهديهم

 

[السولعيه]

الاول ما حسيت انه ولدي

كنت احبه لما ولدته بس شنو ؟ كأن ولد ناس ثانين هههههه شعوري كان غريب حيييل


بس حبيته وتعلقت فيه لما كبر وصار ابو شهور ..


والحين حامل وحبيت اللي في بطني من بدا يتحرك