موضوع هام جدا (( حملة مقاطعه ايفون 5 ))

[حرم القيصركمودس]

السلام عليكم ,,


مثل ماانتو عارفين ان تم عرض فلم مسيء للرسول المصطفلى محمد صلى الله عليه واله وسلم

والله يلعن الي كان سبب هالفلم ,,

وقامت حملات كبيرة جدا من شتى بقاع العالم العربي والاسلامي ضد الممول الاول لليهود واسرائيل والي اهيه ,,

(أمريكا )

وحده من الحملات كانت مقاطعه شركة apple بالاخص الجهاز الصادر حديثا
iphone 5

وذلك للتاثير على الاقتصاد الامريكي

الحين ابي رايكم الشخصي بالموضوع وارجو منكم خواتي انكم تصوتون بالاستفتاء فوق

وهل راح تقاطعون هذا المنتج ( ايفون 5 ) ولا لا ء؟

ويعطيكم العافيه

 

[اميره1980]

اشمعنا الايفون يعني ؟؟
وايد عندنا بالكويت منتجات امريكية ؟؟
مثل السيارات و ادوات التجميع و اجهزة كهربائية و ادوية .......... الخ
محد بيلتزم و ما يشترون
من صجج الكويتيين ينزل الايفون اليديد و ما يشترونه ضحكتيني

 

[مراسيــل]

اميره1980
كــويــتــيــة مــاســيــة


نفس اللي كنت بقوله

في منتجات امريكيه اهم واغلا من الايفون لو بنقاطعها ونسبب لهم تدهور بالاقتصاد

وحتى لو قاطعنا ماراح يتغير شي جان تغيرت الدنمارك لما قالوا الناس بنقاطع منتجاتها

لكن حبيبتي صاحبة الموضوع لج كل الشكر والاحترام والتقدير وحبج وخوفج علي دينج
بارك الله فيج​

 

[هناء - Hana]

شمعنى بالذات الايفون ؟؟

 

[شذى2007]

اللي تقول شمعنا الايفووون بارك الله فيييج اقطعي كل منتجات اميريكا


وطبعا الايفووون راح يرفع بقتصاد امريكا ووووايد ووايد صح ولا بما ان الكل بيشتريه

لكن تخيلوو ماحد شراه والسبب هو الفيلم المسي ساعتها بيعرفون ان الله حق

اتوقع لو ان الفيلم المسي كان عن الكويت اوالسعوديه او اي دولة كانت بالله كان

شنو شعورنا احنا كشعب نلقى الكل يد وحده ونقاطعهم ؟؟؟؟؟؟؟؟؟؟؟؟؟

 

[Combat]

لا شمعنى ايفون 5 بس
ليش مو فور اس ولا اي باد
ولا شركة ابل بكبرها يعني ؟!!؟!؟
ليش هالضعيفون حاطين عليه

 

[حرم القيصركمودس]

بنات اذا ماعليكم امر شاركو بالتصويت
اغلبكم رايكم لا والتصويت ٢ ايي !!

 

[اميره1980]

صاحبة الموضوع سامحيني ما قدرت اصوت على الموضوع
لاني ما ني عارفة الاجابة بصراحة و ما ابي رب العالمين يحاسبني عليه و انا قلت بمشاركتي السابقة ان مو بس الايفون المنتج الوحيد الامريكي اللي اذا قطعناه بنخلي امريكا تندم على الفيلم
اذا فعلا نبي تقطع المنتجات الامريكية وايد شغلات بحياتنا بنخسر منها و احنا اللي بنتعب لانها شغلات مهمة بحياتنا و احنا مستفيدين منها بعد
على فكرة انا قريت بجريدة الوطن اليوم ان فرنسا تبي تنشر كاريكترات مسيئة للرسول صل الله عليه و اله و سلم
معناته حتى فرنسا بعد بنقاطع منتجاتهم
باي ياي لانكوم و شانيل و غيرها و غيرها

 

[تحت ظلك]

والله ماوقفت ع أيفون
وش كثر منتجات أمريكيه
لكن سمعنا بمقاطعة أم بس سي عشان مسلسل عمر ,, بس كلام كـ دعاية بعدين يااااكثر العالم الي تابعت المسلسل من مجرد ذكر حملة المقاطعه

بعدين أذا شي بيفيدنا أي شئ بالنسبة لي الأيفون ماراح يفيدني بس منتجات مفيده أكيد بشتريها

والرسول صلى الله عليه وسلم طاعته بطاعة أوامره وأجتناب نواهيه وأتباع سنته ونشر الأسلام لكن مو بطريقه تعود علينا بالضرر

 

[أم جوري]

السلام عليكم انا اقول لكم شمعنى ايفون 5 مو اي سلعة ثانية ايفون 5 حديث الاصدار ومتوقع له انه يدر ربح بالمليارات فقط من دول الخليج ؟؟؟!!!! ايش رايكم ؟ هل مقاطعة هذا المنتج ولو مبدأياً يعني ما فيكم صبر شهر ؟ شهر ؟؟؟ صدقوني بيعرفون ان الله حق وانه احنا ممكن ندمر اقتصادهم بيومين ... لا تستهينون بهالشي وتدورون مبرر تقولون في منتجات ثانية صح خلونا بعد نقاطعها ولو مؤقتاً ويعرفون انه لنا وزن في هالعالم وما يستهينون فينا والدليل انه فرنسا نشرت رسوم مسيئة ايضا وصاحب المجلة يوعد القراء بالمزيد شنو معناه ؟ خلونا حتى اي منتج فرنسي جديد ينزل وكلنا عارفين انه تقريبا اكتوبر تنزل المنتجات الجديدة للماركات المعروفة لا تصيرون نفس يوم قلنا حرام تشيلوناو تلبسون علم بريطانيا كل واحد طلع له بسالفة ومبرر علشان يشيل علم عليه صليبين مو واحد ... وجزا الله صاحبة الموضوع كل خير وكليتوها بقشورها مسكينة هي تبي تعبر عن حبها ودفاعها عن سيد البشر عليه الصلاة والسلام الواجب منا كلنا انه نتفق شلون نرد عليهم ونقترح ونناقش مونسفه الامور ... بالطريقة وشكرا لكم

 

[جان دارك]

يبه المنتجات الامريكية مغرقة البلد
وصارت مثل الهوا والماي
حتى الادوية امريكية
وخير رد عليهم
هو محاربتهم بسلاح الإعلام
هذا من وجهة نظري
وامريكا مثل مافيها حيوانات
فيها مسلمين غاضبين لأجل محمد
صلى الله عليه وسلم

 

[جولينار]

ليش اي فون 5 بالذات

لانه منتج جديد

وتجارة


والتجارة ربح وخسارة

وكعادة العرب والخليج بالذات اي منتج يطلع جديد يرفعون نسبة مبيعاته ويرفعون ارباح الشركة

وبالتالي يتعدل اقتصاد البلد بسبب هالربح



لو قاطعنا فعلا


ايش اللي راح يصير


راح يطيح اي فون 5 في كبودهم

بيصير اختراعهم غير ناجح


راح يخسرون كل فلس حطوه في هالاي فون وكانو يتوقعون انه يرجع لهم اضعاف مضاعة

الشركة احتمال تصير مديونة

احتمال يفصل عدد كبير من موظفين وموظفات الشركة


والسؤال هنا لما قال المتحدث باٍسم شركة ابل ( اعتقد كذا ) انه العرب مستحيل تقاطع ايفون 5


هل بنأكد كلامة والا نكذبة ؟


واعتقد هذا ابسط شي نقدمة للرسول


ملاحظة

وهالشي من صالحنا لانه ممكن بعد فترة بسيطة ينزل سعره وينخسف بشكل فضيع

وبعدها عادي نشتريه لانهم باعوة بخسارة اصلا



هذا والله اعلم وصلى الله على سيدنا محمد

 

[شامخة بطموحها]

2التصويت

 

[حرم القيصركمودس]

حلوو بعد ابي اراء

مشكورين البنات الي شاركوني الموضوع

 

[هدوء العالم]

كليتو البنت من قشورها
والحمدالله البنت قدرت ولو بالبسيط تدافع عن نبينا محمد عليه أفضل الصلاة والسلام
وأنتم بسرعة دفاع عن أبل

 

[حرم القيصركمودس]

اب
اب
اب

 

[خالتي قموش]

انا اصوت عادي

بس المفروض سفاراتهم تتسكر
وينطردون كل سفرائهم

نطالب بان يتحاسبون الكلاب اللي اساؤو للنبي عليه الصلاة والسلام
لازم ما نشوف تقل نسب المشاهدات للفلم
عشان ما يربحون
هو حرقو المصحف
بس ما شافو اي ردة فعل من المسلمين
عشان جذي تمادو
وهلمره مو لازم نسكت

 

[help me please]

اب
اب
اب

 

[مفعمه بالحيويه]

نعم انا مع المقاطعه

لازم يتعلمون درس

 

[ام حنااين]

مع المقاطعة اكيد
في الدول الغربية التجار والاقتصاد ياثر على السياسة لانه يمول حملات انتخابات الرؤساء واعضاء المجالس
والبلد تصرف من ضرايب التجار فخسارتهم تاثر على قرارات الحكومة عندهم

مشكورة على تذكيرنا بالمقاطعة